ବର୍ତ୍ତମାନ ନୂଆ ନୂଆ ଫିଚର୍ ସବୁ ସୋସିଆଲ ମିଡ଼ିଆ ଆପରେ ଆସୁଛି। ଯାହାକି ଉପଭୋକ୍ତାମାନଙ୍କୁ ସୁଯୋଗ ଦେଉଛି କ୍ରିଏଟିଭିଟି ପୋଷ୍ଟ କରିବା ପାଇଁ। ଏବେ ପୁଣି ଇନଷ୍ଟାଗ୍ରାମ ହୋଇଛି ସବୁଠାରୁ ଅଧିକ ବ୍ୟବହାର ହେଉଥିବା ଆପ୍ । ନୂଆ ଫିଚର୍ ଆସିବ ଇନଷ୍ଟାଗ୍ରାମରେ, ଯାହା ପ୍ରୋଫାଇଲ ପାଇଁ ରହିବ। ଇନଷ୍ଟାଗ୍ରାମ ଉପଭୋକ୍ତାମାନେ ବର୍ତ୍ତମାନ ଏକ ପୋଷ୍ଟକୁ ସମ୍ପୂର୍ଣ୍ଣ ପୋଷ୍ଟ ଭାବରେ ଦେଖି ପାରିବେ ଓ କୌଣସି ପୋଷ୍ଟ କରିବା ପୂର୍ବରୁ ସେମାନଙ୍କର ପୋଷ୍ଟଗୁଡ଼ିକୁ ଏଡ଼ିଟ କରିପାରିବେ।
ଏବେ ଆସନ୍ତୁ ଜାଣିବା କେଉଁ ଉପଭୋକ୍ତାମାନେ ଅଧିକ ଲାଭ ପାଇବେ:
ଏହି ଫିଚର୍ ସେହି ଉପଭୋକ୍ତାମାନଙ୍କ ପାଇଁ ଉପଯୋଗୀ ହେବ, ଯେଉଁମାନେ ସେମାନଙ୍କର ପୋଷ୍ଟଗୁଡିକ ସେମାନଙ୍କର ପ୍ରୋଫାଇଲରେ କିପରି ଦେଖାଯାଏ, ନିୟନ୍ତ୍ରଣ କରିବାକୁ ପସନ୍ଦ କରନ୍ତି। କହିବାକୁ ଗଲେ ପୋଟ୍ରେଟ ଫଟୋ ପାଇଁ ଏହା ଭଲ ଫିଚର୍। ବିଶେଷକରି ଯେଉଁମାନେ ଇନଷ୍ଟାଗ୍ରାମକୁ ନିଜ କାର୍ଯ୍ୟ ପାଇଁ ଏକ ସୋପିସ ଭାବରେ ବ୍ୟବହାର କରନ୍ତି, ସେମାନେ ସେମାନଙ୍କର ପ୍ରୋଫାଇଲ୍ ପେଜ୍ କଷ୍ଟୋମାଇଜ୍ କରିବା ପାଇଁ ଏହି ସୁବିଧାକୁ ଅଧିକ ବ୍ୟବହାର କରିବାକୁ ସମର୍ଥ ହେବେ।
ଇନଷ୍ଟାଗ୍ରାମକୁ ଆସୁଥିବା ଏହି ଫିଚର୍ କେବଳ କଷ୍ଟମାଇଜେସନ୍ ନୁହେଁ, ଇନଷ୍ଟାଗ୍ରାମ ଶୀଘ୍ର ଉପଭୋକ୍ତାମାନଙ୍କୁ ୪: ୫ ଆସପେକ୍ଟ ଅନୁପାତରେ ଡିଫଲ୍ଟ କରି ସେମାନଙ୍କର ସମସ୍ତ ପୋଷ୍ଟ ସେଟିଂ କରିବା ପାଇଁ ଅନୁମତି ଦେବ। ୪:୫ ଆସପେକ୍ଟ ଅନୁପାତ ଉପଭୋକ୍ତାମାନଙ୍କ ପାଇଁ ଭଲ, ଯେଉଁମାନେ ଇନଷ୍ଟାଗ୍ରାମରେ ଅଧିକ ପୋଟ୍ରେଟ୍-ଆଧାରିତ ଚିତ୍ର ଅପଲୋଡ୍ କରନ୍ତି ।
କେବଳ କିଛି ୟୁଜରଙ୍କୁ ନୂଆ କଷ୍ଟମାଇଜେସନ୍ ବିକଳ୍ପ ମିଳିବ। ଏହି ପ୍ରୋଫାଇଲ୍-କଷ୍ଟୋମାଇଜେସନ୍ ଯେତେ ସମ୍ଭବ ଉପଭୋକ୍ତାଙ୍କୁ ଉପଲବ୍ଧ ହେବ କିମ୍ବା ଯେତେବେଳେ ସେମାନେ ଏକ ଫୁଲ୍ ସ୍କେଲ୍ ରୋଲଆଉଟ୍ ପାଇବେ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।