ଭାରତରେ ଗୁଗଲ ସ୍ମାର୍ଟ ସ୍ପିକରର ରେଞ୍ଜ ବଢାଇବା ସହିତ ନିଜର ନୂଆ ପ୍ରଡକ୍ଟ ଗୁଗଲ ନେଷ୍ଟ ମିନି ସ୍ମାର୍ଟ ସ୍ପିକର ଲଞ୍ଚ କରିଛି ।ଚଳିତବର୍ଷ ଅକ୍ଟୋବର ମାସରେ ଗୁଗଲ ନେଷ୍ଟ ମିନି ସ୍ମାର୍ଟ ସ୍ପିକର ପିକ୍ସଲ 4 ସିରିଜ ସହିତ ଲଞ୍ଚ କରାଯାଇଥିଲା । ବର୍ତ୍ତମାନ ଭାରତରେ ଏହାର ଦାମ ୪୪୯୯ ଟଙ୍କା ଥିବାବେଳେ ଏହାର ବିକ୍ରି ଫ୍ଲିପକାର୍ଟରେ ହେଉଛି । ସୂଚନା ଅନୁଯାୟୀ ଗୁଗଲ ନେଷ୍ଟ ମିନି ଦୁଇବର୍ଷ ପୂର୍ବେ ଲଞ୍ଚ ହୋଇଥିବା ଗୁଗଲ ହୋମ ମିନିର ଅପଗ୍ରେଡେଡ ଭର୍ସନ ଅଟେ ।
ଗୁଗଲ ନେଷ୍ଟ ମିନି ସ୍ମାର୍ଟ ସ୍ପିକରର ସ୍ପେସିଫିକେସନ
ଗୁଗଲ ହୋମ ମିନି ଡିଜାଇନ ତୁଳନାରେ ଗୁଗଲ ନେଷ୍ଟ ମିନି ସ୍ମାର୍ଟ ସ୍ପିକରର ଡିଜାଇନକୁ ଟିକିଏ ପରିବର୍ତ୍ତନ କରାଯାଇଛି । ଏହାବ୍ୟତୀତ ଏଥିରେ ହୁକ ମଧ୍ୟ ଦିଆଯାଇଛି । ନୂଆ ପାୱାର କନେକ୍ଟର ପୋର୍ଟ ଏବଂ କେବୁଲ ମଧ୍ୟ ଦିଆଯାଇଛି ବାକି ଅନ୍ୟାନ୍ୟ ଡିଜାଇନ ଗୁଗଲ ହୋମ ମିନି ଭଳି ରହିଛି ଓ ବଡ଼ି ଫାବ୍ରିକର ରହିଛି ।
ଏହାସହ ପଢନ୍ତୁ ଗୁଗଲର ନୂଆ ଫିଚର, ଏବେ ଗୁଗଲ କହିବ କିପରି କରିବେ ଶବ୍ଦର ଠିକ ଉଚ୍ଚାରଣ
ନୂଆ ସ୍ମାର୍ଟ ସ୍ପିକରକୁ ନେଇ ସାଉଣ୍ଡ କ୍ୱାଲିଟି ଓ ଫାଷ୍ଟ ପରଫରମାନ୍ସର ଦାବି କରାଯାଇଛି । ଏଥିରେ ମେସିନ ଲର୍ଣ୍ଣିଙ୍ଗ ଚିପ ମଧ୍ୟ ରହିଛି । ଗୁଗଲ ନେଷ୍ଟ ମିନି ସ୍ମାର୍ଟ ସ୍ପିକର କଳା ଓ ଧଳା ରଙ୍ଗରେ ଉପଲବ୍ଧ । ଏଥିରେ ୟୁଟ୍ୟୁବ ମ୍ୟୁଜିକ, ସ୍ପୋର୍ଟିଫାଏ, ଗାନା, ଜିଓସାୱନ ଓ ୱିଙ୍କ ମ୍ୟୁଜିକର ସପୋର୍ଟ ମଧ୍ୟ ରହିଛି । ସୂଚନା ଅନୁଯାୟୀ ଗୁଗଲ ହୋମ ମିନି ସ୍ମାର୍ଟ ସ୍ପିକର ବର୍ତ୍ତମାନ କେବଳ ୨୯୯୯ ଟଙ୍କାରେ ମିଳୁଛି । ଗୁଗଲ ନେଷ୍ଟ ମିନିର ସିଧା ମୁକାବିଲା ଆମାଜନ ଇକୋ ଡଟ ସହ ହେବ ଯେଉଁଥିରେ ଆଲେକ୍ସା ଭଏସ ଆସିଷ୍ଟାଣ୍ଟର ସପୋର୍ଟ ମିଳିଥାଏ ।