୨୦୨୪ରୁ ଆରମ୍ଭ ହେବ ‘ମେଡ ଇନ ଇଣ୍ଡିଆ’ ଗୁଗଲ ପିକ୍ସେଲ ସ୍ମାର୍ଟଫୋନ
ଗୁଗଲ ଡିଭାଇସ ଆଣ୍ଡ ସର୍ଭିସେସ୍ର ସିନିଅର ଭାଇସ୍ ପ୍ରେସିଡେଣ୍ଟ ରିକ ଓଷ୍ଟରଲୋହ କହିଛନ୍ତି, ଗୁଗଲ ପିକ୍ସେଲ ସ୍ମାର୍ଟଫୋନର ନିର୍ମାଣ ଆସନ୍ତା ବର୍ଷ ଆରମ୍ଭରୁ ଇଣ୍ଡିଆରେ ହେବାକୁ ଯାଉଛି ।
ମୋବାଇଲ ୟୁଜରଙ୍କୁ ଆଉ ଅପେକ୍ଷା କରିବାକୁ ପଡ଼ିବ ନାହିଁ, କାହିଁକି ନା ଖୁବଶୀଘ୍ର ପ୍ରସ୍ତୁତ ହେବାକୁ ଯାଉଛି ‘ମେଡ ଇନ ଇଣ୍ଡିଆ’ ଗୁଗଲ ପିକ୍ସେଲ ସ୍ମାର୍ଟଫୋନ । ଗୁଗଲ ଡିଭାଇସ ଆଣ୍ଡ ସର୍ଭିସେସ୍ର ସିନିଅର ଭାଇସ୍ ପ୍ରେସିଡେଣ୍ଟ ଗୁଗଲ ଫର ଇଣ୍ଡିଆ କାର୍ଯ୍ୟକ୍ରମରେ କହିଛନ୍ତି, ଗୁଗଲ ଇଣ୍ଡିଆରେ ପିକ୍ସେଲ ୮ ସ୍ମାର୍ଟଫୋନ ନିର୍ମାଣ କରିବ । ଯାହାକୁ ଭାରତୀୟ ମାର୍କେଟ ଏବଂ ବିଦେଶରେ ବିକ୍ରି କରାଯିବ । ଏଥିପାଇଁ ଗୁଗଲ ଅନ୍ତରାଷ୍ଟ୍ରୀୟ ଚୁକ୍ତିନାମା ନିର୍ମାତାଙ୍କ ସହିତ ସହଭାଗିତା କରିବ।
ଗୁଗଲ ଡିଭାଇସ ଆଣ୍ଡ ସର୍ଭିସେସ୍ର ସିନିଅର ଭାଇସ୍ ପ୍ରେସିଡେଣ୍ଟ ରିକ ଓଷ୍ଟରଲୋହ କହିଛନ୍ତି, ଗୁଗଲ ପିକ୍ସେଲ ସ୍ମାର୍ଟଫୋନର ନିର୍ମାଣ ଆସନ୍ତା ବର୍ଷ ଆରମ୍ଭରୁ ଇଣ୍ଡିଆରେ ହେବାକୁ ଯାଉଛି । ଏହା ପରେ, ଭାରତୀୟ ଯୁଜର୍ସମାନେ ୨୦୨୪ରେ ‘ମେଡ ଇନ୍ ଇଣ୍ଡିଆ’ ପିକ୍ସେଲ ୮ ଫୋନ ପାଇପାରିବେ । ଏହି କାର୍ଯ୍ୟକ୍ରମରେ ଯୋଗ ଦେଇ ସେ କହିଛନ୍ତି ଯେ ଦେଶରେ ଥିବା ପିକ୍ସେଲ ସ୍ମାର୍ଟଫୋନ ସହିତ ସ୍ଥାନୀୟ ଉତ୍ପାଦନ ଆରମ୍ଭ କରିବାକୁ କମ୍ପାନୀ ଲକ୍ଷ୍ୟ ରଖିଛି । ବର୍ତ୍ତମାନଠାରୁ ଏହାକୁ ରପ୍ତାନି କରିବାର ଆଶା ମଧ୍ୟ ରଖିଛନ୍ତି । ଗୁଗଲ ଫର ଇଣ୍ଡିଆ ୨୦୨୩ ଇଭେଣ୍ଟରେ କମ୍ପାନୀ ଦେଶରେ ଜେନେରେ଼ଟିଭ୍ ଏଆଇ-କେନ୍ଦ୍ରିତ ଫିଚର୍ସର ଘୋଷଣା କରିଛି । କମ୍ପାନୀ କହିଛି, ସେମାନେ ଇମେଜ୍ ଏବଂ ଭିଡିଓକୁ ଅନେକ ଥର ଓଭର ଭ୍ୟୁ କରୁଛନ୍ତି ।
Pixel ୮ ଏବଂ ୮ Proର ସ୍ପେସିଫିକେସନ:
ସ୍ପେସିଫିକେସନ ବିଷୟରେ କହିବାକୁ ଗଲେ Pixel ୮ ରେ ଆପଣଙ୍କୁ ୬.୨ ଇଞ୍ଚର Actua ଡିସପ୍ଲେ ୧୨୦Hz ରିଫ୍ରେସ ରେଟ ମିଳିବ । ଏହା ୨୦୦୦ ନିଟ୍ସର ହାଇ ବ୍ରାଇଟନେସ ସହିତ ଆସିଥାଏ । Pixel 8 Pro re ୬. ୭ ଇଞ୍ଚର super actua ଡିସପ୍ଲେ ମିଳିଥାଏ ଯାହା ୧୨୦Hz ରିଫ୍ରେସ ରେଟକୁ ସପୋର୍ଟ କରିଥାଏ । ଏଥିରେ ଆପଣଙ୍କୁ ୨୪୦୦ ନିଟ୍ସର ହାଇ ବ୍ରାଇଟନେସ ମିଳିବ । ଏହି ଦୁଇଟି ସ୍ମାର୍ଟଫୋନ ଗୁଗଲର ଇନହାଉସ Tensor G3 ଚିପସେଟରେ କାମ କରିଥାଏ ।
ଫଟୋଗ୍ରାଫି ପାଇଁ Pixel ୮ରେ ଡୁଆଲ କ୍ୟାମେରା ସେଟଅପ ପାଇପାରିବେ , ଯେଉଁଥିରେ ୫୦MPର ପ୍ରାଇମରୀ କ୍ୟାମେରା ଏବଂ ୧୨MPର ଅଲଟ୍ରାୱାଇଡ କ୍ୟାମେରା ରହିଛି । Pixel ୮ Proରେ ଟ୍ରିପଲ କ୍ୟାମେରା ସେଟଅପ ରହିଛି, ଏଥିରେ ୪୮MPର ଅଲଟ୍ରାୱାଇଡ, ୫୦MPର ୱାଇଡ ଲେନ୍ସ ଏବଂ ୪୮MPର ଟେଲିଫଟୋ ଲେନ୍ସ 5x ଅପ୍ଟିକାଲ ଜୁମର କ୍ୟାମେରା ପାଇପାରିବେ । ଫ୍ରଣ୍ଟରେ ୧୦.୫MPର କ୍ୟାମେରା ରହିଛି । Pro ମଡେଲରେ ଟେମ୍ପରେଚର ସେନ୍ସର ମଧ୍ୟ ରହିଛି । ଏହା ସାହାଯ୍ୟରେ ଆପଣ ଶରୀରର ତାପମାତ୍ରା ମାପିପାରିବେ ।
