କମୁଛି ଶୀତର ପ୍ରକୋପ, ଆସନ୍ତା ଦୁଇ ଦିନ ତାପମାତ୍ରାରେ ସେଭିଳି କିଛି ପରିବର୍ତ୍ତନର ହେବାର ସମ୍ଭାବନା ନାହିଁ
କେନ୍ୟୁଜ୍(ବ୍ୟୁରୋ): କମୁଛି ଶୀତର ପ୍ରକୋପ। ସ୍ୱାଭାବିକ ହେଉଛି ତାପମାତ୍ରା। ତେବେ ରାଜ୍ୟରେ କିଛି ସ୍ଥାନରେ ଶୀତ ଲହରୀ ଜାରି ରହିଛି । ଉପକୂଳ ଓ ଆଭ୍ୟନ୍ତରୀଣ ଓଡ଼ିଶାର କିଛି ସ୍ଥାନରେ ଘନ କୁହୁଡି ଦେଖାଯାଇଛି। ଗତ ୨୪ ଘଣ୍ଟାରେ ୯ଟି ସ୍ଥାନର ତାପମାତ୍ରା ୧୧ ଡିଗ୍ରୀ ସେଲସିୟସ ତଳେ ରହିଛି । ଫୁଲବାଣୀରେ ସର୍ବନିମ୍ନ ତାପମାତ୍ରା ୫ଦଶମିକ ଡିଗ୍ରୀ ସେଲସିୟସ ରେକର୍ଡ କରାଯାଇଛି ।
ଆସନ୍ତା ଦୁଇ ଦିନ ତାପମାତ୍ରାରେ ସେଭିଳି କିଛି ପରିବର୍ତ୍ତନର ସମ୍ଭାବନା ନାହିଁ । ଆଭ୍ୟନ୍ତରୀଣ ଓଡ଼ିଶାରେ ସର୍ବନିମ୍ନ ତାପମାତ୍ରାରେ ୨ରୁ ୩ ଡିଗ୍ରୀ ସେଲସିୟସ ହ୍ରାସ ଘଟିପାରେ । କିନ୍ତୁ ଦେଶର ପୂର୍ବଭାଗରୁ ପବନ ବହିଲେ ସ୍ୱାଭାବିକ ତାପମାତ୍ରା ବୃଦ୍ଧିପାଇବ ବୋଲି ଅନୁମାନ କରାଯାଉଛି। ଉପକୂଳ ଓଡ଼ିଶାରେ ସ୍ୱାଭାବିକ ତାପମାତ୍ରା ରହିବ ବୋଲି ପାଣିପାଗ ବିଜ୍ଞାନ କେନ୍ଦ୍ର ପୂର୍ବାନୁମାନ କରିଛି ।
