ସହଜରେ କେମିତି ବନାଇବେ ମିକ୍ସ ଆମ୍ଲେଟ୍
ଆଗକୁ ବର୍ଷା ଦିନ ଆସୁଛି । ଏ ସମୟରେ ତେଲ ଜିନିଷ ବା ଗର୍ମ ଜିନିଷ ଖାଇବାକୁ ପସନ୍ଦ କରିଥାନ୍ତି । ଆଜି ଆମେ ଆପଣଙ୍କ ପାଇଁ ଏକ ସହଜ ରେସେପି ଆଣିଛି ଯାହାକୁ ମାତ୍ର ୫ ମିନିଟ୍ର ତିଆରି କରିପାରିବେ । ଏହାର ଟେଷ୍ଟ ବାକି ଆମଲେଟ୍ ଠାରୁ ପୁରା ଅଲଗା । କାରଣ ଏଥିରେ ସବୁଜ ପରିବା ମିଶିଥାଏ । ଏହାକୁ ଆପଣ କେବେ ବି ଖାଇପାରିବେ । ବ୍ରେକ୍ ଫାଷ୍ଟ ହେଉ ବା ଲଞ୍ଚ୍ ହେଉ କିମ୍ବା ପିଲାଙ୍କୁ ଲଞ୍ଚ୍ ବକ୍ସରେ ଦେଇପାରିବେ । ଆସନ୍ତୁ ଜାଣିବା ତିଆରି କରିବାର ତରିକା ।
ସାମଗ୍ରୀ :
. ଅଣ୍ଡା –୨
. କଳା ମରିଚ- ୧/୪ ଚାମଚ
. କଟା ହୋଇଥିବା ପିଆଜ – ୧
. କଟା ଗାଜର – ୧
. କଟା କଞ୍ଚା ଲଙ୍କା – ୧ ଚାମଚ
. ଧନିଆ ପତ୍ର – ୧ ଚାମଚ
. ଲୁଣ – ୧/୪ ଚାମଚ
ତିଆରି କରିବାର ବିଧି :
୧. ପ୍ରଥମେ ଏକ ବଡ଼ ପାତ୍ରରେ ଅଣ୍ଡାକୁ ଭାଙ୍ଗି କରି ଢ଼ାଳନ୍ତୁ । ଏଥିରେ କଳା ମରିଚ ଗୁଣ୍ଡ ମିଶାନ୍ତୁ ।
୨. ତା’ପରେ ଏଥିରେ ସମସ୍ତ ପରିବା (ଗାଜର,ପିଆଜ ଓ ଲଙ୍କା) ମିଶାନ୍ତୁ । ଏଥିରେ ଲୁଣ ମିଶାଇ ଭଲ ଭାବରେ ମିଶାନ୍ତୁ ।
୩. ଏବେ ଗ୍ୟାସ୍ରେ ତାଓ୍ଵା ରଖି ଏଥିରେ ତେଲ ପକାନ୍ତୁ ।
୪. ଏଥିରେ କିଛି ଧନିଆ ପତ୍ର ପକାନ୍ତୁ ।
୫. ଏବେ ଏଥିରେ ଗୋଳା ହୋଇ ରହିଥିବା ଅଣ୍ଡା ଢ଼ାଳନ୍ତୁ ।
୬. ଏହା ଉପରେ ଅଳ୍ପ ଧନିଆ ପତ୍ର ପକାନ୍ତୁ ଓ ଏହାକୁ ୧ ମିନିଟ ଯାଏ ଆଞ୍ଚରେ ଛାଡ଼ି ଦିଅନ୍ତୁ ।
୭. ଏବେ ଏହାକୁ ଓଲଟାଇ ଦିଅନ୍ତୁ ଓ କିଛି ସମୟ ପାଇଁ ଛାଡ଼ି ଦିଅନ୍ତୁ ଓ ଏହାକୁ ମଝିରୁ ଦୁଇ ଭାଗ କରିଦିଅନ୍ତୁ ।
ଏବେ ପ୍ରସ୍ତୁତ ହୋଇଗଲା ଆପଣଙ୍କ ମିକ୍ସ ଆମ୍ଲେଟ୍ । ଗରମ ଗରମ ପରଶନ୍ତୁ ।