ସାଉଥ କୋରିଆନ୍ କମ୍ପାନୀ ସାମସଙ୍ଗମ ଭାରତରେ ଏୟାର ଡ୍ରେସର ଲଞ୍ଚ କରିଛି। ଏହି ଡିଭାଇସ ସାହାଯ୍ୟରେ ଡ୍ରେସକୁ ଧୂଳି, ପ୍ରଦୂଷଣ ଏବଂ ଭାଇରସକୁ ମଧ୍ୟ ବାହାର କରାଯାଇପାରିବ । ଏହାର ମୂଲ୍ୟ ୧.୧୦ ଲକ୍ଷ ଟଙ୍କା ରଖିଛି କମ୍ପାନୀ ।
କମ୍ପାନୀ ମୁତାବକ, ଏହି ଏୟାରଡ୍ରେସର ସାହାଯ୍ୟରେ ଗ୍ରାହକମାନେ ଏଣିକି ଖୁବ ଶୀଘ୍ର ଏବଂ ସହଜରେ ନିଜ ଡ୍ରେସ୍ ସଫା କରିପାରିବେ । ଅର୍ଥାତ୍ ଏଣିକି ବାରମ୍ବାର ଧୋଇବା- ଶୁଖାଇବା ବା ଡ୍ରାଇ କ୍ଲିନ୍ କରିବା ଦରକାର ନାହିଁ । ଏଥିରେ ଏକ ଜେଟ ଏୟାର ସିଷ୍ଟମ ଅଛି । ଏହାସହିତ ୩ଟି ଏୟାର ହ୍ୟାଙ୍ଗର୍ ମଧ୍ୟ ରହିଛି ଯାହା ଫଳରେ ଡ୍ରେସ ଗୁଡିକ ସହଜରେ ଶୁଖିପାରିବ । ଡ୍ରେସକୁ ହ୍ୟାଙ୍ଗରରେ ଟାଙ୍ଗିବା ପରେ ଡିଭାଇସ ତାହା ସମ୍ପୂର୍ଣ୍ଣ ସଫା କରିଦେବ ।
କମ୍ପାନୀ କହିବାନୁସାରେ ସଫା କରିବା ସହ ଏଥିରେ ଥିବା ଭାଇରସ ମଧ୍ୟ ସଫା କରିବ ଏହି ଡିଭାଇସ । ଏହି ମେସିନ୍ ଅଧିକ ଶବ୍ଦ ମଧ୍ୟ କରେନି । ଏବେ କମ୍ପାନୀ ଏହା ଉପରେ ୧୦ ହଜାର ଟଙ୍କାର ରିହାତି ମଧ୍ୟ ଦେଉଛି । ମେସିନକୁ ୧ ଲକ୍ଷ ଟଙ୍କାରେ କିଣି ପାରିବେ ଗ୍ରାହକ । ଏହାକୁ ୧୮ ମାସର ନୋ- କଷ୍ଟ ଇଏମଆଇରେ ମଧ୍ୟ କ୍ରୟ କରିପାରିବେ । ୨୪ ଡିସେମ୍ବରରୁ ଏହା ଆମାଜନ ଓ ଫ୍ଲିପକାର୍ଟରେ ଉପଲବ୍ଧ ହେଉଛି।