ମୁଁ କାହା ସହ କମ୍ପରମାଇଜ୍ କରିଥିଲେ ୩୦ ଫିଲ୍ମରେ ହିରୋଇନ ହୋଇଥାନ୍ତି : ପାୟଲ ଘୋଷ
ବଲିଉଡରେ ପୁଣି କାଷ୍ଟିଂ କାଉଚ୍ ଝଡ଼ । ଅଭିନେତ୍ରୀ ପାୟଲ ଘୋଷଙ୍କ ବଡ଼ ଅଭିଯୋଗ । କହିଲେ, ମୁଁ କାହା ସହ କମ୍ପରମାଇଜ୍ କରିଥିଲେ ୩୦ ଫିଲ୍ମରେ ହିରୋଇନ ହୋଇଥାନ୍ତି । ମୁଁ କେବଳ ୧୧ଟି ଫିଲ୍ମ କରିପାରିଛି ବୋଲି ସେ କହିଛନ୍ତି । ନୂଆ ଫିଲ୍ମ ‘ଫାୟାର ଅଫ୍ ଲଭ୍ ରେଡ୍’ ଲଞ୍ଚ ସମୟରେ ଏଭଳି ବଡ଼ ଖୁଲ୍ଲାସା କରିଛନ୍ତି ।
ମୁମ୍ବାଇ: ବଲିଉଡରେ ପୁଣି କାଷ୍ଟିଂ କାଉଚ୍ ଝଡ଼ । ଅଭିନେତ୍ରୀ ପାୟଲ ଘୋଷଙ୍କ ବଡ଼ ଅଭିଯୋଗ । କହିଲେ, ମୁଁ କାହା ସହ କମ୍ପରମାଇଜ୍ କରିଥିଲେ ୩୦ ଫିଲ୍ମରେ ହିରୋଇନ ହୋଇଥାନ୍ତି । ମୁଁ କେବଳ ୧୧ଟି ଫିଲ୍ମ କରିପାରିଛି ବୋଲି ସେ କହିଛନ୍ତି । ନୂଆ ଫିଲ୍ମ ‘ଫାୟାର ଅଫ୍ ଲଭ୍ ରେଡ୍’ ଲଞ୍ଚ ସମୟରେ ଏଭଳି ବଡ଼ ଖୁଲ୍ଲାସା କରିଛନ୍ତି ।
ସେ କହିଛନ୍ତି, ବଲିଉଡରେ କାହା ସହ ବୁଝାମଣା କରିଥିଲେ ଏପର୍ଯ୍ୟନ୍ତ ୩୦ଟି ଫିଲ୍ମରେ ଅଭିନୟ କରିଥାନ୍ତି । ପାୟଲ ଘୋଷ ହିନ୍ଦୀ ଓ ତେଲୁଗୁ ଫିଲ୍ମର ଜଣାଶୁଣା ଚେହେରା । ପୂର୍ବରୁ ସେ ଫିଲ୍ମ ନିର୍ଦ୍ଦେଶକ ଅନୁରାଗ କାଶ୍ୟପଙ୍କ ବିରୋଧରେ ମି-ଠୁ ଅଭିଯୋଗ ଆଣିଥିଲେ । ଅନୁରାଗ କାଶ୍ୟପ ତାଙ୍କ ସହ ଜୋର ଜବରଦସ୍ତ କରିଥିବା କହିଥିଲେ । ଏବେ ଅଭିନେତା କୃଷ୍ଣା ଅଭିଷେକଙ୍କ ବିରୋଧରେ ସଙ୍ଗୀନ ଅଭିଯୋଗ ଆଣିଛନ୍ତି ପାୟଲ ଘୋଷ ।
ତେବେ ଏହା ଇଣ୍ଡଷ୍ଟ୍ରିରେ କାଷ୍ଟିଂ କାଉଚ୍ ଉପରେ ଆଲୋଚନାକୁ ଉତ୍ସାହିତ କରିଛି । ତେବେ ପାୟଲ ଘୋଷ ନିକଟରେ ଇନଷ୍ଟାଗ୍ରାମରେ ଏକ ଫଟୋ ପୋଷ୍ଟ କରିଛନ୍ତି ଯେଉଁଥିରେ ଲେଖାଥିଲା, “ବଡ ଚଳଚ୍ଚିତ୍ର ପାଇବା ପାଇଁ ତୁମକୁ ଶୋଇବା ଆବଶ୍ୟକ । ବିନା ଶୋଇବାରେ ଏହା ସମ୍ଭବ ହିଁ ନୁହେଁ ।
ତାଙ୍କ ପୋଷ୍ଟ ଇଣ୍ଡଷ୍ଟ୍ରିରେ ଆଶାୟୀ ଅଭିନେତା ଏବଂ ଅଭିନେତ୍ରୀମାନଙ୍କୁ ସତର୍କ କରାଇବ ସହ ଏକ ସୁରକ୍ଷିତ କର୍ମକ୍ଷେତ୍ରର ଗୁରୁତ୍ୱ ବହନ କରିବ ନିଶ୍ଚୟ । ତେବେ ଅନେକେ ତାଙ୍କ ବିବୃତ୍ତିକୁ ସମାଲୋଚନା କରିଥିବାବେଳେ ଅନ୍ୟମାନେ ତାଙ୍କ ମନ କଥା କହିବା ପାଇଁ ତାଙ୍କୁ ସମର୍ଥନ କରିଥିଲେ।
ଜଣେ ଉପଭୋକ୍ତା ଲେଖିଛନ୍ତି, “ଆପଣଙ୍କ ସହିତ କିଛି ଘଟଣା ଯଦି ହୋଇଛି ତେବେ ଦୟାକରି ସେୟାର କର।” ଆଉ ଜଣେ ଉପଭୋକ୍ତା ଲେଖିଛନ୍ତି, “ପରିସ୍ଥିତି ଯାହା ହେଉନା କାହିଁକି ତୁମର ନୀତିକୁ କେବେ ହେଲେ ଛାଡ ନାହିଁ, କାରଣ ସେଗୁଡ଼ିକ ମୂଳଦୁଆ ଅଟେ।” ଅନ୍ୟ ଜଣେ ଲେଖିଛନ୍ତି, ହେ ଭଗବାନ! ଏ କ’ଣ ହେଲା?”