କିଛି ସମୟ ପାଇଁ ଡାଉନ ହେଲା ଇନଷ୍ଟାଗ୍ରାମ: ଗ୍ରାହକଙ୍କୁ ଭୋଗିବାକୁ ପଡିଲା ଅନେକ ସମସ୍ୟା, ସୋସିଆଲ ମିଡିଆରେ ଦେଲେ ଏପରି ପ୍ରତିକ୍ରିୟା
ସୋସିଆଲ ମିଡିଆର ଇନଷ୍ଟାଗ୍ରାମ ପ୍ଲାଟଫର୍ମ ମଙ୍ଗଳବାର ବିଳମ୍ବିତ ରାତିରେ ଡାଉନ ହୋଇ ଯାଇଥିଲା। ଯେଉଁ କାରଣରୁ ଲକ୍ଷ ଲକ୍ଷ ୟୁଜର୍ସ ମାନେ ଅସନ୍ତୋଷ ପ୍ରକାଶ କରିଥିଲେ। ସୂଚନା ଅନୁଯାୟୀ, ଇନଷ୍ଟାଗ୍ରାମ ରାତି ପ୍ରାୟ ୧୦:୪୦ ସମୟରେ ଡାଉନ ରହିଥିଲା। ଉପଭୋକ୍ତା ମାନେ ପ୍ରୋଫାଇଲ୍ ପେଜ୍ ସହିତ ହୋମ ଫିଡ ଦେଖିବା ପାଇଁ ଅସୁବିଧାର ସମ୍ମୁଖୀନ ହୋଇଥିଲେ।
ଭାରତ ସମେତ ସମଗ୍ର ବିଶ୍ୱରେ ୟୁଜର୍ସ ମାନେ ଇନଷ୍ଟାଗ୍ରାମ ଫିଡ୍ କୁ ରିଫ୍ରେଶ କରିପାରିନଥିଲେ। ଅବଶ୍ୟ, ଏହା କିଛି ମିନିଟ୍ ପରେ ଏହା ଠିକ ହୋଇଗଲା ଏବଂ ଉପଭୋକ୍ତାମାନେ ପୂର୍ବ ପରି ଇନଷ୍ଟାଗ୍ରାମ ବ୍ୟବହାର କରିବା ଆରମ୍ଭ କରିଥିଲେ। ଏହି ସମୟ ମଧ୍ୟରେ ଇନଷ୍ଟାଗ୍ରାମ ଡାଉନକୁ ନେଇ ଟ୍ୱିଟରରେ ଅନେକ ପ୍ରକାରର ୟୁଜର୍ସଙ୍କ ପ୍ରତିକ୍ରିୟା ଦେଖିବାକୁ ମିଳିଥିଲା।ଜଣେ ଉପଭୋକ୍ତା ଲେଖିଛନ୍ତି, ‘ଆପଣଙ୍କର ୱାଇଫାଇ ଡାଉନ୍ ନୁହେଁ କିନ୍ତୁ ଇନଷ୍ଟାଗ୍ରାମ ଡାଉନ୍ ଅଛି।’ ଏହି ସମୟରେ, ଅନ୍ୟ ଜଣେ ଉପଭୋକ୍ତା ଲେଖିଛନ୍ତି, ‘ଇନଷ୍ଟାଗ୍ରାମ ଡାଉନ ହୋଇଯାଇଛି, ବର୍ତ୍ତମାନ ମୁଁ ଶୀଘ୍ର ଶୋଇ ଯିବି …’
Me every time Insta gets down #instadown #Instagram #instagramdown pic.twitter.com/3BsphUGbuS
— Cric Meme (@meme_cric) April 19, 2022
ଖବର ଅନୁଯାୟୀ ପୂର୍ବରୁ ଇନଷ୍ଟାଗ୍ରାମ ଅନେକ ଥର ଡାଉନ ହୋଇଛି। ଉପଭୋକ୍ତାମାନେ ଏହି ସମୟରେ ଫିଡ୍ ଲୋଡ୍ କରିବାରେ ଅସୁବିଧାର ସମ୍ମୁଖୀନ ହୁଅନ୍ତି ଏବଂ ଫଟୋ, ଭିଡିଓ କିମ୍ବା ପ୍ଲାଟଫର୍ମରେ ଲାଇଭ୍ ଭଳି ଜିନିଷ କରିବାକୁ ସକ୍ଷମ ନୁହଁନ୍ତି ନାହିଁ। ବେଳେବେଳେ ଏହି ସମସ୍ୟା କିଛି ମିନିଟରେ ସମାଧାନ ହୋଇଯାଏ ତ କେତେବେଳେ ଘଣ୍ଟା ଘଣ୍ଟା ପାଇଁ ଉପଭୋକ୍ତାମାନେ ଏହାକୁ ନେଇ ଚିନ୍ତିତ ରୁହନ୍ତି ।