ମୋବାଇଲ ନମ୍ବର ବିନା ବି ଲଗଇନ୍ କରିପାରିବେ WhatsApp, ପ୍ରାଇଭେସି ରହିବ ସୁରକ୍ଷିତ
ନୂଆ ଡିଭାଇସରେ WhatsAppକୁ ଲଗଇନ୍ କରିବା ପାଇଁ ଆପଣ WhatsApp ଇମେଲ୍ ଭେରିଫିକେସନ୍ ମାଧ୍ୟମରେ ମଧ୍ୟ ଲଗଇନ୍ କରିପାରିବେ । କମ୍ପାନୀ ଏହି ଫିଚର ଉପରେ କାମ କରୁଛି । ଏହି ନୂଆ ଫିଚର ଲାଟେଷ୍ଟ ଅପଡେଟ ଭର୍ସନ 2.23.18.19ର ବିଟା ପ୍ରୋଗ୍ରାମରେ ଦେଖିବାକୁ ମିଳିଛି ।
WhatsApp ନିଜର ୟୁଜରମାନଙ୍କ ପ୍ରାଇଭେସିକୁ ଧ୍ୟାନରେ ରଖି ଅନେକ ନୂଆ ଫିଚର ଆଣୁଛି । କମ୍ପାନୀ ଲଗାତାର କିଛି ନା କିଛି ବଡ଼ ଅପଡେଟ ଜାରି ରଖିଥାଏ । ଆପଣ ନିଶ୍ଚିତ ଭାବରେ ଜାଣିଥିବେ ଯେ WhatsAppରେ ଏକ ନୂଆ ଆକାଉଣ୍ଟ୍ ଖୋଲିଲେ କିମ୍ବା ଏକ ନୂଆ ଡିଭାଇସରେ ଲଗଇନ୍ କରିବାକୁ ହେଲେ ମୋବାଇଲ୍ ନମ୍ବର ଆବଶ୍ୟକ ହୋଇଥାଏ ।
ଅନେକ ଥର ଆମେ ଏପରି ଏକ ସ୍ଥାନରେ ଥାଉ ଯେଉଁଠାରେ ମୋବାଇଲ୍ ନେଟୱାର୍କ ମିଳିନଥାଏ । କିନ୍ତୁ ଇଣ୍ଟରନେଟ୍ କନେକ୍ଟିଭିଟି ରହିଥିବାରୁ ମେସେଜିଂ ପ୍ଲାଟଫର୍ମ ମାଧ୍ୟମରେ ଆପଣ ଚାଟ୍ କରି ପାରନ୍ତି । ଯଦି ଆପଣଙ୍କୁ ଏପରି ସ୍ଥାନରେ ଏକ ନୂଆ ଡିଭାଇସରେ WhatsAppକୁ ଲଗଇନ୍ କରିବାକୁ ପଡିବ, ତେବେ ଆପଣ WhatsApp ଇମେଲ୍ ଭେରିଫିକେସନ୍ ମାଧ୍ୟମରେ ମଧ୍ୟ ଲଗଇନ୍ କରିପାରିବେ । କମ୍ପାନୀ ଏହି ଫିଚର ଉପରେ କାମ କରୁଛି । ଏହି ନୂଆ ଫିଚର ଲାଟେଷ୍ଟ ଅପଡେଟ ଭର୍ସନ 2.23.18.19ର ବିଟା ପ୍ରୋଗ୍ରାମରେ ଦେଖିବାକୁ ମିଳିଛି ।
ଏହି ଇମେଲ୍ ଭେରିଫିକେସନ ଫିଚର ଅନେକ ଉପାୟରେ ସାହାଯ୍ୟ କରିବ । ଏହି ଫିଚର ସାହାଯ୍ୟରେ, ଆପଣ WhatsApp ଆକାଉଣ୍ଟକୁ ଲଗଇନ୍ କରିବା ପାଇଁ ମୋବାଇଲ୍ ନମ୍ବରର ଆବଶ୍ୟକତା ରହିବ ନାହିଁ । ଯେତେବେଳେ ଆପଣ ନେଟୱର୍କ ଅଞ୍ଚଳରେ ନଥିବେ ଏହି ଫିଚର ସେତେବେଳେ କାମରେ ଆସିବ ।
WABetaInfoର ରିପୋର୍ଟ ଅନୁଯାୟୀ, ଏହା ଖୁବ୍ ଶୀଘ୍ର ମୋବାଇଲରେ ଉପଲବ୍ଧ ହେବ । ଇମେଲ ଭେରିଫିକେସନରେ ମୋବାଇଲ କଣ୍ଟାକ୍ଟ ଦେଖାଯିବ ନାହିଁ । ଜାଣି ରଖନ୍ତୁ ଏହି ଫିଚର ଅପ୍ସନାଲ ହେବ, ଅର୍ଥାତ୍ ଆପଣ ନିଜ ସୁବିଧା ଅନୁଯାୟୀ ଏହାକୁ ବ୍ୟବହାର କରି ପାରିବେ । ନୂଆ ଫିଚର ସାହାଯ୍ୟରେ WhatsApp ଆକାଉଣ୍ଟର ଅପବ୍ୟବହାରକୁ ରୋକାଯାଇପାରିବ । ବର୍ତ୍ତମାନ ସୁଦ୍ଧା କମ୍ପାନୀ ଏହି ଫିଚର ଉପରେ କାମ କରୁଛି ।
WhatsApp ନିଜର ୟୁଜର୍ ଇଣ୍ଟରଫେସ୍ (UI) ଡିଜାଇନ୍ ପରିବର୍ତ୍ତନ କରୁଛି । ଯାହା ପରେ ଏହାକୁ ଏକ ନୂଆ ଲୁକ ଏବଂ ଫିଲ ମିଳିବ । ମେଟାର ମେସେଜିଂ ଆପର ଲାଟେଷ୍ଟ ବିଟା ଭର୍ସନ ସଂକେତ ଦେଉଛି ଯେ ଆପର ସବୁଜ ରଙ୍ଗ ହଟାଇ ଦିଆଯାଇ ପାରେ । ଏହା ସହିତ କମ୍ପାନୀ ଆପରେ ଆଉ କିଛି ପରିବର୍ତ୍ତନ କରିପାରିବ ।