ବଲିଉଡ୍ ଅଭିନେତା ଇମରାନ ହାସ୍ମୀଙ୍କର ଅପ୍କମିଙ୍ଗ୍ ଫିଲ୍ମ ‘ହାରାମି’ର ଫାଷ୍ଟ ଲୁକ୍ ଜାରି ହୋଇଛି। ନିଜେ ଇମରାନ ତାକୁ ସୋସିଆଲ ମିଡିଆ ଏକାଉଣ୍ଟରେ ସେୟାର କରିଛନ୍ତି । ଇମ୍ରାନଙ୍କ ଅବତାରକୁ ଦେଖି ତାଙ୍କ ଫ୍ୟାନ ବହୁତ ପ୍ରଶଂସା କରିଛନ୍ତି।
ସେଥିରେ ତାଙ୍କୁ ସଂପୂର୍ଣ୍ଣ ଭିନ୍ନ ଅନ୍ଦାଜରେ ଦେଖିବାକୁ ମିଳୁଛି । ତାଙ୍କର କେଶ, ଦାଢ଼ି ବଢ଼ିଯାଇଥିବାବେଳେ ସେ ଆଖିରେ ମୋଟା ଚଷମା ଲଗାଇଛନ୍ତି । ବେକରେ ସୁନା ଚେନ୍ ପକାଇଛନ୍ତି । କ୍ୟାପ୍ସନରେ ଲେଖିଛନ୍ତି, ‘ହାରାମି’ର ଫାଷ୍ଟଲୁକ୍ । ଆପଣମାନଙ୍କୁ ପସନ୍ଦ ଆସିବ ବୋଲି ଆଶା କରୁଛି ।’
‘ହାରାମି’ ଦକ୍ଷିଣ କୋରିଆର ୨୫ ତମ ବୁସାନ ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲ ୨୦୨୦ରେ ଏହାର ଓ୍ଵାଲଡ ପ୍ରିମିୟର ହେବ। ଏଠାରେ ୨୧ ଅକ୍ଟୋବରରୁ ୩୦ ଅକ୍ଟୋବର ମଧ୍ୟରେ ହେବ। ଶ୍ୟାମ ମଦିରାଜୁ ଏହି ଫିଲ୍ମର କାହାଣୀ ରଚନା କରିବା ସହ ନିର୍ଦ୍ଦେଶନା ଦେଇଛନ୍ତି । ଏହାର କାହାଣୀ ଅପରାଧ, ପ୍ରେମ ଉପରେ ପର୍ଯ୍ୟବସିତ । ବୁସାନ୍ ଅନ୍ତର୍ଜାତୀୟ ଫିଲ୍ମ ଫେଷ୍ଟିଭାଲ୍ ୨୦୨୦ର ମୁଖ୍ୟ ପ୍ରତିଯୋଗିତା ପର୍ଯ୍ୟାୟକୁ ମଧ୍ୟ ଏହା ମନୋନୀତ ହୋଇଛି ।