ମାରୁତି ସୁଜୁକି ଆଉ ଏକ ବଡ଼ ଉପଲବ୍ଧି ନିଜ ନାଁରେ କରିଛି। କମ୍ପାନୀର ଲୋକପ୍ରିୟ ହେଚ୍ବ୍ୟାକ୍ କାର Baleno ଖୁବ୍ ସୁନ୍ଦର ପ୍ରଦର୍ଶନ କରିଛି। ମାତ୍ର ୫ ବର୍ଷରେ ହିଁ ଏହି କାରର ୮ ଲକ୍ଷରୁ ଅଧିକ ୟୁନିଟ୍ ବିକ୍ରି ହୋଇ ନୂଆ ରେକର୍ଡ କରିଛି। ଏହି କାରକୁ ୨୦୧୫ ମସିହାରେ ଲଞ୍ଚ୍ କରାଯାଇଥିଲା। ଭାରତରେ ଗ୍ରାହକ ଏହି କାରକୁ ଖୁବ୍ ପସନ୍ଦ କରୁଛନ୍ତି। ପ୍ରଥମେ ପ୍ରଥମେ ବହୁଳ ଭାବେ ଏହି କାର ବିକ୍ରି ହେଉଥିଲା। କମ୍ପାନୀ ଦାବି କରି କହିଛି ଯେ ଲଞ୍ଚ୍ ପରେ ୫୯ ମାସରେ କମ୍ପାନୀ ୮ ଲକ୍ଷ ୟୁନିଟ୍ ବିକ୍ରି କରିଛି।
ବର୍ତ୍ତମାନ ସମୟରେ ମଧ୍ୟ ଲୋକମାନେ ଏହି କାରକୁ ବେଶ୍ ପସନ୍ଦ କରୁଛନ୍ତି। ପ୍ରତିମାସରେ ଏହି କାରର ୧୫,୦୦୦ ୟୁନିଟ୍ ବିକ୍ରି ହୋଇଛି। ସୂଚନାଯୋଗ୍ୟ ଯେ ଚଳିତ ସେପ୍ଟେମ୍ବର ମାସରେ ଏହି କାରର ୧୯,୪୩୩ ୟୁନିଟ୍ ବିକ୍ରି ହୋଇଛି। ମାରୁତି ସୁଜୁକି ବାଲେନୋର ମ୍ୟାନୁଫ୍ୟାକଚର ଭାରତରେ ହିଁ ହୁଏ। କିନ୍ତୁ ଏହାକୁ ଅଷ୍ଟ୍ରେଲିଆ, ୟୁରୋପ, ଲାଟିନ୍ ଆମେରିକା, ଆଫ୍ରିକା, ମିଡିଲ ଇଷ୍ଟ ଓ ଦକ୍ଷିଣ ଆଫ୍ରିକାରେ ଏକ୍ସପୋର୍ଟ କରାଯାଉଛି।
ମାରୁତି ସୁଜୁକି ବାଲେନୋର ଦାମ୍ ୫.୬୪ ଲକ୍ଷ ଟଙ୍କାରୁ ଆରମ୍ଭ ହୋଇ ୮.୯୬ ଲକ୍ଷ ପର୍ଯ୍ୟନ୍ତ ରହିଛି। ଏହି କାର ୧.୨ ଲିଟର VVT ପେଟ୍ରୋଲ ଓ ୧.୨ ଲିଟର ଡୁଆଲଜେଟ୍ VVT ସ୍ମାର୍ଟ ହାଇବ୍ରିଡ୍ ପେଟ୍ରୋଲ ଇଞ୍ଜିନ୍ ଅପସନ୍ ସହ ଆସୁଛି। କାରର ୧.୨ ଲିଟର VVT ପେଟ୍ରୋଲ ଇଞ୍ଜିନ୍ 83PS ର ପାଓ୍ଵାର ଓ 113Nm ର ପିକ୍ ଟର୍କ ଜେନେରେଟ୍ କରିଥାଏ।