ବଲିଉଡ ଖେଳାଳି ମାନଙ୍କୁ ବହୁ ଥର ବିମାନ ଯାତ୍ରା ସମୟରେ ବିଭିନ୍ନ ସମସ୍ୟାର ସାମ୍ନା କରିବାକୁ ପଡିଥାଏ । ଅନେକ ସମୟରେ ସେମାନଙ୍କ ଦାମୀ ଜିନିଷ ପତ୍ର ବି ଚୋରି ହୋଇଯିବାର ନଜିର ରହିଛି । ଠିକ ଏମିତି ହିଁ ଏକ ସମସ୍ୟାର ସାମ୍ନା କରିଛନ୍ତି ବଲିଉଡର ଜଣେ ସୁନ୍ଦରୀ ଅଭିନେତ୍ରୀ କୃତି ଖରଵନ୍ଦ । ନିକଟରେ ଏୟାର ଇଣ୍ଡିଆ କମ୍ପାନୀର ଏକ ବିମାନରେ ଯାତ୍ରା କରୁଥିବା ସମୟରେ କୃତିଙ୍କ ଜିନିଷ ଚୋରି ହୋଇଯାଇଥିଲା । ବିମାନ କର୍ମଚାରୀଙ୍କ ଅବହେଳା କାରଣରୁ ହିଁ ଏପରି ଘଟିଥିବା କୃତି ଅଭିଯୋଗ ଆଣିଛନ୍ତି ।
ଏହି ଘଟଣା ନେଇ ନିଜ ସୋସିଆଲ ଆକାଉଣ୍ଟରେ ବି କୃତି ବିମାନ କର୍ତ୍ତୁପକ୍ଷଙ୍କ ବିରୋଧରେ ଅଭିଯୋଗ ଆଣିଥିଲେ । ଅନ୍ୟ ପକ୍ଷରେ ଏହାପରେ ବିମାନ କତ୍ତୃପକ୍ଷଙ୍କ ତରଫରୁ କ୍ଷମା ମଗାଯାଇଥିବା ବେଳେ କୃତିଙ୍କ ଅଭିଯୋଗ ଉପରେ ବି ନିଜ ପ୍ରତିକ୍ରିୟା ଦେଇଥିଲେ । ଏହା ପରେ କୃତି ନିଜ ମେସେଜରେ କହିଛନ୍ତିକି ମୁଁ ଆପଣଙ୍କ କ୍ଷମା ନିବେଦନ ସ୍ୱୀକାର କରିଥିଲେ ଏପର୍ଯ୍ୟନ୍ତ ମୋ ବ୍ୟାଗର କୌଣସି ଖବର ମିଳିପାରିନାହିଁ । ପରେ କିନ୍ତୁ କତ୍ତୃପକ୍ଷଙ୍କ ତରଫରୁ ବ୍ୟାଗ ଟିକୁ ଖୋଜା ଯାଇ ଉଚିତ ଠିକଣାରେ ପହଞ୍ଚାଇ ଦିଆଯିବ ବୋଲି କୁହାଯାଇଥିଲା ।
ଅବଶ୍ୟ ଏପରି ଘଟଣା ପ୍ରଥମ ଥର ପାଇଁ ନୁହେଁ । ଏହା ପୂର୍ବରୁ ୨୦୧୪ ମସିହାରେ ବି ଏହି ଅଭିନେତ୍ରୀ ଜଣକ ଏୟାର ଇଣ୍ଡିଆ ବିରୋଧରେ ସମାନ ଧରଣର ଅଭିଯୋଗ ଆଣିଥିଲେ । କିଛି ଦିନ ପୂର୍ବେ ହାସ୍ୟଭିନେତା କୁନାଳ କାମରାଙ୍କୁ ୬ ମାସ ପାଇଁ ଏୟାର ଇଣ୍ଡିଆରେ ଯାତ୍ରା କରିବା ପାଇଁ ବ୍ୟାଣ୍ଡ କରାଯାଇଥିଲା ।