ଯଦି ଆପଣ ମଧ୍ୟ ଶସ୍ତାରେ ଗାଡି ଚଲାଇବାକୁ ଚାହାଁନ୍ତି, ତେବେ ମାରୁତି ସୁଜୁକିର ଏହି ସ୍କିମ୍ ଆପଣଙ୍କ ପାଇଁ ଉପହାରଠାରୁ କମ୍ ନୁହେଁ । ବାସ୍ତବରେ ମାରୁତି ସୁଜୁକି କିଛି ସମୟ ପୂର୍ବରୁ ତା’ର ‘ସବସ୍କ୍ରାଇବ୍’ର ସୁବିଧା ଉପସ୍ଥାପନ କରିଛି । ଏହା ଅଧୀନରେ, ଆପଣ କ୍ରୟ ନକରି ଏକ କାରର ମାଲିକ ହୋଇପାରିବେ । ଅର୍ଥାତ୍ ଆପଣ ଏକ କାର ଭଡାରେ ନେଇପାରିବେ । ବିଶେଷ କଥା ହେଉଛି ଆଜି ମାରୁତି ମୁମ୍ବାଇ, ଚେନ୍ନାଇ, ଅହମ୍ମଦାବାଦ ଏବଂ ଗାନ୍ଧିନଗରରେ ଏହି ଯୋଜନା ଆରମ୍ଭ କରିଛି । ଏହାପୂର୍ବରୁ ଦିଲ୍ଲୀ ଏନସିଆର (ଦିଲ୍ଲୀ, ନୋଏଡା, ଗାଜିଆବାଦ, ଫରିଦାବାଦ, ଗୁରୁଗାଁଓ), ବେଙ୍ଗାଲୁରୁ, ହାଇଦ୍ରାବାଦ ଏବଂ ପୁନେରେ ଏହି ସେବା ଆରମ୍ଭ ହୋଇଛି, ଯାହାକୁ ଲୋକମାନେ ବହୁତ ପସନ୍ଦ କରିଛନ୍ତି ।
ଏହି ସ୍କିମ୍ ଅନୁଯାୟୀ, ଗ୍ରାହକ ଏକ ନୂଆ ସ୍ବିଫ୍ଟ ଡିଜାୟର, ଭିଟାରା ବ୍ରିଜା ଏବଂ ଏର୍ଟିଗାକୁ ମୄଟିର ମାର୍କେଟର ARENAରୁ ସବସ୍କ୍ରାଇବ କରିପାରିବେ । ଆହୁରି ମଧ୍ୟ ନୂଆ ବାଲେନୋ, ସିଆଜ୍ କିମ୍ବା XL6 ପରି ବଢିଆ କାରଗୁଡିକୁ ମାରୁତିର ମାର୍କେଟର NEXAରୁ ସବସ୍କ୍ରାଇବ କରିପାରିବେ । ବିଶେଷ କଥା ହେଉଛି, ଗୋଟିଏ କାରର ସବସ୍କ୍ରିପସନ୍ ସରିବା ପରେ ଆପଣ ଚାହିଁଲେ ଅନ୍ୟ କାର ପାଇପାରିବେ ।
ମାରୁତିର ସବସ୍କ୍ରିପସନ୍ ସ୍କିମ୍ ଅଧୀନରେ ଆପଣଙ୍କୁ ମାସିକ ଦେୟ ଦେବାକୁ ପଡିବ । ଏହି ଫି’ରେ ପୁରା ମେଣ୍ଟେନାନ୍ସ, ବୀମା ଏବଂ ରୋଡ଼ ସାଇଡ ଆସିଷ୍ଟେନ୍ସ ସାମିଲ ହେବ । ଆପଣ 24 ରୁ 48 ମାସ ପର୍ଯ୍ୟନ୍ତ ଏହି କାରକୁ ସବସ୍କ୍ରାଇବ କରିପାରିବେ । ଏହି ଫିସ୍ ଭିନ୍ନ ଭିନ୍ନ ସହର ପାଇଁ ଭିନ୍ନ ରହିଛି । ଯଦି ଆପଣ 48 ମାସ ପାଇଁ ଏକ ସ୍ୱିଫ୍ଟ LXi କାର ପାଇଁ ସବସ୍କ୍ରାଇବ କରନ୍ତି, ତେବେ ଆପଣଙ୍କୁ ମୁମ୍ବାଇରେ 15,368 ଟଙ୍କା, ଚେନ୍ନାଇରେ 15,196 ଟଙ୍କା, ଅହମ୍ମଦାବାଦରେ 14,665 ଟଙ୍କା ଏବଂ ଗାନ୍ଧିନଗରରେ 14,691 ଟଙ୍କା ଦେବାକୁ ପଡିବ । ସବସ୍କ୍ରିପସନ୍ ସମୟ ସମାପ୍ତ ହେଲେ, ଆପଣ ଅନ୍ୟ କାରକୁ ଅପଗ୍ରେଡ୍ କରିପାରିବେ କିମ୍ବା ବଜାର ମୂଲ୍ୟରେ ଏହାକୁ କିଣି ପାରିବେ ।