ଆଜିଠାରୁ ହେବ ଏହି ୭ ବଡ଼ ପରିବର୍ତ୍ତନ, ଆପଣଙ୍କ ଜୀବନ ଉପରେ ପଡିବ ସିଧା ପ୍ରଭାବ
ଆରମ୍ଭ ହେଲା ନୂଆ ବର୍ଷ । ଏହା ସହ ଅନେକ ନୂଆ ନିୟମ ସହ ଆସିଛି ଏହି ନୂଆ ବର୍ଷ । ଯାହାର ସିଧା ସଳଖ ପ୍ରଭାବ ପଡିବ ଆପଣଙ୍କ ଉପରେ । ଆସନ୍ତୁ ଜାଣିବା କଣ ହୋଇଛି ପରିବର୍ତ୍ତନ ଏବଂ କିପରି ପକାଇବ ପ୍ରଭାବ ।
ଏସଏମଏସ୍ ମାଧ୍ୟମରେ ରସିଦ୍ :
ଏବେ ଆପଣଙ୍କ ଇନସ୍ୟୁରାନ୍ସର ପ୍ରିମିୟମ ଦେବା ପରେ ମୋବାଇଲରେ ଏସଏମଏସ୍ ମାଧ୍ୟମରେ ରସିଦ୍ ମିଳିବ । ଏହି ନିଷ୍ପତ୍ତି ନେଇଛି ଓଜଊଇଓ । ଏହି ନିୟମକୁ ପାଳନ କରିବା ପାଇଁ ସମସ୍ତ ଇନସ୍ୟୁରାନ୍ସ କମ୍ପାନୀ ବାଧ୍ୟ । ଆଜି ପରଠୁ କେବେ ବି କୌଣସି ଇନସ୍ୟୁରାନ୍ସ ପଲିସିର ପ୍ରିମିୟମ୍ ଦେବେ ସଙ୍ଗେ ସଙ୍ଗେ ଏହାର ସୂଚନା ଏସଏମଏସ୍ ଦ୍ବାରା ମୋବାଇଲରେ ମିଳିଯିବ ।
ଡେବିଟ୍ କାର୍ଡ ଏବଂ କ୍ରେଡିଟ୍ କାର୍ଡରେ ପରିବର୍ତ୍ତନ :
ଯଦି ଆପଣଙ୍କ ନିକଟରେ ମ୍ୟାଗ୍ନେଟିକ୍ ଷ୍ଟ୍ରିପ୍ ବାଲା କ୍ରେଡିଟ୍ କିମ୍ବା ଡେବିଟ୍ କାର୍ଡ ଅଛି ତେବେ ତୁରନ୍ତ ଏହାକୁ ବଦଳାଇଦିଅନ୍ତୁ । କାରଣ ଆଜିଠୁ ଏହା ସ୍ଥାନରେ ଇଏମଭି ଚିପ୍ ବାଲା କ୍ରେଡିଟ୍ ଏବଂ ଡେବିଟ୍ କାର୍ଡ କାମ କରିବ ।
NPS ଉପରେ ଟ୍ୟାକ୍ସ ରିହାତି :
ଏହି ପରିବର୍ତ୍ତନ ଆପଣଙ୍କୁ ଶାନ୍ତି ଦେଇପାରେ । ନୂଆ ନିୟମ ଅନୁଯାୟୀ ଏନପିଏସ୍ ଅର୍ଥାତ୍ ନ୍ୟାସନାଲ୍ ପେନସନ୍ ସ୍କିମରେ ଏବେ ଟ୍ୟାକ୍ସ ଦେବାକୁ ପଡିବନି । କାରଣ ଆଜିଠାରୁ ଏହାକୁ EEE ଶ୍ରେଣୀରେ ରଖାଯିବ । ଅର୍ଥାତ୍ ଆପଣ ଯଦି ଏନପିଏସ୍ ମ୍ୟାଚୋର୍ ହେବା ପରେ ଟଙ୍କା ଉଠାଇବେ ତେବେ ସେଥିପାଇଁ ଆପଣଙ୍କୁ ଟ୍ୟାକ୍ସ ଦେବାକୁ ପଡିବନି ।
ଚାଳିବନି ପୁରୁଣା ଚେକ୍ :
ଯଦି ଆପଣ ନୂଆ ଚେକବୁକ୍ ଏଯାଏଁ ନେଇନାହାଁନ୍ତି ତେବେ ଅସୁବିଧାର ସମ୍ମୁଖୀନ ହୋଇପାରନ୍ତି । ଆରବିଆଇ ତିନି ମାସ ପୂର୍ବରୁ ବ୍ୟାଙ୍କ୍ ଗୁଡିକୁ ୧ ଜାନୁଆରୀ ୨୦୧୯ରୁ ନନ୍ ସିଟିଏସ୍ ଚେକବୁକର ବ୍ୟବହାର କରିବାକୁ ନିର୍ଦ୍ଦେଶ ଦେଇଛି । ଆଉ ଆରବିଆଇର ଏହି ନିର୍ଦ୍ଦେଶ ଅନୁଯାୟୀ ଏବେ ସମସ୍ତ ବ୍ଯାଙ୍କ୍ ନିଜର ପୁରୁଣା ଚେକବୁକକୁ ବନ୍ଦ କରିବାକୁ ନିଷ୍ପତ୍ତି ନେଇଛି । ତେଣୁ ନୂଆ ଚେକବୁକ୍ ଆଣିବାକୁ ଆପଣ ହାତରେ ଆଉ ଅଳ୍ପ ସମୟ ରହିଛି ।
ବଢିବ କାରର ଦାମ୍ :
ଆଜିଠାରୁ ବଢିବ କାରର ଦାମ୍ । ସମସ୍ତ କମ୍ପାନୀ ନିଜ କାରର ଦାମରେ ବୃଦ୍ଧି କରିବାକୁ ଯାଉଛି ।
ନିଜ ପସନ୍ଦର ଚ୍ୟାନେଲ୍ :
ସେହିପରି ଦେଶର ସମସ୍ତ କେବୁଲ୍ ଟିଭି ଉପଭୋକ୍ତାଙ୍କୁ ନିଜ ପସନ୍ଦର ଚ୍ୟାନେଲ୍ ବାଛିବାକୁ ୩୧ ଜାନୁଆରୀ ପର୍ୟ୍ୟନ୍ତ ସମୟ ଦେଇଛି ଟ୍ରାଇ । ନୂଆ ସ୍କିମ୍ ଅନୁଯାୟୀ ଉପଭୋକ୍ତା ନିଜ ପସନ୍ଦର ଚ୍ୟାନେଲ୍ ଦେଖିପାରବେ ଏବଂ କେବଳ ସେଥିପାଇଁ ଟଙ୍କା ଦେବେ ।
ଆୟକର୍ ରିଟର୍ଣ୍ଣ :
ଯଦି ଆପଣ ଗତବର୍ଷର ଆୟକର ରିଟର୍ଣ୍ଣ ଏଯାଏଁ ଦାଖଲ କରିନଥାନ୍ତି ତେବେ ଜରିମାନା ବାବଦରେ ୫ ହଜାର ଟଙ୍କା ଦେବାକୁ ପଡିବ ।
