ଆଜି ନେତାଜୀ ଓ ବୀର ସୁରେନ୍ଦ୍ର ସାଏଙ୍କ ଜନ୍ମ ଜୟନ୍ତୀ, ବୀରପୁତ୍ରଙ୍କୁ ମନେପକାଉଛି ଓଡ଼ିଶା
ଆଜି ହେଉଛି ନେତାଜୀ ସୁବାଷ ଚନ୍ଦ୍ର ବୋଷଙ୍କର ୧୨୭ତମ ଜନ୍ମ ଜୟନ୍ତୀ । ଏଥିପାଇଁ କଟକ ଓଡ଼ିଆବଜାର ସ୍ଥିତ ନେତାଜୀ ଜନ୍ମସ୍ଥାନ ସଂଗ୍ରହାଳୟରେ ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯାଇଛି। ନେତାଜୀଙ୍କ ଜୀବନୀ ସମ୍ପର୍କିତ ଅନେକ ନୂଆ ବିଷୟବସ୍ତୁକୁ ସଂଗ୍ରାହଳୟରେ ସ୍ଥାନ ଦିଆଯିବ।
କଟକ (କେନ୍ୟୁଜ): ମନେପଡ଼ନ୍ତି ନେତାଜୀ । ଆଜି ହେଉଛି ନେତାଜୀ ସୁବାଷ ଚନ୍ଦ୍ର ବୋଷଙ୍କର ୧୨୭ତମ ଜନ୍ମ ଜୟନ୍ତୀ । ଏଥିପାଇଁ କଟକ ଓଡ଼ିଆବଜାର ସ୍ଥିତ ନେତାଜୀ ଜନ୍ମସ୍ଥାନ ସଂଗ୍ରହାଳୟରେ ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯାଇଛି । ନେତାଜୀଙ୍କ ଜୀବନୀ ସମ୍ପର୍କିତ ଅନେକ ନୂଆ ବିଷୟବସ୍ତୁକୁ ସଂଗ୍ରାହଳୟରେ ସ୍ଥାନ ଦିଆଯିବ ।
ଆଜିଠାରୁ ସାଧାରଣଲୋକ ସଂଗ୍ରାହଳୟରେ ବୁଲି ନେତାଜୀଙ୍କ ସମ୍ପର୍କରେ ଅନେକ ଜ୍ଞାନ ଆରୋହଣ କରିପାରିବେ । ସେହିପରି ଜାନକୀନାଥ ଭବନକୁ ମଧ୍ୟ ରଙ୍ଗୀନ ଆଲୋକମାଳାରେ ସଜଯାଇଛି। ଜୟନ୍ତୀ ଅବସରରେ ସଂଗ୍ରହାଳୟ ପରିସରରେ ଦୁଇ ଦିନ ଧରି ଏକ ଫଟୋ ଚିତ୍ର ପ୍ରଦର୍ଶିନୀ ହେବ। କାର୍ଯ୍ୟକ୍ରମରେ ସଂସ୍କୃତି ଓ ପର୍ଯ୍ୟଟନ ମନ୍ତ୍ରୀ ଅଶ୍ୱିନୀ କୁମାର ପାତ୍ର ମୁଖ୍ୟ ଅତିଥି ଭାବେ ଯୋଗଦେବେ।
ସେହିପରି ଆଜି ବୀର ସୁରେନ୍ଦ୍ର ସାଏଙ୍କ ୨୧୫ତମ ଜୟନ୍ତୀ । ସମ୍ବଲପୁରର ଜେଲଖାନା ଛକ ସ୍ଥିତ ବୀର ସୁରେନ୍ଦ୍ର ସାଏଙ୍କ ପ୍ରତିମୂର୍ତ୍ତିରେ ଜିଲ୍ଲା ପ୍ରଶାସନ ଅଧିକାରୀ, ରାଜନେତା, ସାଧାରଣ ଜନତାଙ୍କ ସହ ଛାତ୍ରଛାତ୍ରୀମାନେ ମାଲ୍ୟାର୍ପଣ କରିବା ସହ ସ୍ମୃତି ଚାରଣ କରିଛନ୍ତି । ସୁରେନ୍ଦ୍ର ସାଏ ହେଉଛନ୍ତି ପ୍ରଥମ ମୁକ୍ତି ସଂଗ୍ରାମର ଶେଷ ସଂଗ୍ରାମୀ । ସବୁଠାରୁ ଅଧିକ ଦିନ ଜେଲରେ ରହିଥିବା ସଂଗ୍ରାମୀ । ବ୍ରିଟିଶର୍ସଙ୍କ ବିରୋଧରେ ଗରିଲା ଯୁଦ୍ଧ କରି ନିଦ ହଜାଇ ଦେଇଥିଲେ ।
