ସମ୍ବଲପୁର: ସଙ୍କଟରେ ଗଜରାଜ। ବିଦ୍ୟୁତ୍ ତାର ଲାଗି ଦନ୍ତା ମୃତ । ସମ୍ବଲପୁରରେ ସଦର ରେଞ୍ଜ ଯୁଜୁମରା ଥାନା ଇଚ୍ଛାପାଲ୍ଲୀ ଗାଁ ନିକଟ ଜଙ୍ଗଲରେ ବିଦ୍ୟୁତ୍ ତାର ସଂସ୍ପର୍ଶରେ ଆସି ହାତୀଟିର ମତ୍ୟୁ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁସାରେ ହାତୀ ଦାନ୍ତ ଚୋରୀ କରୁଥିବା ଲୁଟେରାମାନେ କିଛି ଦିନ ତଳେ ହାତୀଟିକୁ ଗୁଳି ମାରିଥିଲେ । ମୃତ ହାତୀର ଦୁଇ ଗୋଡ଼ରେ ଗୁଳି ବାଜିଥିବା ବନ ବିଭାଗ କହିଛି। ତେବେ କାଲି ଲୁଟେରାମାନେ ଏହି ହାତୀକୁ ମାରିବା ପାଇଁ ବିଦ୍ୟୁତ ତାର ବିଛାଇଥିଲେ । ଯାହାର ସଂସ୍ପର୍ଶରେ ଆସି କାଲି ରାତିରେ ଏହି ହାତୀର ମୃତ୍ୟୁ ହୋଇଛି । ସ୍ଥାନୀୟ ପୋଲିସ, ବନ ବିଭାଗ ଓ ବିଦ୍ୟୁତ ବିଭାଗର ଅଧିକାରୀମାନେ ଘଟଣାସ୍ଥଳରେ ପହଞ୍ଚି ତଦନ୍ତ କରିଛନ୍ତି । ହାତୀ ଦାନ୍ତ ଲୁଟେରା ଦଳରେ ସ୍ଥାନୀୟ ଲୋକ ଅଛନ୍ତି ନା କୌଣସି ବଡ଼ ରାକେଟ୍ ଥେିରେ କାମ କରୁଛି ତାର ତଦନ୍ତ ଚଲାଇଛି ପୋଲିସ।