ଆପଣ ଅନେକ ଲୋକଙ୍କ ଠାରୁ ଶୁଣିଥିବେ ଯେ ସେମାନଙ୍କର ଷ୍ଟାମିନା ବହୁତ କମ୍ ନଚେତ ବହୁତ ଭଲ । କିନ୍ତୁ ଏହାର ଅର୍ଥ କ’ଣ ଆପଣ ଜାଣନ୍ତି କି ? ତାହେଲେ ଆସନ୍ତୁ ଜାଣିବା କଣ ଏହି ଷ୍ଟାମିନା ..
ଷ୍ଟାମିନାର ଅର୍ଥ ହେଉଛି ଆପଣଙ୍କ ଶରୀରର ଶକ୍ତି । ସାଧାରଣ ଶବ୍ଦରେ, ଷ୍ଟାମିନା ଅର୍ଥ ହେଉଛି କୌଣସି କାମକୁ ମାନସିକ କିମ୍ବା ଶାରୀରିକ ଭାବରେ ଅଧିକ ସମୟ ପର୍ଯ୍ୟନ୍ତ ଜାରି ରଖିପାରିବେ । ଯଦିଓ ଅଧିକାଂଶ ଲୋକ ଶାରୀରିକ କାର୍ଯ୍ୟ କରିବାର କ୍ଷମତାକୁ ଷ୍ଟାମିନା ବୋଲି କୁହନ୍ତି କିନ୍ତୁ ବାସ୍ତବରେ ଏହା ଦୀର୍ଘସ୍ଥାୟୀ ମାନସିକ କାର୍ଯ୍ୟ ସହିତ ମଧ୍ୟ ଜଡିତ । ତାହେଲେ ଆସନ୍ତୁ ଜାଣିବା ଷ୍ଟାମିନା ହ୍ରାସ ହେଲେ ଶରୀର କି ପ୍ରକାର ସଂକେତ ଦେଇଥାଏ..
- ଟିକିଏ ଦୂରତା ଚାଲିବା କିମ୍ବା କିଛି ପାହାଚ ଚଢିବା ସମୟରେ ଥକ୍କା ଅନୁଭବ କରିବା
- ଦୀର୍ଘ ସମୟ ଧରି କୌଣସି ଶାରୀରିକ ଏବଂ ମାନସିକ କାର୍ଯ୍ୟ କରିବାକୁ ସକ୍ଷମ ନହେବା ଏବଂ କ୍ଳାନ୍ତ ଅନୁଭବ କରିବା । ଅଳ୍ପ ସମୟ ମଧ୍ୟରେ ବ୍ରେକ୍ ଆବଶ୍ୟକ କରିବା
- କଠିନ ପରିଶ୍ରମ ବିନା ଝାଳ ଆସିବା
- ଭୋକ ନ ଲାଗିବା
- ସବୁବେଳେ କ୍ଳାନ୍ତ ଏବଂ ମୁଣ୍ଡ ବୁଲାଇବା
- ବେଳେବେଳେ ଆଖିକୁ ଅସ୍ପଷ୍ଟ ଦେଖାଯିବା
- କୌଣସି କାମ କରିବାକୁ ମନ ନଲାଗିବା
- ହାତ ଏବଂ ପାଦରେ ଯନ୍ତ୍ରଣା ଅନୁଭବ କରିବା
- ଅଧିକ ନିଦ ଆସିବା
ତେବେ ଶରୀରରେ ଷ୍ଟାମିନା କମ ହୁଏ କାହିଁକି ଜାଣନ୍ତୁ ଏହାର 3ଟି କାରଣ
ନିଦ୍ରା ଅଭାବ – ଯେଉଁ ଲୋକମାନେ ପ୍ରତିଦିନ 7 ରୁ 8 ଘଣ୍ଟା ଶୋଇପାରୁ ନାହାଁନ୍ତି । ସେମାନଙ୍କ ଶରୀରର ଶକ୍ତି ଧୀରେ ଧୀରେ ହ୍ରାସ ହେବାକୁ ଲାଗେ । ଯେଉଁ କାରଣରୁ ସେମାନଙ୍କର କୌଣସି କାମରେ ମନ ଲାଗେନାହିଁ ।
କମ୍ ପାଣି ପିଇବା – ଆମ ଶରୀର 70 ପ୍ରତିଶତ ପାଣିରେ ଗଠିତ । ତେଣୁ ଶରୀରରେ ପର୍ଯ୍ୟାପ୍ତ ପରିମାଣର ଜଳ ନରହିଲେ ଶକ୍ତି କମିବା ଆରମ୍ଭ କରେ । ତେଣୁ ପର୍ଯ୍ୟାପ୍ତ ପରିମାଣର ପାଣି ପିଇବା ଜରୁରୀ ।
କାର୍ବୋହାଇଡ୍ରେଟ୍ ଅଭାବ – ଆପଣ ଜାଣନ୍ତି କି କାର୍ବୋହାଇଡ୍ରେଟ୍ ଗ୍ରହଣ ଶରୀରକୁ ଅଧିକ ଶକ୍ତି ଯୋଗାଇଥାଏ । ଏହି ପରିସ୍ଥିତିରେ ନିଜର ଖାଦ୍ୟପେୟରେ କାର୍ବୋହାଇଡ୍ରେଟ୍ ପରିମାଣ ସନ୍ତୁଳିତ ରଖନ୍ତୁ ।