ଚାନ୍ଦିପୁରରୁ ସଫଳ ଉତକ୍ଷେପଣ ହେଲା MRSAM, ଭାରତୀୟ ସେନାର ବ୍ୟବହାର ପାଇଁ ଏହି କ୍ଷେପଣାସ୍ତ୍ର ନିର୍ମାଣ
ବାଲେଶ୍ବର (କେନ୍ୟୁଜ): ଚାନ୍ଦିପୁରରୁ MRSAMର ସଫଳ ଉତ୍କ୍ଷେପଣ। ଭୂପୃଷ୍ଠରୁ ଆକାଶକୁ ଲକ୍ଷ୍ୟ ଭେଦ କରିପାରୁଥିବା ମଧ୍ୟମ ଦୂରଗାମୀ କ୍ଷେପଣାସ୍ତ୍ର MRSAMର ପରୀକ୍ଷଣ କରାଯାଇଛି। ଭାରତୀୟ ସେନାର ବ୍ୟବହାର ପାଇଁ ଏହି କ୍ଷେପଣାସ୍ତ୍ର ନିର୍ମାଣ କରାଯାଇଛି। ଏହାର ଲକ୍ଷ୍ୟଭେଦ କ୍ଷମତା ୭୦ କିଲୋମିଟର ପର୍ଯ୍ୟନ୍ତ ରହିଛି । ଏହା ୬୦ କିଲୋଗ୍ରାମ ପର୍ଯ୍ୟନ୍ତ ଆଣବିକ ଯୁଦ୍ଧାସ୍ତ୍ର ବହନ କରାଯାଇପାରିବ।
MRSAMର ଓଜନ ୨୭୫ କିଲୋଗ୍ରାମ, ଲମ୍ବ ୪.୫ ମିଟର ଓ ମୋଟେଇ ରହିଛି ୦.୨୨୫ ମିଟର। କ୍ଷେପଣାସ୍ତ୍ରର ସେନା ସଂସ୍କରଣ ପରୀକ୍ଷଣରେ DRDOର ସଫଳତା। ତିନି ଦିନରେ ଚତୁର୍ଥ ଥର ପାଇଁ ପରୀକ୍ଷା କରାଯାଇଛି। ଏହି ପରୀକ୍ଷା ପାଇଁ ୭ହଜାର ଲୋକଙ୍କୁ ବାତ୍ୟା ଆଶ୍ରୟସ୍ଥଳୀକୁ ସ୍ଥାନାନ୍ତର କରାଯାଇଛି।
