ଲାପଟପ୍ ପ୍ରସ୍ତୁତ କରୁଥିବା କମ୍ପାନୀ Acer ଲଞ୍ଚ କଲା ପ୍ରଥମ ଇଲେକ୍ଟ୍ରିକ୍ ସ୍କୁଟର, ସିଙ୍ଗଲ ଚାର୍ଜରେ ଦେବ ୮୦ ରେଞ୍ଜ
Acer ନିକଟରେ ଇଭି ଏକ୍ସପୋରେ ଏହି ଇଲେକ୍ଟ୍ରିକ୍ ସ୍କୁଟରକୁ ସୋକେସ୍ କରିଥିଲା । ବର୍ତ୍ତମାନ Acer ଭାରତୀୟ ବଜାରରେ MUVI 125 4G କୁ ୧ ଲକ୍ଷ ଟଙ୍କା ଏକ୍ସ-ସୋରୁମ୍ ମୂଲ୍ୟରେ ଲଞ୍ଚ କରିଛି । ଏହି ଇଲେକ୍ଟ୍ରିକ୍ ସ୍କୁଟରର ମୂଲ୍ୟ, ଫିଚର ଏବଂ ରେଞ୍ଜ ବିଷୟରେ ଆସନ୍ତୁ ଜାଣିବା ।
ତାଇୱାନର ହାର୍ଡୱେର୍ ଏବଂ ଇଲେକ୍ଟ୍ରୋନିକ୍ସ ଉତ୍ପାଦନକାରୀ କମ୍ପାନୀ Acer ବର୍ତ୍ତମାନ ଇଭି ସେଗମେଣ୍ଟରେ ପ୍ରବେଶ କରିଛି । Acer ନିକଟରେ ଇଭି ଏକ୍ସପୋରେ ଏହି ଇଲେକ୍ଟ୍ରିକ୍ ସ୍କୁଟରକୁ ସୋକେସ୍ କରିଥିଲା । ବର୍ତ୍ତମାନ Acer ଭାରତୀୟ ବଜାରରେ MUVI 125 4G କୁ ୧ ଲକ୍ଷ ଟଙ୍କା ଏକ୍ସ-ସୋରୁମ୍ ମୂଲ୍ୟରେ ଲଞ୍ଚ କରିଛି । ଏହି ଇଲେକ୍ଟ୍ରିକ୍ ସ୍କୁଟରର ମୂଲ୍ୟ, ଫିଚର ଏବଂ ରେଞ୍ଜ ବିଷୟରେ ଆସନ୍ତୁ ଜାଣିବା ।
eBikeGo ଏହି ଇଲେକ୍ଟ୍ରିକ୍ ସ୍କୁଟରଗୁଡ଼ିକୁ ଭାରତରେ ସେଲ୍ ଏବଂ ସର୍ଭିସ ଯୋଗଇବ । MUVI-125-4G ର ଡେଭଲପମେଣ୍ଟ ଏବଂ ପ୍ରଡକ୍ସନ ଥିଙ୍କ ଇବାଇକେ ଗୋ ପ୍ରାଇଭେଟ ଲିମିଟେଡ ଦ୍ୱାରା ମ୍ୟାନେଜ କରାଯିବ । Acer ବ୍ରାଣ୍ଡ ଅଧୀନରେ ୨ ଏବଂ ୩ ଚକିଆ ଇଲେକ୍ଟ୍ରିକ ଯାନ ଦେବାକୁ eBikeGo ସହିତ ସହଯୋଗ କରିଛି । eBikeGo ଏହି ଲାଇସେନ୍ସପ୍ରାପ୍ତ ପ୍ରଡକ୍ଟଗୁଡିକ ପାଇଁ ଡେଭଲପମେଣ୍ଟ, ମାର୍କେଟିଂ ଏବଂ ଗ୍ରାହକଙ୍କ ସପୋର୍ଟ ଉପରେ ନଜର ରଖିବ ।
ୟୁରୋପୀୟ ଟେକ୍ନିକ୍ ଦ୍ୱାରା ପ୍ରସ୍ତୁତ ହୋଇଥିବା ଏହି MUVI-125-4G ଇ-ସ୍କୁଟରର ରେଞ୍ଜ ବିଷୟରେ କହିବାକୁ ଗଲେ, ସ୍ୱାପେବଲ୍ ବ୍ୟାଟେରୀ, ୧୬-ଇଞ୍ଚ ହ୍ଵିଲ୍ସ ସହିତ ଅନେକ ଫିଚର ମିଳିଥାଏ । କମ୍ପାନୀ ଦାବି କରିଛି ଯେ ଏହି ଆଗାମୀ ଇଲେକ୍ଟ୍ରିକ୍ ସ୍କୁଟର ଗୋଟିଏ ଚାର୍ଜରେ ୮୦ କିଲୋମିଟରର ରେଞ୍ଜ ଦେବାକୁ ସକ୍ଷମ ହେବ । ଟପ୍ ସ୍ପିଡ୍ ବିଷୟରେ କହିବାକୁ ଗଲେ, ଏହି ସ୍କୁଟର ୭୫ କିଲୋମିଟର ପର୍ଯ୍ୟନ୍ତ ହାଇ ସ୍ପିଡରେ ପହଞ୍ଚିବାରେ ସକ୍ଷମ ହେବ ।
MUVI 125 4G ଇଲେକ୍ଟ୍ରିକ୍ ସ୍କୁଟରକୁ ମୁମ୍ବାଇ ସ୍ଥିତ ଇଭି ଷ୍ଟାର୍ଟଅପ୍, ଥିଙ୍କ ଇବାଇକେଗୋ ଦ୍ୱାରା ଡିଜାଇନ୍ ଏବଂ ପ୍ରସ୍ତୁତ କରାଯାଇଛି । ଏଥିରେ ବଡ଼ ଡାଇମିଟରର ଆଲୋଇ ହ୍ଵିଲ୍ସ ବ୍ୟବହାର ହୋଇଛି, ଯାହାର ଡିଜାଇନ୍ ବହୁତ କମ୍ପାକ୍ଟ ରହିଛି । MUVI 125 4G ର ଏକ ଫ୍ରଣ୍ଟ ଫାଇରିଙ୍ଗ ଏବଂ ଏକ ଗୋଲାକାର ଏଲଇଡି ହେଡଲ୍ୟାମ୍ପ ଅଛି । Acer ଏପର୍ଯ୍ୟନ୍ତ MUVI 125 4G ର ସ୍ପେସିଫିକେସନ ବିଷୟରେ ପ୍ରକାଶ କରିନାହିଁ । ତେବେ ଏହା ସ୍ୱାପେବଲ୍ ବ୍ୟାଟେରୀ ସହିତ ଆସିବ ଏବଂ କେନ୍ଦ୍ର ଏବଂ ରାଜ୍ୟ ସରକାରଙ୍କ ସବସିଡି ପାଇବାକୁ ଯୋଗ୍ୟ ହେବ ବୋଲି କମ୍ପାନୀ ଦାବି କରିଛି ।
