ଦେଶରେ କରୋନା ରୋଗୀଙ୍କ ସଂଖ୍ୟା ଦିନକୁ ଦିନ ବଢ଼ିଚାଲିଥିବା ବେଳେ ରାଜସ୍ଥାନରେ ଗୋଟିଏ ଦିନରେ ୭୯ କରୋନା ରୋଗୀ ବାହାରିଥିବା ଜଣାଯାଇଛି । ଏହି ସମସ୍ତ ରୋଗୀ ଆଜ୍ମେର ଦର୍ଘା ଅଞ୍ଚଳରୁ ବାହାରିଥିବା ଜଣାଯାଇଛି ।
ସମସ୍ତ ରୋଗୀମାନେ କେବଳ ୧୧ରୁ ୧୫ ଘର ମଧ୍ୟରୁ ବାହାରିଛନ୍ତି । ଫଳରେ ଦର୍ଘା ଅଞ୍ଚଳକୁ କରୋନା ହଟ୍ସ୍ପଟ୍ ଭାବେ ଘୋଷଣା କରାଯାଇଛି । ଆଜ୍ମେରରେ କିଛି ଦିନ ପୂର୍ବରୁ କରେନା ରୋଗୀଙ୍କ ସଂଖ୍ୟା ଏକକ ସଂଖ୍ୟା ଭିତରେ ଥିଲା ।
ଗୋଟିଏ ଦିନରେ ଏତେ ମାତ୍ରାରେ ରୋଗୀ ବାହାରିବାରୁ ଏହା ଆଜମେର୍ ପ୍ରଶାସନକୁ ଅଡ଼ୁଆରେ ପକାଇଛି । ଆଜମେର୍ ମାର୍ଚ୍ଚ ୨୨ରୁ ଲକ୍ଡାଉନ ଥିବା ବେଳେ ମାର୍ଚ୍ଚ ୨୮ରେ ପ୍ରଥମ କରୋନା ମାମଲା ଆସିଥିଲା ।
ଅପ୍ରେଲ ୨୨ ତାରିଖ ସୁଦ୍ଧା ୧ରୁ ଏହା ୪୪ରେ ପହଞ୍ଚିଥିଲା । ଆଜ୍ମେର ଅଞ୍ଚଳରେ ଏବେ ସ୍ୱାସ୍ଥ୍ୟ ବିଭାଗ ରାଣ୍ଡମ୍ ଟେଷ୍ଟ କରିବାକୁ ଯୋଜନା କରିଛି । ଏହି ସବୁ ଅଞ୍ଚଳରେ କର୍ଫ୍ୟୁ ଘୋଷଣା କରାଯାଇଛି ବୋଲି ଆଜ୍ମେର୍ ଏସ୍ପି ପ୍ରକାଶ କରିଛନ୍ତି ।
ରାଜସ୍ଥାନରେ କରୋନା ରୋଗୀଙ୍କ ସଂଖ୍ୟା ଏବେ ୧୮୯୦ରେ ପହଞ୍ଚିଛି ।