ଭୂକମ୍ପ ଆସିବାରୁ କିଛି ସମୟ ପୂର୍ବରୁ ଜାପାନ ଛାଡିଥିଲେ ଜୁନିଅର ଏନଟିଆର ଏବଂ ପରିବାର, ପୋଷ୍ଟ ସେୟାର କରି ବଖାଣିଲେ ଅନୁଭୂତି

ଜାପାନ ଭୂକମ୍ପକୁ ନେଇ ମୁଁ ଗଭୀର ମର୍ମାହତ । ସେଠିକାର ଲୋକଙ୍କ ପାଇଁ ଭଗବାନଙ୍କ ପାଖରେ ପ୍ରାର୍ଥନା କରୁଛି, ଯେଉଁମାନେ ଏଥିରୁ ବଞ୍ଚିଯାଇଛନ୍ତି, ସେମାନଙ୍କ ପାଇଁ ବହୁତ ଖୁସି ।

ଜାପାନରେ ଭୟଙ୍କର ଭୂକମ୍ପ ହେବା ପରେ ମାନସିକ ଭାବେ ଆଘାତ ପାଇଛନ୍ତି ସାଉଥ ଷ୍ଟାର ଜୁନିଅର ଏନଟିଆର । ଜୁନିଅର ଏନଟିଆର ଗତ ସପ୍ତାହରେ ପରିବାର ସହିତ ଜାପାନକୁ ଛୁଟି କାଟିବା ପାଇଁ ଯାଇଥିଲେ । ଆଉ ନୂଆବର୍ଷରେ ଜାପାନରେ ଭୟଙ୍କର ଭୂମିକମ୍ପରେ ସୁବିକିଛି ଛାରଖାର ହୋଇଯାଇଥିଲା । ଲଗାତାର ଝଟକା ଯୋଗୁଁ ଜାପାନରେ ସୁନାମୀ ଆଲର୍ଟ ମଧ୍ୟ ଜାରି କରାଯାଇଥିଲା । ଆଉ ଏବେ ଜାପାନରୁ ଫେରି ଜୁନିଅର ଏନଟିଆର ଏକ୍ସରେ ପୋଷ୍ଟ ସେୟାର କରି ନିଜର ଅନୁଭବ ସେୟାର କରିଛନ୍ତି ।

ସାଉଥ ଷ୍ଟାର ଜୁନିଅର ଏନଟିଆର ଏବଂ ତାଙ୍କ ପରିବାର ସବୁବେଳେ କିଛି ନା କିଛି ସ୍ଥାନକୁ ବୁଲିବାକୁ ଯାଇଥାନ୍ତି । ସେମାନେ ନୂଆବର୍ଷ ପାଳନ କରିବା ପାଇଁ ଏଥର ଜାପାନ ଯାଇଥିଲେ । ଜୁନିଅର ଏନଟିଆର ଏବଂ ପତ୍ନୀ ଲକ୍ଷ୍ମୀ ପ୍ରଣତି ଏବଂ ଦୁଇ ପିଲା ଜାପାନରେ କ୍ରିସମାସ ଏବଂ ନୂଆବର୍ଷ ପାଳନ କରିବାକୁ ଯାଇଥିଲେ । ତେବେ ଭୂକମ୍ପ ହେବାର କିଛି ସମୟ ପୂର୍ବରୁ ସେମାନେ ଜାପାନରୁ ଫେରିଥିଲେ ।


ସେ କହିଛନ୍ତି, ଜାପାନ ଭୂକମ୍ପକୁ ନେଇ ମୁଁ ଗଭୀର ମର୍ମାହତ । ସେଠିକାର ଲୋକଙ୍କ ପାଇଁ ଭଗବାନଙ୍କ ପାଖରେ ପ୍ରାର୍ଥନା କରୁଛି, ଯେଉଁମାନେ ଏଥିରୁ ବଞ୍ଚିଯାଇଛନ୍ତି, ସେମାନଙ୍କ ପାଇଁ ବହୁତ ଖୁସି ।

ଜାପାନରେ ୭.୫ ତୀବ୍ରତାର ଭୂକମ୍ପରେ ୮ ଜଣଙ୍କର ମୃତ୍ୟୁ ହୋଇଛି । ଉଦ୍ଧାର କାର୍ଯ୍ୟ ଏପର୍ଯ୍ୟନ୍ତ ଜାରି ରହିଛି । ଗୋଟିଏ ଦିନରେ ୧୫୫ ଥର ଭୂକମ୍ପ ଝଟକା ଅନୁଭୂତ ହୋଇଛି ।

ଜୁନିଅର ଏନଟିଆର ନିର୍ଦ୍ଦେଶକ କୋରାଟାଲା ଶିବାଙ୍କ ଫିଲ୍ମ ‘ଦେବରା’ ସୁଟିଂରେ ବ୍ୟସ୍ତ ରହିଛନ୍ତି । ଯାହା ୨ଟି ପାର୍ଟରେ ରିଲିଜ ହେବ । ଏହାର ପ୍ରଥମ ଝଲକ ଜାନୁଆର ୮ ତାରିଖରେ ଦେଖିବାକୁ ମିଳିବ । ଆଉ ଦ୍ୱିତୀୟ ପାର୍ଟ ୫ ଏପ୍ରିଲରେ ଦେଖିବାକୁ ହେବ । ଫିଲ୍ମରେ ଜୁନିଅର ଏନଟିଆରଙ୍କ ସହିତ ଜାହ୍ନବୀ କପୁର ଏବଂ ସୈଫ ଅଲ୍ଲୀ ଖାନ ମୁଖ୍ୟ ଭୂମିକାରେ ରହିଛନ୍ତି ।

Leave A Reply

Your email address will not be published.