ସସପେଣ୍ଡ ହେଲା କଙ୍ଗନା ରାଣାୱତଙ୍କ ଭଉଣୀ ରଙ୍ଗୋଲି ଚନ୍ଦେଲଙ୍କ ଟୁଇଟର ଆକାଉଣ୍ଟ, ଏହି ଅଭିନେତାଙ୍କ ଝିଅ କରିଥିଲେ ଗୁରୁତର ଅଭିଯୋଗ
ବଲିଉଡ ଅଭିନେତ୍ରୀ କଙ୍ଗନା ରାଣାୱତଙ୍କ ଭଉଣୀ ରଙ୍ଗୋଲି ଚନ୍ଦେଲ ନିଜର ବିବାଦୀୟ ଟୁଇଟ ପାଇଁ ସବୁବେଳେ ଚର୍ଚ୍ଚାରେ ରୁହନ୍ତି। ସେ ଟୁଇଟରରେ ସବୁ କଥା ଉପରେ ମନଇଚ୍ଛା ରାୟ ରଖିଥାନ୍ତି। ବର୍ତ୍ତମାନ ଦେଶରେ ଲକଡାଉନ ଯୋଗୁ ରଙ୍ଗୋଲି ଟୁଇଟରରେ ବହୁତ ଆକ୍ଟିଭ ରହୁଥିବା ନଜର ଆସୁଛନ୍ତି। ତେବେ ତାଙ୍କର ଏକ ଭୁଲ ଟୁଇଟ ତାଙ୍କୁ ଅସୁବିଧାରେ ପକାଇ ଦେଇଛି। ଏବେ ସେ ଆଉ କୌଣସି ବି ଟୁଇଟ କରିପାରିବେ ନାହିଁ। କାରଣ, ତାଙ୍କର ଟୁଇଟର ଆକାଉଣ୍ଟକୁ ସସପେଣ୍ଡ କରି ଦିଆଯାଇଛି।
14 ଏପ୍ରିଲରେ ପ୍ରଧାନମନ୍ତ୍ରୀ ମୋଦି ଯେତେବେଳେ ଦେଶରେ ଲକଡାଉନ ଅବଧିକୁ ବଢ଼ାଇ 3 ମେ’ କରିଦେଇଥିଲେ, ସେତେବେଳେ ମୁମ୍ବାଇର ବାନ୍ଦ୍ରା ରେଲୱେ ଷ୍ଟେସନରେ ପ୍ରବାସୀ ଶ୍ରମିକମାନଙ୍କର ପ୍ରବଳ ଭିଡ ଦେଖିବାକୁ ମିଳିଥିଲା। ଭିଡକୁ ହଟାଇବା ପାଇଁ ପୋଲିସକୁ ଲାଠିଚାର୍ଜ କରିବାକୁ ପଡିଥିଲା। କରୋନା ଭିତରେ ହଜାର ହଜାର ଶ୍ରମିକ ରୁଣ୍ଡ ହେବା ସମସ୍ତଙ୍କୁ ଚିନ୍ତାରେ ପକାଇ ଦେଇଥିଲା। ସେହି ସମୟରେ ରଙ୍ଗୋଲି ଏକ ଫଟୋ ସହିତ ବିବାଦୀୟ ଟୁଇଟ କରିଥିଲେ।
Thank you @Twitter @TwitterIndia @jack for suspending this account. I reported this because she targeted a specific community and called for them to be shot along with liberal media and compared herself to the Nazis. 🙏🙏🙏 . pic.twitter.com/lJ3u6btyOm
— Farah Khan (@FarahKhanAli) April 16, 2020
ଏହାପରେ ପ୍ରସିଦ୍ଧ ଅଭିନେତା ସଞ୍ଜୟ ଖାନଙ୍କ ଝିଅ ଫାରା ଖାନ ଅଲ୍ଲୀ ଟୁଇଟରରେ ଅଭିଯୋଗ କରିଥିଲେ କି, ରଙ୍ଗୋଲିଙ୍କ ଟୁଇଟର ଆକାଉଣ୍ଟ ସସପେଣ୍ଡ କରି ଦିଆଯାଉ। ଏଥିପାଇଁ ସେ ଟୁଇଟରକୁ ଧନ୍ୟବାଦ ମଧ୍ୟ ଦେଇଥିଲେ। ତେବେ କଥାଟି ହେଲା, ରଙ୍ଗୋଲି ଟୁଇଟ କରି ପ୍ରଧାନମନ୍ତ୍ରୀଙ୍କୁ ଅପିଲ କରିଥିଲେ କି, ‘ସେହି ଲୋକଙ୍କୁ ରୋକନ୍ତୁ ନାହିଁ, ଯିଏ ନିଜେ ମରିବାକୁ ଚାହୁଁଛନ୍ତି। କିନ୍ତୁ କୌଣସି ବି ପରିସ୍ଥିତିରେ ସେହି ଲୋକମାନଙ୍କ ଭାଇରସକୁ ଅନ୍ୟ ରାଜ୍ୟ ପର୍ଯ୍ୟନ୍ତ ଯିବାକୁ ଦିଅନ୍ତୁ ନାହିଁ’।