୧୯୮୭ରେ ଭାରତୀୟ ଟେଲିଭିଜନରେ ଆରମ୍ଭ ହୋଇଥିବା ରମାନନ୍ଦ ସାଗରଙ୍କ ‘ରାମାୟଣ’ ଖୁବ୍ ଅଳ୍ପ ଦିନ ମଧ୍ୟରେ ଘରେ ଘରେ ନିଜର ଏକ ସ୍ୱତନ୍ତ୍ର ସ୍ଥାନ ତିଆରି କରିଦେଇଥିଲା । ଲକ୍ଷ ଲକ୍ଷ ଦର୍ଶକ ଏହି ପୌରାଣିକ ଧାରାବାହିକକୁ ଦେଖିବା ପାଇଁ ପ୍ରାୟ ଏକ ପ୍ରକାର ପାଗଳ ଥିଲେ । ତେବେ ଏହି ଧାରାବାହିକର ଏକ ବିଶେଷତ୍ୱ ଥିଲା ଏଥିରେ ଅଭିନୟ କରୁଥିବା କଳାକାର । ଏହି କଳାକାର ମାନେ ଦର୍ଶକଙ୍କ ହୃଦୟରେ ନିଜ ପାଇଁ ଯେଉଁ ସ୍ଥାନ ସୃଷ୍ଟି କରିଥିଲେ ତାହା ଆଜି ଯାଏଁ ଆଉ କେହି କରିପାରିନାହାଁନ୍ତି । ଆଉ ସେମାନଙ୍କ ମଧ୍ୟରୁ ଜଣେ ହେଉଛନ୍ତି ରାମଙ୍କ ଚରିତ୍ରରେ ଅଭିନୟ କରିଥିବା ଅରୁଣ ଗୋବିଲ୍ । କୋଟି କୋଟି ଦେଶବାସୀଙ୍କ ହୃଦୟରେ ଅରୁଣଙ୍କ ଛବି ଏବେ ବି ଭଗବାନ ରାମଙ୍କ ରୂପରେ ହିଁ ରହିଛି ।
ରାମଙ୍କୁ ଜାଣିବା ଏବଂ ବୁଝିବା ପାଇଁ ଲୋକମାନେ ଯେତିକି ରାମାୟଣ ପଢିନାହାଁନ୍ତି ତାଠାରୁ ଅଧିକ ଟିଭିରେ ଦେଖିଛନ୍ତି । ଭଗବାନ ରାମଙ୍କ ଚରିତ୍ରରେ ପ୍ରଥମ ଥର ନଜର ଆସିଥିଲେ ଅରୁଣ । ରମାନନ୍ଦ ସାଗରଙ୍କ ବହୁ ଚର୍ଚ୍ଚିତ ସୋ ରାମାୟଣରେ ରାମଙ୍କ ଚରିତ୍ରରେ ନିଖୁଣ ଭାବରେ ଅଭିନୟ କରିବା ସହଜ କଥା ନୁହେଁ । ଏଥିପାଇଁ ଅନେକ କିଛି ତ୍ୟାଗ କରିଥିଲେ ଅରୁଣ ଗୋବିଲ୍ ।
ଏହା ସହ ପଢନ୍ତୁ ଆଖି ମାରି ସବୁ ପୁଅଙ୍କ ହୃଦୟ ଜିତିନେଇଥିବା ପ୍ରିୟାଙ୍କ ଏହି ଭିଡିଓ ଭାଙ୍ଗିଦେଲା ଅନେକଙ୍କ ମନ
ଏହି ସିରିଏଲରେ ରାମଙ୍କ ଚରିତ୍ରକୁ ହାସଲ୍ କରିବା ଅରୁଣ ଗୋବିଲଙ୍କ ପାଇଁ ସହଜ ନଥିଲା । ଏକ ଇଣ୍ଟରଭ୍ୟୁରେ ଅରୁଣ କହିଥିଲେ ଅଡିସନରେ ପ୍ରଥମେ ରମାନନ୍ଦ ସାଗର ତାଙ୍କୁ ରିଜେକ୍ଟ କରିଦେଇଥିଲେ । କାରଣ ରମାନନ୍ଦ ସାଗରଙ୍କ କହିବା ଅନୁଯାୟୀ, ଭଗବାନ୍ ଶ୍ରୀରାମ ଯାହାଙ୍କୁ ମର୍ୟ୍ୟାଦା ପୁରୁଷୋତ୍ତମ ରୂପରେ ଜଣାଯାଏ ତାଙ୍କ ଚରିତ୍ରକୁ ପରଦାରେ ଅଭିନୟ କରୁଥିବା ବ୍ୟକ୍ତିଙ୍କ ନିକଟରେ କୌଣସି ଖରାପ ଅଭ୍ୟାସ ରହିବା ଅନୁଚିତ୍ । କିନ୍ତୁ ଅରୁଣ ଗୋବିଲଙ୍କୁ ସିଗାରେଟ୍ ଅଭ୍ୟାସ ଥିଲା । ତେଣୁ ଏହି ରୋଲ୍ ପାଇବା ପାଇଁ ସିଗାରେଟ୍ ଛାଡି ଦେଇଥିଲେ ଅରୁଣ । ଆଉ ଭଗବାନ୍ ଶ୍ରୀରାମଙ୍କ ଅଭିନୟ କରୁ କରୁ ସବୁଦିନ ପାଇଁ ସିଗାରେଟ୍ ଛାଡି ଦେଇଥିଲେ ଅରୁଣ ଗୋବିଲ୍ ।