ଟ୍ରାଇ ତରଫରୁ ଏନ୍ଟିଓ ୨.୦ ଲାଗୁ ହେବା ପରେ ଟାଟା ସ୍କାଏ କମ୍ପାନୀ ନିଜ ସେଟ ଅପ ବକ୍ସର ଦର ବଢ଼ାଇ ଦେଇଛି । ଏବେ ପର୍ଯ୍ୟନ୍ତ ଟାଟା ସ୍କାଏ ସେଟ ଅପ ବକ୍ସ ୧୩,୦୦ ଟଙ୍କାରେ ମିଳୁଥିବା ବେଳେ ଏହାର ମୂଲ୍ୟ କମ୍ପାନୀ ୧୪,୯୯ ଟଙ୍କା କରିଦେଇଛି । କହି ରଖିବା ଉଚିତ ହେବକି, ଗତ ଜାନୁଆରୀ ମାସରେ ହିଁ କମ୍ପାନୀ ନିଜ ସେଟ ଅପ ବକ୍ସର ମୂଲ୍ୟ କମାଇ ଥିଲା । ତେବେ ଆସନ୍ତୁ ଜାଣିବା ଟାଟାର ନୂଆ ସେଟ ଅପ ବକ୍ସର ଦର ବିଷୟରେ:
ଦର ବଢିବା ପରେ କମ୍ପାନୀର ଏସ୍ଡି,ଏଚଡ଼ି ସେଟ ଅପ ବକ୍ସର ମୂଲ୍ୟ ୧୪୯୯ ଟଙ୍କା ରଖାଯାଇଛି ।
ସେଟ ଅପ ସହ କମ୍ପାନୀ ନିଜ ମଲ୍ଟି ଟିଭ କନେକ୍ସନ ମୂଲ୍ୟ ବି ବୃଦ୍ଧି କରିଛି । ପୂର୍ବରୁ ଟାଟାର ମଲ୍ଟି ଟିଭି କନେକ୍ସନ ଦର ୧୨,୯୯ ଟଙ୍କା ଥିବା ବେଳେ ଏବେ ଏହାର ମୂଲ୍ୟ ୧୩,୯୯ ଟଙ୍କାରେ ପହଞ୍ଚିଛି । ଟାଟାର ଅଫିସିଆଲ ୱେବସାଇଟରେ ଆପଣ ଲାଗୁ ହୋଇଥିବା ନୂଆ ଦର ବିଷୟରେ ଅଧିକ ପାଇପାରିବେ । ଅନ୍ୟ ପକ୍ଷରେ ଏଚଡ଼ି ଟିଭି କନେକ୍ସନ ମୂଲ୍ୟ ବି ୧,୧୯୯ ଟଙ୍କା ହୋଇଯାଇଛି । ଯେବେକି ପୂର୍ବରୁ ଏହାର ମୂଲ୍ୟ ମାତ୍ର ୯୯୯ ଟଙ୍କା ହିଁ ଥିଲା ।