ନୂଆଦିଲ୍ଲୀ: ଦେଶରେ ବୋଲ ମାନୁନି କରୋନା । ସମୁଦାୟ ଆକ୍ରାନ୍ତ ସଂଖ୍ୟା ୩ ଲକ୍ଷ ୪୩ ହଜାର ଟପିଥିବାବେଳେ ମୃତ୍ୟୁ ସଂଖ୍ୟା ୯ହଜାର ୯୦୦ରେ ପହଞ୍ଚିଛି । ମହାରାଷ୍ଟ୍ରରେ ଲକ୍ଷେ ୧୦ ହଜାର ଟପିଛି ସଂକ୍ରମିତଙ୍କ ସଂଖ୍ଯା । ଏହାସହ ୪ ହଜାର ୧୨୮ ଜଣଙ୍କ ମୁଣ୍ଡ ନେଇଛି ଏହି ଭାଇରସ । ଅପରପଟେ ତାମିଲନାଡୁରେ ୪୬ ହଜାର ୫୦୪, ଦିଲ୍ଲୀରେ ୪୨ ହଜାର ୮୨୯ଜଣ କରୋନାରେ ସଂକ୍ରମିତ ହୋଇଛନ୍ତି ।
ସେହିପରି ବିଶ୍ୱରେ ଆକ୍ରାନ୍ତଙ୍କ ସଂଖ୍ୟା ୮୧ ଲକ୍ଷ ଟପିଲାଣି । ମୋଟ୍ ଆକ୍ରାନ୍ତଙ୍କ ସଂଖ୍ୟା ୮୧ ଲକ୍ଷ ୧୩ ହଜାର ୬୭୯ରେ ପହଞ୍ଚିଛି । ମାତ୍ର ସପ୍ତାହକ ମଧ୍ୟରେ ୧୦ ଲକ୍ଷ ନୂଆ କେସ୍ ସାମ୍ନାକୁ ଆସିଛି । ବିଶ୍ୱରେ ମୋଟ୍ ୪ ଲକ୍ଷ ୩୯ ହଜାର ୮୫ ଜଣଙ୍କ ଜୀବନ ନେଲାଣି ମାରାତ୍ମକ ଭାଇରସ୍ । ସେହିପରି ୪୨ ଲକ୍ଷ ୧୩ ହଜାର ୬୦୨ ଜଣ ଆକ୍ରାନ୍ତ ସୁସ୍ଥ ହୋଇ ସାରିଲେଣି । ସୂଚନା ଅନୁଯାୟୀ, ବିଶ୍ୱରେ ଆକ୍ରାନ୍ତଙ୍କ ସଂଖ୍ୟାରେ ଆମେରିକା ଏକ ନମ୍ବର ସ୍ଥାନରେ ରହିଛି ।