ରମେଶ ରାଓଙ୍କ ଜନ୍ମ ଦିନରେ ଫିଲ୍ମ ‘ପୁଷ୍ପା ୨’ରୁ ସାମ୍ନାକୁ ଆସିଲା ଫାଷ୍ଟ ଲୁକ

ଲୋକମାନେ ଅଲ୍ଲୁ ଅର୍ଜୁନଙ୍କ ଫିଲ୍ମ ‘ପୁଷ୍ପା ୨’କୁ ଉତ୍ସାହର ସହିତ ଅପେକ୍ଷା କରିଛନ୍ତି । ଯେବେଠାରୁ ଏହି ଫିଲ୍ମର ଦ୍ୱିତୀୟ ଭାଗ ଘୋଷଣା କରାଯାଇଛି । ସେବେଠାରୁ ଅଲ୍ଲୁ ଅର୍ଜୁନ ଏବଂ ‘ପୁଷ୍ପା ୨’ ସମ୍ବନ୍ଧୀୟ ନୂଅର ନୂଆ ଖବର ସାମ୍ନାକୁ ଆସୁଛି । ତେବେ ଏହି ଫିଲ୍ମ ଖୁବ ଶୀଘ୍ର ସିନେମା ହଲରେ ମୁକ୍ତିଲାଭ କରିବାକୁ ଯାଉଛି । ଏହି ଫିଲ୍ମରୁ ରଶ୍ମିକା ମନ୍ଦାନା ଏବଂ ଅଲ୍ଲୁ ଅର୍ଜୁନଙ୍କ ଲୁକ ମଧ୍ୟ ସାମ୍ନାକୁ ଆସିଛି । ଏହି ଫିଲ୍ମର ଦମ୍‌ଦାର ଟ୍ରେଲର ମଧ୍ୟ ରିଲିଜ୍ ହୋଇଛି, ଯାହା ଲୋକଙ୍କ ଠାରୁ ବହୁତ ଭଲ ପାଇବା ପାଇଛି । ଏହି ସମୟରେ ନିକଟରେ ଫିଲ୍ମରୁ ରମେଶ ରାଓଙ୍କ ପ୍ରଥମ ଲୁକ୍ ମଧ୍ୟ ପ୍ରକାଶ ପାଇଛି । ଯିଏ ଫିଲ୍ମର ପ୍ରଥମ ଭାଗରେ କିଙ୍ଗମେକର ଭୂମିକାରେ ନଜର ଆସିଥିଲେ ।

ବାସ୍ତବରେ, ‘ପୁଷ୍ପା’ରେ କିଙ୍ଗମେକର ଭାବରେ ନିଜର ଚିହ୍ନ ଛାଡିଥିବା ବିଧାୟକ ସିଦ୍ଧପ୍ପା ତଥା ରମେଶ ରାଓଙ୍କ ଲୁକ ତାଙ୍କ ଜନ୍ମଦିନରେ ସେୟାର କରାଯାଇଛି । ଏହି ଲୁକରେ ସେ ଧଳା ଧୋତି ଓ କୁର୍ତ୍ତା ପିନ୍ଧି ଏକ ଅତି ଦମ୍‌ଦାର ଲୁକ୍‌ରେ ନଜର ଆସିଛନ୍ତି । ଏହା ସହ ପୋଷ୍ଟରରେ ତାଙ୍କର ଲୁକ୍ ବହୁତ ଦମ୍‌ଦାର ଦେଖାଯାଉଛି । ଫିଲ୍ମରୁ ରମେଶ ରାଓଙ୍କ ପ୍ରଥମ ଲୁକ୍ ସେୟାର କରିବାବେଳେ ‘ପୁଷ୍ପା’ ନିର୍ମାତା କ୍ୟାପସନରେ ଲେଖିଛନ୍ତି, ‘ଧାସୁ ଅଭିନେତା ରମେଶ ରାଓଙ୍କୁ ଜନ୍ମଦିନର ଶୁଭେଚ୍ଛା, ଯିଏ ପ୍ରତ୍ୟେକ ଚରିତ୍ରରେ ଶତପ୍ରତିଶତ ପ୍ରଦାନ କରନ୍ତି । ଫିଲ୍ମ ‘ପୁଷ୍ପା ୨’ରେ ଜଣେ ରାଜନେତା ଭୂମିକାରେ ସିଦ୍ଧପ୍ପାଙ୍କୁ ଦେଖିବାକୁ ପ୍ରସ୍ତୁତ ହୋଇଯାଆନ୍ତୁ । ବର୍ତ୍ତମାନ ରମେଶ ରାଓଙ୍କ ଏହି ଲୁକ ସୋସିଆଲ ମିଡିଆରେ ସବୁଆଡେ ଚର୍ଚ୍ଚା ରହିଛି ।

ଏହା ସହ ନିର୍ଦ୍ଦେଶକ ସୁକୁମାରଙ୍କ ଫିଲ୍ମ ‘ପୁଷ୍ପା: ଦି ରାଇଜ୍’ ପରେ ଅଲ୍ଲୁ ଅର୍ଜୁନ, ରଶ୍ମିକା ମନ୍ଦାନା ଏବଂ ଫାହାଦ୍ ଫୈସିଲ ଏହି ସୁପରହିଟ୍ ଫିଲ୍ମ ‘ପୁଷ୍ପା ୨: ଦି ରୁଲ୍‌’ର ସିକ୍ୱେଲରେ ସେମାନଙ୍କର ଭୂମିକାରେ ଅଭିନୟ କରୁଥିବା ଦେଖିବାକୁ ମିଳିବେ । ‘ପୁଷ୍ପା ୨’ ବର୍ତ୍ତମାନ ସାରା ବିଶ୍ୱ ବକ୍ସ ଅଫିସରେ କୋଟି କୋଟି ରୋଜଗାର କରିବାକୁ ପ୍ରସ୍ତୁତ ହେଉଛି । ଏହି ଫିଲ୍ମ ବିଷୟରେ ପ୍ରଶଂସକମାନେ ସୁପର ଉତ୍ସାହିତ ଥିବା ପରି ମନେ ହେଉଛି । ତେବେ ଫିଲ୍ମ ପୁଷ୍ପା ୨ ଅଗଷ୍ଟ ୧୫ରେ ସିନେମା ହଲ୍‌ରେ ମୁକ୍ତିଲାଭ କରିବ ।