ସାଉଥ ସୁନ୍ଦରୀ ରାଶିଙ୍କ ସହ ଓଟିଟି ଡେବ୍ୟୁ କଲେ ଅଜୟ ଦେବଗନ, ଲଞ୍ଚ ହେଲା ‘ରୁଦ୍ର- ଦ ଏଜ୍ ଅଫ ଡାର୍କନେସ’ର ଟ୍ରେଲର
ସାଉଥ ସୁନ୍ଦରୀ ରାଶି ଖାନା ଏବଂ ବଲିଉଡ ସୁପରଷ୍ଟାର ଅଜୟ ଦେବଗନ ନିଜର ଓଟିଟି ପଦାର୍ପଣ କରିଛନ୍ତି । ହଲିଉଡ କ୍ରାଇମ ସିରିଜ୍ ଲୁଥରର ଏହି ରିମେକ ‘ରୁଦ୍ର- ଦ ଏଜ୍ ଅଫ ଡାର୍କନେସରେ ମୁଖ୍ୟ ଭୂମିକାରେ ନଜର ଆସିବେ ଅଜୟ ଦେବଗନ । ଅଜୟ ଇଡ୍ରିସ ଆଲବାଙ୍କ ଡିଟେକ୍ଟିଭ ଚରିତ୍ରରେ ନଜର ଆସିବେ । ତାଙ୍କ ସହ ସାଉଥ୍ ସୁନ୍ଦରୀ ରାଶି ଖାନା ଏହି ସିରିଜ ଜରିଆରେ ନିଜର ହିନ୍ଦୀ ଭାଷାରେ ଡେବ୍ୟୁ କରୁଛନ୍ତି । ଏହା ସହିତ ଦୀର୍ଘ ଦିନର ବ୍ୟବଧାନ ପରେ ପରଦାକୁ ଫେରୁଛନ୍ତି ଇଶା ଦେଓଲ । ଏହି ସିରିଜରେ ଅପରାଧୀ ଏବଂ ପୋଲିସର ମନସ୍ତତ୍ୱ ଦେଖିବାକୁ ମିଳିବ । ଏଥିରେ ରାଶିଙ୍କ କିଲର ଅନ୍ଦାଜ ଦେଖିବାକୁ ମିଳିଛି। ସେ ନିଜର ଲୁକ୍ସ ଏବଂ ଭିନ୍ନ ଚରିତ୍ରରେ ଦର୍ଶକଙ୍କ ହୃଦୟ ଜିତି ନେଇଛନ୍ତି।
ଏହାର କାହାଣୀ ମୁମ୍ବାଇର ପୃଷ୍ଠଭୂମିରେ ଗତିଶୀଳ । କିଭଳି ଜଣେ ଚାଲାକ ଅପରାଧୀକୁ ଡିସିପି ରୁଦ୍ର ଧରୁଛନ୍ତି ତାହା ଦେଖିବାକୁ ମିଳିବ । ମୁମ୍ବାଇ ବ୍ୟାକଡ୍ରପରେ ନିର୍ମିତ ଶୋ’ଟି ୬ ଏପିସୋଡ ରହିଛି । ନିର୍ଦ୍ଦେଶକ ରାଜେଶ ମାପୁସକାର ଏହି ସିରିଜର ନିର୍ଦ୍ଦେଶନା ଦେଇଛନ୍ତି । ଅଜୟ ଦେବଗନ ନିଜର ଇଣ୍ଟେନ୍ସ ଲୁକରେ ନଜର ଆସିଛନ୍ତି । ରାଶି ଖାନା ଜଣେ ସୋସିଓପାଥ୍ ଭୂମିକାରେ ନଜର ଆସିଥିବା ବେଳେ ଇଶା ଦେଓଲଙ୍କ ଭୂମିକା ସମ୍ପର୍କରେ ଖୁଲାସା କରାଯାଇନାହିଁ ।
View this post on Instagram
ଅଜୟ, ଇଶା ଏବଂ ରାଶିଙ୍କ ବ୍ୟତିତ ଏକାଧିକ ଅନୁଭବୀ କଳାକାର ଏହି ସିରିଜରେ ନଜର ଆସିବେ । ଅତୁଲ କୁଲକର୍ଣ୍ଣୀ, ଆଶିଷ ବିଦ୍ୟାର୍ଥୀ, ଅଶ୍ୱିନୀ କାଲସେକର, ତରୁଣ ଗେହଲୋଟ ଏବଂ ସତ୍ୟଦୀପ ମିଶ୍ର ପ୍ରମୁଖ ଭୂମିକାରେ ନଜର ଆସିବେ । ଡିଜନୀ ପ୍ଲସ ହଟଷ୍ଟାରରେ ଏହି ସିରିଜଟି ରିଲିଜ ହେବାକୁ ଯାଉଥିବା ବେଳେ ୫ଟି ଭାଷାରେ ଏହା ରିଲିଜ୍ ହେବ ।
ସୂଚନାଯୋଗ୍ୟ, ରାଶି ଖାନା ସିଦ୍ଧାର୍ଥ ମଲହୋତ୍ରାଙ୍କ ସହିତ ‘ଯୋଦ୍ଧା’ ଜରିଆରେ ବଲିଉଡ ଡେବ୍ୟୁ କରିଛନ୍ତି। ଏହା ସୁଟିଂ ସରିଛି। କେବଳ ସେତିକି ନୁହେଁ ରାଶି ସାହିଦ କପୁର ଏବଂ ବିଜୟ ସେତୁପତିଙ୍କ ସହିତ ଆଗାମୀ ଫିଲ୍ମ ପାଇଁ ପ୍ରସ୍ତୁତ ହେଉଛନ୍ତି।
Happy to announce the crime thriller of the year Hotstar Specials ‘Rudra – The Edge Of Darkness’. This one’s going to be ‘killer’ @DisneyplusHSVIP 😉#DebutDobara #Rudra@ApplauseSocial @BBCStudiosIndia @nairsameer pic.twitter.com/CoFFRlARAW
— Ajay Devgn (@ajaydevgn) April 20, 2021
