ଦାରିଙ୍ଗିବାଡ଼ି: ପାରିବାରିକ କଳହର କରୁଣ ପରିଣତି, କୀଟନାଶକ ପିଇ ଆତ୍ମହତ୍ୟା କଲେ ମହିଳା
ଦାରିଙ୍ଗିବାଡ଼ି : ପାରିବାରିକ କଳହକୁ ନେଇ ଜଣେ ମହିଳା କୀଟନାଶକ ପିଇ ଆତ୍ମହତ୍ୟା କରିଥିବା ଜଣାପଡ଼ିଛି। ମୃତକ ଦାରିଙ୍ଗିବାଡି ଥାନା ହାତିମୁଣ୍ଡା ପଞ୍ଚାୟତ ଦାଦାରାଡି ଗାଁର ସୁକଦେବ ପ୍ରଧାନଙ୍କ ସ୍ତ୍ରୀ ଚଞ୍ଚଳା ପ୍ରଧାନ। ସୂଚନା ଅନୁସାରେ ବୁଧବାର ସ୍ୱାମୀ-ସ୍ତ୍ରୀଙ୍କ ମଧ୍ୟରେ କୌଣସି କାରଣରୁ କଳହ ହୋଇଥିଲା ।ଏଥିରେ ଉତ୍ତକ୍ଷୀପ୍ତ ହୋଇ ମହିଳା ଜଣଙ୍କ କୀଟନାଶକ ପିଇଦେଇଥିଲେ। ଏହାପରେ ପରିବାର ଲୋକେ ମହିଳାଙ୍କୁ ଦାରିଙ୍ଗବାଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଇଥିଲେ। ସେଠାରେ ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିବା ଜଣାପଡ଼ିଛି।
