କେନ୍ଯୁଜ୍: ଜନସନ ଆଣ୍ଡ ଜନସନର କୋଭିଡ୍ ଟିକା ପ୍ରସ୍ତୁତ କରିବ ଭାରତ। କ୍ୱାଡ୍ ବୈଠକରେ ଟିକା ନେଇ ଆଲୋଚନା ପରେ ଏହା ସ୍ଥିର ହୋଇଛି। ଏହି ଟିକା ପ୍ରସ୍ତୁତ ପାଇଁ ପ୍ରକଳ୍ପକୁ ଆମେରିକା ଓ ଜାପାନ ଆର୍ଥିକ ସାହାଯ୍ୟ ଦେବ । ଦକ୍ଷିଣପୂର୍ବ ଏସିଆ ଏବଂ ପ୍ରଶାନ୍ତମହାସାଗରୀୟ ଅଂଚଳରେ ଟିକାର ବଣ୍ଟନ ପାଇଁ ଅଷ୍ଟ୍ରେଲିଆ ଲଜିଷ୍ଟିକ୍ ସପୋର୍ଟ ଦେବେ।
କ୍ୱାଡ୍ର ପ୍ରଥମ ଶିଖର ସମ୍ମିଳନୀରେ ଏହା ବଡ଼ ନିଷ୍ପତ୍ତି ବୋଲି କୁହାଯାଉଛି। ଭାରତ, ଆମେରିକା, ଜାପାନ ଓ ଅଷ୍ଟ୍ରେଲିଆ ମିଳିତ ସହଭାଗିତାରେ ଏହି ଟିକା ତିଆରି କରାଯିବ । ଅଧିକାଂଶ କୋଭିଡ୍ ଟିକାର ଦୁଇଟି ଡୋଜ ନେବାକୁ ପଡିଥାଏ। କିନ୍ତୁ ଜନସନ ଆଣ୍ଡ ଜନସନର ଗୋଟିଏ ଡୋଜ୍ ନେବାକୁ ହୁଏ। ଏହି ଟିକାକୁ ବିଶ୍ୱ ସ୍ୱାସ୍ଥ୍ୟ ସଂଗଠନ ମଧ୍ୟ ବିଶ୍ୱରେ ଜୁରରୀ କାଳୀନ ବ୍ୟବହାର ପାଇଁ ଅନୁମତି ଦେଇଛି।