ବଲିଉଡରେ ପ୍ରଫେକ୍ସନିଷ୍ଟ ଭାବେ ଜଣା ଅମୀର ଖାଁଙ୍କ ସହ କାମ କରିସାରିଥିବା ଟେଲିଭିଜନ ଜଗତର ଚର୍ଚିତ ଅଭିନେତ୍ରୀ ସେଜଲ ଶର୍ମା ମୁମ୍ବାଇ ସ୍ଥିତର ମୀରା ରୋଡ଼ରେ ଥିବା ନିଜ ଘରେ ଆତ୍ମହତ୍ୟା କରିଛନ୍ତି । ପୋଲିସକୁ ଘଟଣା ସ୍ଥଳରୁ ଏକ ସୂଈସାଇଡ ନୋଟ ବି ମିଳିଛି । ନୋଟରେ ଆତ୍ମହତ୍ୟାର କାରଣ ସମ୍ପୂର୍ଣ ବ୍ୟକ୍ତିଗତ ବୋଲି ଦର୍ଶାଯାଇଛି । ଖବର ପ୍ରସାରଣ ପରେ ମୀରା ରୋଡ଼ର ସ୍ଥାନୀୟ ଅଂଚଳରେ ଏକ ପ୍ରକାର ଶୋକର ଛାୟା ଖେଳିଯାଇଛି । ସୂଚନା ମୁତାବକ ଏବେକା ସମୟରେ ଟେଲିଭିଜନ ଜଗତର ଅଧିକାଂଶ କଳାକାର ମୀରା ରୋଡ଼ ଠାରେ ହିଁ ବସବାସ କରୁଛନ୍ତି ।
କହି ରଖିବା ଉଚିତ କି ଷ୍ଟାର ପ୍ଲସରେ ପ୍ରସାରିତ ହୋଇଥିବା ଦିଲ ତୋ ହାପି ହେ ସିରିଏଲରୁ ସେଜଲ ଲୋକପ୍ରିୟତା ହାସଲ କରିଥିଲେ । ଟେଲିଭିଜନ ଜଗତର ଆଉ ଜଣେ ପ୍ରତିଷ୍ଠିତ ଅଭିନେତା କୁଶଳ ପଂଜାବୀ ବି ନିକଟରେ ହିଁ ଆତ୍ମହତ୍ୟା ଉଦ୍ୟମ କରିଥିଲେ । ପୋଲିସ ସୂତ୍ର ଅନୁଯାୟୀ ସେଯାଲ ନିଜ ବ୍ୟକ୍ତିଗତ ଜୀବନକୁ ନେଇ କିଛି ଦିନ ହେବ ଗଭୀର ଚିନ୍ତିତ ଥିଲେ । ମୃତ୍ୟୁ ପୂର୍ବଦିନ ଗୁରୁବାର ରାତିରେ ବି ସେ ନିଜ ସାଙ୍ଗ ସାଥୀଙ୍କ ସହ ଡେରି ରାତି ଯାଏଁ କଥା ହେଇଥିଲେ ।
ଏହାକୁ ସେ ମନୋରଞ୍ଜନ ଜଗତର ଡିପ୍ରେସନ ମାମଲା ଜନିତ ମୃତ୍ୟୁ ଧରି ମାମଲା ଦାୟର କରିଛି । ମୀରା ରୋଡ଼ ସ୍ଥିତ ଥାନାରେ ଏକ ଡେଥ ରିପୋର୍ଟ ଅନୁସାରେ ମାମଲା ଦର୍କ କରିଛି । ମୃତ୍ୟୁ ପୂର୍ବରୁ ଏହି ଟେଲି ଅଭିନେତ୍ରୀ ଜଣକ ନିଜ ସାଙ୍ଗ ମାନଙ୍କ ସହ ମୀରା ରୋଡ଼ ସ୍ଥିତ ପୂର୍ବ ରୟାଲ ଷ୍ଟ୍ରିଟ ସୋସାଇଟିରେ ବାସ କରୁଥିଲେ ।