‘ସୋନୁ କେ ଟିଟୁ କି ସ୍ବୀଟି’ ଫେମ ସନି ସିଂଙ୍କ ଆଗୁଆ ହୋଲି ଖେଳ ନେଇ ଏକ ଦୃଶ୍ୟ ସାମ୍ନାକୁ ଆସିଛି । ହୋଲିକୁ ଆହୁରି ଅଧିକ ସ୍ପେଶାଲ କରିବା ପାଇଁ ସନି ଏକ ସ୍ପେଶାଲ ଗୀତ ମଧ୍ୟ ପ୍ରସ୍ତୁତ କରିଥିବା ଜଣାଯାଇଛି । ଏହି ଗୀତ ଟିରେ ବରୁଣ ରାୟଙ୍କ ସମେତ ମୌନି ରାୟ ମଧ୍ୟ ତାଙ୍କ ସହ ଅଭିନୟ କରିଛନ୍ତି । ଆଉ ଗୀତ ଟିର ନାଁ ‘ହୋଲି ମେଁ ରଙ୍ଗୋଲି’ ରଖାଯାଇଥିବା ଜଣାଯାଇଛି । ଅତି ଶୀଘ୍ର ଗୀତ ଟିର ଭିଡିଓ ହୋଲି ଅବସରରେ ରିଲିଜ କରାଯିବ ବୋଲି ଜଣାଯାଇଛି । ଗୀତ ଟିର ସୁଟିଂ ସମୟର କିଛି ବିଶେଷ ଦୃଶ୍ୟ ଆମେ ଆଜି ଆପଣଙ୍କ ସାମ୍ନାକୁ ନେଇ ଆସିଛୁ ।
ମୁମ୍ବାଇର ଚଣ୍ଡିବାଲୀ ସ୍ଟୁଡିଓ ଠାରେ ଚାଲିଥିବା ଗୀତର ସୁଟିଂ ସମୟରେ ମୌନି କହିଥିଲେ କି, ଏହା ହେଉଛି ମୋ ଜୀବନର ପ୍ରଥମ ହୋଲି ଗୀତ । ରେମୋ ସାରଙ୍କ ସହ କାମ କରିବାକୁ ନେଇ ସେ ଖୁବ ଉତ୍ସାହିତ ଥିବା ମଧ୍ୟ କହିଥିଲେ । ଅନ୍ୟପକ୍ଷରେ ସନି ସିଂହ କହିଛନ୍ତି କି ସୁଟିଂ ସମୟରେ ପ୍ରତି କଳାକାର ଏମିତି ଖୁସି ଥିଲେ ଯେମିତି ଲାଗୁଥିଲା ସେହି ଦିନ ହିଁ ହୋଲି । ଏହି ଗୀତ ଟିକୁ ଦର୍ଶକ ମାନେ ବି ଭରପୂର ଉପଭୋଗ କରିବେ ବୋଲି ସନି ନିଜ ପ୍ରତିକ୍ରିୟାରେ ପ୍ରକାଶ କରିଛନ୍ତି ।
କହି ରଖିବା ଉଚିତ ହେବକି ପ୍ରଖ୍ୟାତ ନୃତ୍ୟ ନିର୍ଦ୍ଦେଶକ ରେମୋ ଡିସୁଜାଙ୍କ ଫିଲ୍ମ ‘ଷ୍ଟ୍ରିଟ ଡ୍ୟାନ୍ସର ୩ ଡ଼ି’ ନିକଟରେ ହିଁ ରିଲିଜ ହୋଇଛି । ଫିଲ୍ମ ଟିକୁ ଦର୍ଶକ ମାନେ ବି ଖୁବ ପସନ୍ଦ କରିଥିବା ଜଣାଯାଇଛି । ରେମୋଙ୍କ ଏହି ସିନେମାରେ ବରୁଣ ଧାୱନ ଓ ଶ୍ରଦ୍ଧା କାପୁର ମୁଖ୍ୟ ଭୂମିକା ନିଭେଇଥିଲେ । ଚଳିତ ବର୍ଷ ରେମୋ ‘ଡାନସିଂଗ ଡେଡ଼’ ନାମକ ଏକ ଫିଲ୍ମ ଆଗକୁ ପ୍ରସ୍ତୁତ କରିବା ନେଇ ଲକ୍ଷ ରଖିଥିବା ଜଣାଯାଇଛି ।