iPhone ୟୁଜରଙ୍କୁ iOS 18 ରେ ମିଳିବ AI ଫିଚର୍ସ, Apple ଖୁବ ଶୀଘ୍ର ଆଣିପାରେ ନୂଆ ଅପଡେଟ୍
ଯଦି ଆପଣ ଆପଲ୍ ଆଇଫୋନ୍ ବ୍ୟବହାର କରନ୍ତି ତେବେ ଆପଣଙ୍କ ପାଇଁ ବହୁତ ଉପଯୋଗୀ ଖବର ଅଛି । କମ୍ପାନୀ ନିକଟରେ ନିଜ ୟୁଜର୍ସଙ୍କ ପାଇଁ iOS 17 ଅପଡେଟ୍ ରିଲିଜ୍ କରିଥିଲା, କିନ୍ତୁ ବର୍ତ୍ତମାନ ଖବର ଆସୁଛି ଯେ କମ୍ପାନୀ ଖୁବ୍ ଶୀଘ୍ର iOS 18 ଅପଡେଟ୍ ମଧ୍ୟ ପ୍ରକାଶ କରିବ । ଏଥିରେ, ୟୁଜରମାନେ ଅନେକ AI ଫିଚର୍ସ ପାଇପାରିବେ ।
ଗତ କିଛି ଦିନ ହେବ ଆପଲ୍ ଟେକ୍ନୋଲୋଜି ଜଗତରେ ନିଜର ପ୍ରାଧାନ୍ୟ ବିସ୍ତାର କରିଚାଲିଛି । କମ୍ପାନୀ ପ୍ରଥମେ ଆଇଫୋନ୍ ୧୫କୁ ନେଇ ଖୁବ ଚର୍ଚ୍ଚାରେ ରହିଥିଲା ଯାହା ସେପ୍ଟେମ୍ବର ୧୨ରେ ମାର୍କେଟରେ ଲଞ୍ଚ କରିଥିଲା । ନିକଟରେ ଆପଲ୍ iOS 17 ଅପଡେଟ କରିଥିଲା, ଯେଉଁଥିରେ ୟୁଜରମାନଙ୍କୁ ଅନେକ ଜବରଦସ୍ତ ଫିଚର ଦିଆଯାଇଛି । ବର୍ତ୍ତମାନ iOSରେ ଏକ ନୂତନ ଅପଡେଟ ସାମ୍ନାକୁ ଆସିଛି ।
କିଛି ରିପୋର୍ଟରୁ ଜଣାପଡିଛି ଯେ ଆପଲ୍ ଖୁବ ଶୀଘ୍ର ଏକ ନୂତନ iOS ଅପଡେଟ୍ ରିଲିଜ୍ କରିପାରେ । କମ୍ପାନୀ ଏହାର ୟୁଜରଙ୍କୁ iOS 18 ପ୍ରଦାନ କରିବାକୁ ଯାଉଛି । ଏହା ଆପଲ୍ ଦ୍ୱାରା iOS 17 ର ସକ୍ସେସର ଭାବରେ ରିଲିଜ ହୋଇପାରେ । ଏହା କେବଳ ଏକ ସାଧାରଣ ଅପଡେଟ ହେବ ନାହିଁ କିନ୍ତୁ ଏଥିରେ iOS 17 ଅପେକ୍ଷା ଭଲ ଫିଚର ମଧ୍ୟ ରହିବ ।
ରିପୋର୍ଟ ଅନୁଯାୟୀ, କମ୍ପାନୀ ଅନେକ AI ଅପଗ୍ରେଡ୍ ସହିତ iOS 18 ଆଣିବ । ଏହି ନୂଆ iOS ଅପଡେଟରେ, ୟୁଜରମାନେ AI ଫିଚର ସହିତ ଆପଲ୍ ମ୍ୟୁଜିକ୍, ସିରି ଏବଂ ମେସେଜ୍ ପରି ଆପ ପାଇପାରିବେ । ଆପଲ୍ ନିଜ ଅପକମିଂ iOS ଅପଡେଟ୍ ସହିତ ଗୁଗୁଲ୍ ଏବଂ ମାଇକ୍ରୋସଫ୍ଟ ସହିତ ପ୍ରତିଦ୍ୱନ୍ଦ୍ୱିତା କରିପାରିବ । ଗୁଗୁଲ୍ ଏହାର ଅନେକ ପ୍ରଡକ୍ଟକୁ AI ଫିଚର ସହିତ ଯୋଡିଛି । ଅନ୍ୟ ପଟେ, ChatGPT ମଧ୍ୟ ଏହାର ପ୍ଲାଟଫର୍ମରେ ଅନେକ AI ଫିଚର ଯୋଡିଛି ।
ସୂଚନାଯୋଗ୍ୟ, ଆପଲ୍ ଗତ ମାସରେ ଆଇଫୋନ୍ ୟୁଜରଙ୍କ ପାଇଁ iOS 17 ଅପଡେଟ୍ ରିଲିଜ୍ କରିଥିଲା । ଏହି ଅପଡେଟରେ, କମ୍ପାନୀ ଏହାର ୟୁଜରମାନଙ୍କୁ ନେମ୍ ଡ୍ରପ୍, ଲାଇଭ୍ ଭଏସ୍ ମେଲ୍, ଫେସ୍ ଟାଇମ୍ ରେକର୍ଡ କରିବାର ସୁବିଧା, ପର୍ସନାଲାଇଜଡ୍ କଣ୍ଟାକ୍ଟ ପୋଷ୍ଟର ଭଳି ଅନେକ ମହତ୍ତ୍ୱପୂର୍ଣ ଫିଚର ଦେଇଥିଲା । ଆପଲ୍ ଏହି ଅପଡେଟରେ ଅଟୋ କରେକ୍ଟ ଫିଚର ମଧ୍ୟ ପ୍ରଦାନ କରିଛି । ଏହା ସାହାଯ୍ୟରେ, ୟୁଜରମାନେ ଯେକୌଣସି ବାକ୍ୟରେ କରେକ୍ସନ କରିପାରିବେ ।
