କେନ୍ଦୁଝର: ପୋଲ ତଳକୁ ଖସିପଡି ଛିଣ୍ଡିଗଲା ଟ୍ରକ ଇଞ୍ଜିନ, ଘଟଣା ସ୍ଥଳରେ ଡ୍ରାଇଭରଙ୍କ ମୃତ୍ୟୁ
କେନ୍ଦୁଝର(କେନ୍ୟୁଜ୍): ପୋଲ ତଳକୁ ଖସିପଡିଲା ଟ୍ରକ। ଘଟଣା ସ୍ଥଳରେ ଡ୍ରାଇଭରଙ୍କ ମୃତ୍ୟୁ । ଏଭଳି ଘଟଣା ଘଟିଛି କେନ୍ଦୁଝର ଟାଉନ ଥାନା ଅନ୍ତର୍ଗତ ନେଙ୍କଡା ଘର ନିକଟରେ। ୨୦ ନମ୍ବର ଜାତୀୟ ରାଜପଥ ନିକଟରେ ଅର୍ଦ୍ଧ ନିର୍ମିତ ଅବସ୍ଥାରେ ଥିବା ପୋଲ ତଳକୁ ଟ୍ରକଟି ଖସିପଡିଥିଲା ।
ଟ୍ରକଟି ଝୁଲନ୍ତ ଅବସ୍ଥାରେ ଥିବା ବେଳେ ଦୁର୍ଘଟଣା ଏତେ ମାତ୍ରାରେ ଥିଲା ଯେ ତାର ଇଞ୍ଜନଟି ଅଧା ତଳେ ଗଳି ପଡିଥିଲା । ଏହି ଦୁର୍ଘଟଣାରେ ଡ୍ରାଇଭରଙ୍କ ମୃତ୍ୟୁ ଘଟିଥିବା ବେଳେ ପୋଲିସ ଘଟଣା ସ୍ଥଳରେ ପହଞ୍ଚି ମୃତ ଦେହ ଜବତ କରିବା ସହ ତଦନ୍ତ ଆରମ୍ଭ କରିଛି ।
