ଆଜି ଅପରାହ୍ନ ୨ଟା ୩୦ରେ ମୁଖ୍ୟ ସଚିବଙ୍କ ପ୍ରେସ ବାର୍ତ୍ତା, ଆସିବ ନୂଆ ଗାଇଡଲାଇନ୍
ଭୁବନେଶ୍ବର(କେନ୍ଯୁଜ୍): ଆସନ୍ତାକାଲି ଶେଷ ହେଉଛି ରାଜ୍ୟରେ ଦ୍ୱିତୀୟ ପର୍ଯ୍ୟାୟ ଆଂଶିକ୍ ଲକଡାଉନ୍ । ଆଜି ଆସିବ ନୂଆ ଗାଇଡଲାଇନ୍। ଅପରାହ୍ନ ୨ଟା ୩୦ରେ ମୁଖ୍ୟ ସଚିବଙ୍କ ପ୍ରେସ ବାର୍ତ୍ତା। କରୋନା ସ୍ଥିତି ନେଇ ସୂଚନା ଦେବେ ମୁଖ୍ୟ ସଚିବ ସୁରେଶ ମହାପାତ୍ର। ଆଂଶିକ ଲକ୍ଡାଉନ୍ ଓ ଅନଲକ୍ ନେଇ ସୂଚନା ଦେଇପାରନ୍ତି ମୁଖ୍ୟ ଶାସନ ସଚିବ।
ଜୁଲାଇ ୧୬ରୁ ୩୧ ତାରିଖ ପର୍ଯ୍ୟନ୍ତ ଗାଇଡଲାଇନ୍ ଘୋଷଣା ହୋଇପାରେ। ଖୋର୍ଦ୍ଧା, କଟକ, ପୁରୀ ଓ ମୟୂରଭଞ୍ଜ କାଟାଗୋରୀ Bରେ ବଳବତ୍ତର ରହିପାରନ୍ତି। ତେବେ କଟକଣା ପୂର୍ବାପେକ୍ଷା କିଛି କୋହଳ ହୋଇପାରେ। ଆକ୍ଟିଭ୍ କେସ୍ ଓ ବର୍ତ୍ତମାନର TPRକୁ ନେଇ ନିଷ୍ପତ୍ତି ନିଆଯିବ। ନାଇଟ୍ କର୍ଫ୍ୟୁ ଅବଧି କେତେ ସମୟ ରହିବ ତା ଉପରେ ମଧ୍ୟ ନିଷ୍ପତ୍ତି ନିଆଯିବ। ଜିମ୍ ଖୋଲିବ କି ନାହିଁ ତା ଉପରେ ମଧ୍ୟ ବିଚାର କରିବେ ସରକାର।