ବିଗ୍ ବସ୍ ୧୭ ପରେ ଆୟେଶା ଖାନଙ୍କୁ ମିଳିଲା ଏକ ବଡ ଅଫର, ଖୁବ୍‌ ଶୀଘ୍ର ନଜର ଆସିବେ ତେଲୁଗୁ ଫିଲ୍ମରେ

ଆୟେଶା ଖାନ୍ ‘ବିଗ୍ ବସ୍ ୧୭’ ରେ ୱାଇଲ୍ଡ କାର୍ଡ ଏଣ୍ଟ୍ରି କରିବା ସହିତ ଖୁବ୍‌ ଚର୍ଚ୍ଚାରେ ରହିଥିଲେ । ଏହି ସୋ କୁ ଆସିବା ପରେ ସେ ମୁନାଓ୍ଵରଙ୍କ ବିଷୟରେ ଅନେକ ଖୁଲାସା କରିଥିଲେ । ତେବେ ଆୟେଶା କିଛି ଦିନ ଏହି ସୋ ରେ ରହିବା ପରେ, ଏଥିରୁ ବାହାରି ଯାଇଥିଲେ । କିନ୍ତୁ ଅଳ୍ପ ସମୟ ମଧ୍ୟରେ ଦର୍ଶକ ଆୟେଶାଙ୍କୁ ବହୁତ ଭଲ ପାଇବା ଦେଇଥିଲେ ।

ଟିଭି ଦୁନିଆର ଅନେକ ରିୟାଲିଟି ସୋ ମଧ୍ୟରୁ ‘ବିଗ୍‌ ବସ୍‌’ ଏକ ଅନ୍ୟତମ ସୋ । ତେବେ ଏହାର ୧୭ଟି ସିଜିନ୍‌ ଯାଇସାରିଛି । ବର୍ତ୍ତମାନ କିଛି ଦିନ ପୂର୍ବରୁ ଏହାର‘ବିଗ୍‌ ବସ ସିଜିନ୍‌ ୧୭’ ମଧ୍ୟ ଶେଷ ହୋଇଛି । ଏହି ସିଜିନ୍‌ରେ ଟିଭି ଦୁନିଆର ଏବଂ ସୋସିଆଲ ମିଡିଆର ଅନେକ ସେଲିବ୍ରେଟି ନଜର ଆସିଥିଲେ । ସେହି ସମସ୍ତ ପ୍ରତିଯୋଗୀ ମଧ୍ୟରେ ଆୟେଶା ଖାନ୍ ‘ବିଗ୍ ବସ୍ ୧୭’ ରେ ୱାଇଲ୍ଡ କାର୍ଡ ଏଣ୍ଟ୍ରି କରିବା ସହିତ ଖୁବ୍‌ ଚର୍ଚ୍ଚାରେ ରହିଥିଲେ । ଏହି ସୋ କୁ ଆସିବା ପରେ ସେ ମୁନାଓ୍ଵରଙ୍କ ବିଷୟରେ ଅନେକ ଖୁଲାସା କରିଥିଲେ । ତେବେ ଆୟେଶା କିଛି ଦିନ ଏହି ସୋ ରେ ରହିବା ପରେ, ଏଥିରୁ ବାହାରି ଯାଇଥିଲେ । କିନ୍ତୁ ଅଳ୍ପ ସମୟ ମଧ୍ୟରେ ଦର୍ଶକ ଆୟେଶାଙ୍କୁ ବହୁତ ଭଲ ପାଇବା ଦେଇଥିଲେ ।

ତେବେ ସଲମାନ ଖାନଙ୍କ ସୋ’ରୁ ବାହାରିବା ପରେ ଆୟେଶା ଖାନଙ୍କୁ ଅନେକ ପ୍ରୋଜେକ୍ଟ ମିଳିଛି । ଏହି ବିଷୟରେ କଥାବାର୍ତ୍ତା କରି ଅଭିନେତ୍ରୀ କହିଛନ୍ତି ଯେ ସୋ ’ରୁ ବାହାରିବା ପରେ ତାଙ୍କୁ ରେଷ୍ଟ ନେବା ପାଇଁ ସୁଯୋଗ ମିଳି ନାହିଁ । ଆୟେଶା ଏପରି ମଧ୍ୟ କହିଛନ୍ତି ଯେ ତାଙ୍କୁ ବହୁତ କାମ ମିଳିଥିବାରୁ ସେ ବହୁତ ଖୁସି ଅଛନ୍ତି ।

ନିକଟରେ ଏକ ଇଣ୍ଟରଭ୍ୟୁରେ ଆୟେଶା ଖାନ କଥାବାର୍ତ୍ତା କଲା ବେଳେ କହିଛନ୍ତି, ଯେ ବିଗ୍ ବସ୍ ଘରୁ ବାହାରିବା ପରେ ତାଙ୍କ ଜୀବନରେ ବହୁତ ଭଲ ଭଲ ଜିନିଷ ହୋଇଛି । ତେବେ ବିଗ୍ ବସ୍ ଘରେ ରହିବା ଅତ୍ୟନ୍ତ କଷ୍ଟକର, ମୁଁ ଜାଣେ ନାହିଁ ଲୋକମାନେ ଏତେ ଦିନ କିପରି ରୁହନ୍ତି । ଏହି ସୋ ଜରିଆରେ ମୁଁ ବହୁତ କିଛି କଥା ଦେଖିଛି । କିନ୍ତୁ ଅଳ୍ପ ସମୟ ମଧ୍ୟରେ ମଧ୍ୟ ମୁଁ ପ୍ରଶଂସକଙ୍କ ଠାରୁ ବହୁତ ସମର୍ଥନ ଏବଂ ଭଲ ପାଇବା ପାଇଛି ।

ଆପଣମାନେ ଜାଣି ଆଶ୍ଚର୍ଯ୍ୟ ହେବେ ଯେ ବିଗ୍‌ ବସ୍‌ରୁ ବାହାରିବା ପରେ ଆୟେଶା ଖାନ ଖୁବ ଶୀଘ୍ର ତେଲୁଗୁ ଫିଲ୍ମରେ ନଜର ଆସିବାକୁ ଯାଉଛନ୍ତି । ଏହି ବିଷୟରେ ଆୟେଶା ଖାନ୍‌ କହିଥିଲେ ଯେ ଯେତେବେଳେ ତେଲୁଗୁ ଫିଲ୍ମର ଅଫର ତାଙ୍କ ପାଖକୁ ଆସିଲା ସେ ବହୁତ ଖୁସି ହୋଇଥିଲେ । କିନ୍ତୁ ତାଙ୍କୁ ଲାଗିଥିଲା ଯେ ଏହା ଏକ କ୍ସାମ୍‌ ହୋଇପରେ । ହେଲେ ପରେ ଆୟେଶା ତେଲୁଗୁ ଇଣ୍ଡଷ୍ଟ୍ରୀ ବିଷୟରେ କହିଛନ୍ତି, ‘ତେଲୁଗୁ ଭାଷା ମୋ ପାଇଁ ସମ୍ପୂର୍ଣ୍ଣ ନୂଆ ଥିଲା, ଯେତେବେଳେ ମୁଁ ଫିଲ୍ମର ସୁଟିଂ କଲି, ମୁଁ ଭାବୁଥିଲି ଯେ ମୁଁ ହିନ୍ଦୀରେ ଏହି ଭୂମିକାକୁ ଭଲ କରି ପାରିଥାନ୍ତି’ ।

ଯଦି ଆମେ ଆୟେଶା ଖାନଙ୍କ କାମ ବିଷୟରେ କହିବା, ତାହେଲେ ସେ କହିଛନ୍ତି ଯେ ‘ମୁଁ ଏହି ପ୍ରୋଜେକ୍ଟକୁ ଏକ ଚ୍ୟାଲେଞ୍ଜ ଭାବରେ ଗ୍ରହଣ କଲି ଏବଂ ଏଥିପାଇଁ ବହୁତ ଅଭ୍ୟାସ ମଧ୍ୟ କଲି । ଯଦିଓ ଆରମ୍ଭରେ ଜିନିଷଗୁଡ଼ିକ ବହୁତ କଷ୍ଟସାଧ୍ୟ ଥିଲା, କିନ୍ତୁ ମୁଁ ଶୀଘ୍ର ଏହି ଭାଷାକୁ ଶିଖିଯାଇଥିଲି । ତେବେ ଆୟେଶା ଖାନ୍‌ ବିଗ୍‌ ବସ୍‌ରୁ ବାହାରିବା ପରେ ତାଙ୍କୁ ଏହି ପରି ଅନେକ କାମ ମିଳିଛି, ଯେଉଁଥି ପାଇଁ ସେ ବହୁତ ଖୁସି ଅଛନ୍ତି ।

 
KnewsOdisha ଏବେ WhatsApp ରେ ମଧ୍ୟ ଉପଲବ୍ଧ । ଦେଶ ବିଦେଶର ତାଜା ଖବର ପାଇଁ ଆମକୁ ଫଲୋ କରନ୍ତୁ ।
 
Leave A Reply

Your email address will not be published.