ଭୁବନେଶ୍ୱର ଉପକଣ୍ଠ ମେଣ୍ଢାଶାଳ ଅଞ୍ଚଳରେ ଦୋକାନ ଭିତରେ ପଶିଲା ପଥର ବୋଝେଇ ଟ୍ରକ୍, ୪ଗୁରୁତର
ଭୁବନେଶ୍ୱର: ଭୁବନେଶ୍ୱର ସହର ଉପକଣ୍ଠରେ ଥିବା ମେଣ୍ଢାଶାଳ ଅଞ୍ଚଳରେ ଆଜି ସକାଳେ ଏକ ଦୋକାନକୁ ପଥର ବୋଝେଇ ଟ୍ରକ୍ ଧକ୍କା ଦେବା ଫଳରେ ଚାରି ଜଣ ଗୁରୁତର ଆହତ ହୋଇଥିବା ଜଣାପଡିଛି। ଆହତମାନଙ୍କୁ ନିକଟସ୍ଥ ମେଣ୍ଢାଶାଳ ଡାକ୍ତରଖାନାରେ ଭର୍ତ୍ତି କରାଯାଇଛି।
ଖବର ମୁତାବକ ଡ୍ରାଇଭର ଜଣଙ୍କ ଭାରସାମ୍ଯ ହରାଇବା ପରେ ଟ୍ରକଟି ଦୋକାନ ଭିତରକୁ ପଶି ଯାଇଥିଲା। ଦୁର୍ଘଟଣାସ୍ଥଳରୁ ଟ୍ରକକୁ ହଟାଇବା ପାଇଁ ଏକ କ୍ରେନ୍ ନିୟୋଜିତ ହୋଇଛି।
