ଫୋଟୋଗ୍ରାଫି ଜ୍ଞାନ କୌଶଳ ବୃଦ୍ଧି ପାଉଥିବା ବେଳେ ଗୁଣାତ୍ମକ ଫଟୋଗ୍ରାଫି କମି କମି ଯାଉଛି :ପ୍ରଶାନ୍ତ ପଟ୍ଟନାୟକ
କେନ୍ୟୁଜ୍(ବ୍ୟୁରୋ): ଆଜି ହେଉଛି ବିଶ୍ୱ ଫଟୋଗ୍ରାଫି ଦିବସ। ଏହି ଅବସରରେ ସ୍ଥାନୀୟ ଜୟଦେବ ଭଵନ ପରିସରରେ NBN ସୂତ୍ରଧର (ନୂତନ ଭବିଷ୍ୟତ ନିର୍ମାଣର ସୂତ୍ରଧର )ଟ୍ରଷ୍ଟ ପକ୍ଷରୁ ଏକ ଫଟୋ ପ୍ରଦର୍ଶନୀ ଆୟୋଜିତ ହୋଇଛି। ଏହି ଉତ୍ସବରେ ମୁଖ୍ୟ ଅତିଥିଭାବେ ବରିଷ୍ଠ ସାମ୍ବାଦିକ ତଥା ଫଟୋଗ୍ରାଫର ଶ୍ରୀଯୁକ୍ତ ପ୍ରଶାନ୍ତ ପଟ୍ଟନାୟକ ମୁଖ୍ୟ ଅତିଥିଭାବେ ଯୋଗଦାନ କରିଥିଲେ। ଏହି ଅବସରରେ ଶ୍ରୀଯୁକ୍ତ ପଟ୍ଟନାୟକ ଦିନକୁ ଦିନ ଫଟୋଗ୍ରାଫି କ୍ଷେତ୍ରରେ ନୂଆ ନୂଆ ଜ୍ଞାନ କୌଶଳ ଅଗ୍ରଗତି ହେଉଥିବାବେଳେ ଗୁଣାତ୍ମକ ଓ ମୌଳିକ ଫୋଟଗ୍ରାଫି କମି କମି ଯାଉଥିବା କହିଛନ୍ତି। ଏଥି ସହିତ ଯୁବ ପିଢ଼ିମାନଙ୍କ ନିକଟରେ ଫଟୋଗ୍ରାଫିକୁ ନେଇ ଅନେକ କିଛି କରିବାର ସାମ୍ଭାବନା ଥିବା ବେଳେ ସେମାନଙ୍କ ନିକଟରେ ଧର୍ଯ୍ୟର ଅଭାବ ରହୁଥିବା କହିଛନ୍ତି।
ସେହିପରି ଏହି ଉତ୍ସବରେ ଅନ୍ୟତମ ଅତିଥିଭାବେ ଭୁବନେଶ୍ୱର ମଧ୍ୟ ର ବିଧାୟକ ଶ୍ରୀଯୁକ୍ତ ଅନନ୍ତ ନାରାୟଣ ଜେନା ଯୋଗଦାନ କରି ଟ୍ରଷ୍ଟର ଉଦ୍ୟମକୁ ପ୍ରସଂଶା କରିବା ସହ ଆମ ରାଜ୍ୟର ଫଟୋଗ୍ରାଫରମାନେ ସେମାନଙ୍କ କଳା ନୈପୂଣ୍ୟର ପରାକାଷ୍ଠା ର ପ୍ରଦର୍ଶନ ଦେଶ ବିଦେଶରେ ସୁନାମ ଅର୍ଜନ କରିବାକୁ ଶୁଭେଚ୍ଛା ଜଣାଇଛନ୍ତି।
ଆଜିର ଏହି ଫଟୋ ପ୍ରଦର୍ଶନୀରେ ଅନ୍ୟତମ ଅତିଥିଭାବେ ବିଶିଷ୍ଟ ଆଡ଼ଭୋକେଟ ତଥା ସମାଜସେବୀ ଶ୍ରୀଯୁକ୍ତ ଶିଳଭଦ୍ର ଶାସ୍ତ୍ରୀ, କର୍ପୋରେଟର ଭରତ ଲେଙ୍କା ଓ ବିଶ୍ଵବିଜୟିନୀ ମହିଳା ମହାସଂଘ ର ସଭାପତି ତଥା ଟ୍ରଷ୍ଟର ଅନ୍ୟତମ ସଦସ୍ୟ ଭାନୁପ୍ରିୟା ଦାସ ପ୍ରମୁଖ ଯୋଗଦାନ କରି ପ୍ରଦର୍ଶିତ ଫଟୋ ଗୁଡିକର ପ୍ରଶଂସା କରଥିଲେ। ଏଥି ସହ ସବୁବେଳେ କ୍ୟାମେରା ପଛରେ ରହି ସମାଜ କୁ ଅନେକ ସୁନ୍ଦର ସୁନ୍ଦର ଛବି ଦେଉଥିବା ଫଟୋଗ୍ରାଫର ବନ୍ଧୁମାନଙ୍କୁ ଶୁଭେଚ୍ଛା ଜଣାଇ ଥିଲେ। ଉଲ୍ଲେଖଯୋଗ୍ୟ କି ଏହି ଫଟୋ ପ୍ରଦର୍ଶନୀ ରେ ଓଡ଼ିଶାର ଐତିହ୍ୟବ, ପରମ୍ପରା ଓ ସଂସ୍କୃତି କୁ ଆଧାର କରି 108gotib ଫଟୋ ପ୍ରଦର୍ଶିତ ହେଉଛି. ଯେଉଁଥିରେ ସାରା ରାଜ୍ୟରୁ ୨୦ ଜଣ ଫଟୋଗ୍ରାଫର ଅଂଶଗ୍ରହଣ କରିଛନ୍ତି। ଏହି ପ୍ରଦର୍ଶନୀ ଆସନ୍ତା କାଲି ଉଦଯାପିତ ହେବ ବୋଲି ଟ୍ରଷ୍ଟ ର ପ୍ରତିଷ୍ଠାତା ଓ ଅଧକ୍ଷ ଲକ୍ଷ୍ମୀକାନ୍ତ ଦାସ ସୂଚନା ଦେଇଛନ୍ତି।
