ଡାର୍କ ଚକୋଲେଟ, ଗ୍ରୀନ ଟି ଏବଂ ଅଙ୍ଗୁର ଖାଇବା ଦ୍ବାରା ହେବନି କରୋନା- ଗବେଷକ
ସମଗ୍ର ବିଶ୍ବ କରୋନା ଭାଇରସ ଯୋଗୁଁ ବଡ଼ ବିପଦର ସାମ୍ନା କରିଛି। ଏହି ଯୁଦ୍ଧ ଜିତିବା ପାଇଁ ସମସ୍ତେ କୋଭିଡ-୧୯ ଟିକାଙ୍କୁ ଚାହିଁ ରହିଛନ୍ତି। ଏହା ମଧ୍ୟରେ ଏକ ନୂଆ ଅଧ୍ୟୟନ ସାମ୍ନାକୁ ଆସିଛି। କରୋନା ଭାଇରସରୁ ରକ୍ଷା ପାଇବା ପାଇଁ ଲୋକେ ବିଭିନ୍ନ କୌଶଳ ଆପଣାଉଛନ୍ତି ।
ନିକଟରେ ହୋଇଥିବା ଏକ ଗବେଷଣାରୁ ଜଣାପଡ଼ିଛି ଯେ, ଡାର୍କ ଚକୋଲେଟ ଖାଇବାଦ୍ୱାରା ମଧ୍ୟ ଆମ ଶରୀରରେ କରୋନା ପ୍ରତିରୋଧକ ଶକ୍ତି ସୃଷ୍ଟି ହୋଇଥାଏ । ଗ୍ରୀନ ଟି ମଧ୍ୟ କରୋନା ପ୍ରତିରୋଧକ ଶକ୍ତି ସୃଷ୍ଟି କରେ । ଗ୍ରୀନ ଟି ଏବଂ ଡାର୍କ ଚକୋଲେଟରେ ପ୍ରଚୁର ମାତ୍ରାରେ ଫାଇଟୋ ନ୍ୟୁଟ୍ରିଏଣ୍ଟସ୍ ରହିଥାଏ। ଏହି ନ୍ୟୁଟ୍ରିଏଣ୍ଟସ ଆମକୁ କରୋନା ଭାଇରସରୁ ସୁରକ୍ଷା ଦେଇଥାଏ ।
ଫାଇଟୋ ନ୍ୟୁଟ୍ରିଏଣ୍ଟସ ପ୍ରଭାବରେ କରୋନା ଭାଇରସ ଶରୀରକୁ ସେତେଟା ପ୍ରଭାବିତ କରି ପାରିନଥାଏ । ଫଳରେ ଜଣେ ସଂକ୍ରମିତ ହେବା ପରେ ମଧ୍ୟ ତା’ ଶରୀରରେ ସେତେଟା ଲକ୍ଷଣ ଦେଖାଯାଇନଥାଏ । ଏଣୁ ଭାଇରସ, ଜଣଙ୍କ ଶରୀରରୁ ଅନ୍ୟ ଜଣଙ୍କ ଶରୀରକୁ ଯାଇ ପାରିନଥାଏ ।
ଅଙ୍ଗୁରରେ ମଧ୍ୟ ଫାଇଟୋ ନ୍ୟୁଟ୍ରିଏଣ୍ଟସ୍ ଭରି ରହିଛି । ଗ୍ରୀନଟି, ଡାର୍କ ଚକୋଲେଟ ଭଳି ଅଙ୍ଗୁର ସେବନ କରୁଥିବା ବ୍ୟକ୍ତି ମଧ୍ୟ କରୋନା ଭାଇରସ ଦ୍ୱାରା ସେତେଟା ପ୍ରଭାବିତ ହୋଇ ନଥାନ୍ତି।
ଏ ସମ୍ପର୍କରେ ରିସର୍ଚ୍ଚ କରିଥିବା ଆମେରିକାର ନର୍ଥ କାରୋଲିନା ଷ୍ଟେଟ ୟୁନିଭରସିଟିର ଗବେଷକ ଡି-ୟୁ ଶିଙ୍କ ଏମିତି କହିଛନ୍ତି । ଗବେଷଣାରେ ଜଣାପଡିଛି କି, କରୋନା ଭାଇରସକୁ ରୋକିବାରେ ସଫଳ ହୋଇଛି ଡାର୍କ ଚକୋଲେଟ ଏବଂ ଗ୍ରୀନ ଟି। ଏଥିରେ ପ୍ରଚୁର ମାତ୍ରାରେ ରାସାୟନିକ ଯୌଗିକ ରହିଥାଏ, ଯାହା ଭାଇରସରେ ମୁଖ୍ଯ ଏନଜାଇମ ପ୍ରୋଟିଜକୁ ସଂକ୍ରମଣ ହେବାରୁ ବାଧା ଦେଇଥାଏ।
