ହୋଲିରେ ଲଗାନ୍ତୁ ତୁଳସୀ ଗଛ, ଘରେ ଭରି ଯିବ ସୁଖ ସମୃଦ୍ଧି
ଯଦି ଆପଣ ନିଜ ଘରେ ନକାରାତ୍ମକ ଶକ୍ତିର ପ୍ରଭାବ ଅନୁଭବ କରୁଛନ୍ତି, ତେବେ ହୋଲି ଦିନ ଗଙ୍ଗା ପାଣିରେ ତୁଳସୀ ପତ୍ର ରଖି ପୂଜା ସ୍ଥାନରେ ରଖନ୍ତୁ । ପୂଜା ପରେ ଉକ୍ତ ଗଙ୍ଗା ପାଣି ପୁରା ଘରେ ସିଞ୍ଚନ୍ତୁ। ବିଶ୍ୱାସ କରାଯାଏ ଯେ ଏଭଳି କରିବା ଦ୍ୱାରା ନକାରାତ୍ମକ ଶକ୍ତି ଆପଣଙ୍କ ଘରୁ ଦୂରେଇ ଯିବ ଏବଂ ସକାରାତ୍ମକତା ଘରକୁ ଆସିବ ।
ହୋଲିର ପର୍ବ ସାରା ଦେଶରେ ପାଳନ କରାଯାଏ । ହୋଲି ପର୍ବ କେବଳ ଲୋକଙ୍କ ଘରେ ନୁହେଁ ମନ୍ଦିରରେ ମଧ୍ୟ ଏକ ବିଶେଷ ଢଙ୍ଗରେ ପାଳନ କରାଯାଏ । ହୋଲି ଦିନରେ ଏଭଳି କିଛି ବିଶେଷ କାମ ରହିଛି ଯାହାକୁ କରିବା ଦ୍ୱାରା ଆପଣଙ୍କ ଘରେ ସୁଖ ସମୃଦ୍ଧି ଆସିଥାଏ । ତେବେ ଆସନ୍ତୁ ଜାଣିବା କଣ କଲେ ଆପଣଙ୍କ ଘରେ ସୁଖ ସମୃଦ୍ଧି ଆସିବ ।
ଯଦି ଆପଣ ନିଜ ଘରେ ନକାରାତ୍ମକ ଶକ୍ତିର ପ୍ରଭାବ ଅନୁଭବ କରୁଛନ୍ତି, ତେବେ ହୋଲି ଦିନ ଗଙ୍ଗା ପାଣିରେ ତୁଳସୀ ପତ୍ର ରଖି ପୂଜା ସ୍ଥାନରେ ରଖନ୍ତୁ । ପୂଜା ପରେ ଉକ୍ତ ଗଙ୍ଗା ପାଣି ପୁରା ଘରେ ସିଞ୍ଚନ୍ତୁ। ବିଶ୍ୱାସ କରାଯାଏ ଯେ ଏଭଳି କରିବା ଦ୍ୱାରା ନକାରାତ୍ମକ ଶକ୍ତି ଆପଣଙ୍କ ଘରୁ ଦୂରେଇ ଯିବ ଏବଂ ସକାରାତ୍ମକତା ଘରକୁ ଆସିବ ।
ବର୍ଷସାରା ଘରେ ଧନ ଏବଂ ସମୃଦ୍ଧତା ପାଇଁ ପୂଜା ସରିବା ପରେ, ତିନୋଟି ତୁଳସୀ ପତ୍ରକୁ ଏକ ଲାଲ୍ କପଡ଼ାରେ ବାନ୍ଧି ନିଜ ଘରର ଆଲମାରୀ କିମ୍ବା ଯେଉଁଠାରେ ଆପଣ ଟଙ୍କା ରଖୁଛନ୍ତି ସେହି ସ୍ଥାନରେ ରଖନ୍ତୁ । ବିଶ୍ୱାସ କରାଯାଏ ଯେ ଏଭଳି କରିବା ଦ୍ୱାରା ଆପଣଙ୍କ ଘରେ ଅଭାବ ରହିବ ନାହିଁ ।
ହୋଲି ଦିନରେ ମା’ ଲକ୍ଷ୍ମୀଙ୍କୁ ପୂଜା କରୁଥିବାବେଳେ ତୁଳସୀ ଅର୍ପଣ କରିବା ଉଚିତ୍। ବିଶ୍ୱାସ କରାଯାଏ ଯେ ଏପରି କରିବା ଦ୍ୱାରା ଦେବୀ ଲକ୍ଷ୍ମୀ ପ୍ରସନ୍ନ ହୁଅନ୍ତି ଏବଂ ଆପଣଙ୍କ ଜୀବନରେ ଧନ ସମ୍ବନ୍ଧୀୟ ସମସ୍ତ ସମସ୍ୟା ଦୂର ହୋଇଯାଏ । ମା’ ଲକ୍ଷ୍ମୀଙ୍କ ଆଶୀର୍ବାଦ ମଧ୍ୟ ଆପଣଙ୍କୁ ମିଳିବ ।
ହୋଲି ଦିନ ତୁଳସୀ ଗଛ ଲଗାଇବା ଦ୍ୱାରା ଅନେକ ଲାଭ ମିଳିଥାଏ । ହିନ୍ଦୁ ବିଶ୍ୱାସ ଅନୁଯାୟୀ ତୁଳସୀ ଗଛ ଭଗବାନ ଶ୍ରୀ ହରି ବିଷ୍ଣୁଙ୍କର ଅତ୍ୟନ୍ତ ପ୍ରିୟ । କୁହାଯାଏ ଯେ ଯେଉଁ ଘରେ ତୁଳସୀ ଗଛ ଥାଏ ସେଠାରେ ସ୍ୱୟଂ ନାରାୟଣ ରୁହନ୍ତି । ତେଣୁ ହୋଲି ଦିନ ତୁଳସୀ ଗଛ ଲଗାଇବା ଏବଂ ଏହାକୁ ନିୟମିତ ପୂଜା କରିବା ଦ୍ୱାରା ପରିବାରରେ ସୁଖ ଏବଂ ସମୃଦ୍ଧି ଆସିଥାଏ ।
ଭଗବାନଙ୍କୁ ତୁଳସୀ ପତ୍ର ଅର୍ପଣ କରନ୍ତୁ :
ହୋଲି ଦିନ ପୂଜା ସମୟରେ କେବଳ ତୁଳସୀ ପତ୍ର ଭଗବାନଙ୍କୁ ଅର୍ପଣ କରାଯିବା ଉଚିତ୍ | ବିଶ୍ୱାସ କରାଯାଏ ଯେ ଭଗବାନ ବିଷ୍ଣୁଙ୍କ ଭୋଗରେ ତୁଲସୀ ପତ୍ର ଅର୍ପଣ ନକଲେ ଭଗବାନ ନୈବେଦ୍ୟ ଗ୍ରହଣ କରନ୍ତି ନାହିଁ । ତେଣୁ ଭଗବାନଙ୍କୁ ସନ୍ତୁଷ୍ଟ କରିବା ପାଇଁ ଭୋଗରେ ତୁଳସୀ ପତ୍ର ଅର୍ପଣ କରନ୍ତୁ ।
