ଯୋଗ ଶରୀର ପାଇଁ ବହୁତ ଲାଭକାରୀ ହୋଇଥାଏ । ଯୋଗ ଦ୍ୱାରା ଶରୀର ସୁସ୍ଥ ରହିବା ସହ ରୋଗ ଠାରୁ ଦୂରରେ ରହିଥାନ୍ତି । ଫିଟ ରହିବା ପାଇଁ ଯୋଗ ଠାରୁ ଆଉ ଭଲ ବ୍ୟାୟାମ କିଛି ନାହିଁ ।
ତେବେ ବେଳେ ବେଳେ ଯୋଗ ସମ୍ପର୍କରେ କିଛି ନିୟମ ନଜାଣିବା ଯୋଗୁ ଏହା ଶରୀର ପାଇଁ କ୍ଷତିକାରକ ହୋଇଥାଏ । ଆସନ୍ତୁ ଜାଣିବା ଯୋଗ ବେଳେ କ’ଣ କରିବା ଓ କ’ଣ ନ କରିବା କଥା ।
ଯୋଗ ଶରୀର ପାଇଁ ଖୁବ୍ ଭଲ ହୋଇଥାଏ। ମାତ୍ର ନେଇ ଆଣି ଥୋଇ ନପାରିଲେ ସବୁର ଖରାପ ପ୍ରଭାବ ଭୋଗିବାକୁ ପଡ଼ିଥାଏ। ଆପଣ ବି ଯୋଗ କରନ୍ତୁ ଓ ନିଜକୁ ଫିଟ୍ ରଖନ୍ତୁ। ମାତ୍ର ମନେରଖନ୍ତୁ ଯେ ଏପରି କିଛି ଭୁଲ୍ କରିବସନ୍ତୁ ନାହିଁ ଯାହା ଓଲଟା ପ୍ରଭାବ ଦେଖାଇବ।
. ଯୋଗ କରିବା ପୂର୍ବରୁ ଭୁଲ୍ରେ ଖାଦ୍ୟ ଗ୍ରହଣ କରନ୍ତୁ ନାହିଁ। ଯୋଗ ସର୍ବଦା ଖାଲି ପେଟରେ କରିବା ଉଚିତ୍ । ଖାଇବା ପରେ ଯୋଗ କଲେ ତାହାର ଓଲଟା ପ୍ରଭାବ ପଡ଼ିଥାଏ ।
. ଶରୀରରେ କିଛି ଅସୁବିଧା ଥିଲେ କିମ୍ବା ମହିଳାମାନଙ୍କ ରୁତୁସ୍ରାବ କାଳରେ ଯୋଗ କରିବା ନିଷେଧ ।
. ଯୋଗ ଉପଯୋଗୀ ପୋଷାକ ପିନ୍ଧି ଯୋଗ କରନ୍ତୁ। ଅତ୍ୟଧିକ ଟାଇଟ ପୋଷାକ ପିନ୍ଧି ଯୋଗ କରନ୍ତୁ ନାହିଁ ।
. ଯୋଗ କରି ସାଙ୍ଗେ ସାଙ୍ଗେ ପାଣି ପିଅନ୍ତୁ ନାହିଁ। ଏହା ଶରୀର ପାଇଁ କ୍ଷତିକାରକ ହୋଇଥାଏ।