ବିଶ୍ୱର କେତେକ ଜଣାଶୁଣା ଗବେଷକଙ୍କ ଅନୁଯାୟୀ, ଯଦି ପ୍ରତି ଦିନ କିଛି କିଛି ରେଡ୍ ୱାଇନ ନିଅନ୍ତି ତେବେ ଶରୀର ପାଇଁ ଏହା ଏକ ହେଲଦି ଟନିକ ଭାବେ କାମ କରିବ । ଏହା ଷ୍ଟ୍ରେସ କମାଇବା ସହ ହଜମ କ୍ରିୟାକୁ ବି ତ୍ୱରାନ୍ୱିତ କରିଥାଏ । ଏହା ସହ ତ୍ୱଚାରେ ଏକ ବିଶେଷ ଚମକ ବି ଆଣିଥାଏ । ନିୟମିତ ଡ୍ରିଙ୍କ କରିବା ସୌଖିନ ରଖୁଥିବା ଲୋକେ ଓ ଆଦୌ ଡ୍ରିଙ୍କ କରିବା ପସନ୍ଦ କରୁନଥିବା ଲୋକେ ସମସ୍ତେ ରେଡ ୱାଇନ ନେଇପାରିବେ । କିନ୍ତୁ ଜାଣନ୍ତିକି ତ୍ୱଚାରେ ଏହାକୁ ନିୟମିତ ବ୍ୟବହାର କଲେ ବୟସାଧିକ ଛାପ ବି କମ ହୋଇଯାଏ । ଏମିତିକି ପ୍ରକୃତ ବୟସ ଠାରୁ ୧୦ ବର୍ଷ ପର୍ଯ୍ୟନ୍ତ କମି ଯାଇପାରେ ତ୍ୱଚାର ଲୁକ । ତେବେ ଆସନ୍ତୁ ଏନେଇ କେତେ ଗୁଡିଏ ଟିପ୍ସ ବାବଦରେ ଜାଣିବା ।
-ଯଦି ଆପଣଙ୍କ ଚେହେରା ଡଲ୍ ଦେଖାଯାଉଛି ଆଉ ତୁରନ୍ତ ଫ୍ରେସ ଲୁକ ପାଇବା ପାଇଁ ଆପଣ ଏହି ତରିକା ଆପଣେଇ ପାରିବେ । ଗୋଟେ କପ ରେଡ ୱାଇନରେ ପ୍ରଥମେ ନିଜ ମୁହଁକୁ ଧୋଇ ନିଅନ୍ତୁ । ଏହା ପରେ ଆପଣ ହାଲ୍କା ମଇଶ୍ଚରାଇଜର ଲଗାଇ ପାରିବେ । ଆଉ ଧୀରେ ଧୀରେ ମସାଜ କରନ୍ତୁ । ଏହା ପରେ ନଖ ଉଷୁମ ପାଣିରେ ଧୋଇ ନିଅନ୍ତୁ । ଏମିତି କରିବା ପରେ ଆପଣଙ୍କ ତ୍ୱଚାରେ ଏକ ବିଶେଷ ଚମକ ଆସିବ । ଆଉ ଆପଣଙ୍କ ସ୍କିନ ବି ଫ୍ରେସ ଦେଖାଯିବ । ଯେବେ ବି ଆପଣଙ୍କ ସ୍କିନ ଡଲ୍ ଦେଖାଯାଉଛି ତେବେ ଇନ୍ଷ୍ଟଣ୍ଟ ଗ୍ଲୋ ପାଇବା ପାଇଁ ଆପଣ ଏହି ଟିପ୍ସ ପାଳନ କରନ୍ତୁ ।
– ଯଦି ଆପଣଙ୍କ ସ୍କିନ ଖୁବ ଶୁଷ୍କ । ତେବେ ନିଜ କୋଲ୍ଡକ୍ରିମରେ କିଛି ରେଡ ୱାଇନ ମିଶାଇ ବି ବ୍ୟବହାର କରିପାରିବେ ।
– ଚେହେରାରେ ତୁରନ୍ତ ଚମକ ଆଣିବାକୁ ଚାହୁଁଥିଲେ ରେଡ ୱାଇନ ଫେସପ୍ୟାକ ବି ବ୍ୟବହାର କରିପାରିବେ । ସବୁ ପ୍ରକାର ସ୍କିନ ପାଇଁ ଏହା ଲାଭଦାୟୀ ହୋଇଥାଏ । ଦୁଇ ଚାମଚ ମହୁ, ଦୁଇ ଚାମଚ ଦହିରେ ଗୋଟେ ଚାମଚ ରେଡ଼ୱାଇନ ଭଲ ଭାବରେ ମିଶାଇ ଦିଅନ୍ତୁ ।
– ଏହି ମିଶ୍ରଣକୁ ତ୍ୱଚା ସମେତ ବେକରେ ଭଲ ଭାବରେ ଲଗାଇ ଦିଅନ୍ତୁ । ଶୁଖିଗଲା ପରେ ଥଣ୍ଡା ପାଣିରେ ଧୋଇ ନିଅନ୍ତୁ । ଏବେ ଗୋଲାପ ଜଳ ଲଗାଇ ଦିଅନ୍ତୁ । ଯାହା ଫଳରେ ତ୍ୱଚା ରଂଧ୍ରଗୁଡିକ ବନ୍ଦ ହୋଇଯିବ । ସପ୍ତାହକୁ ଦୁଇରୁ ତିନି ଥର ଏହି ପ୍ୟାକ ଲଗାଇଲେ ତ୍ୱଚା ଯବାନ ଦେଖାଯିବ ।