ଆବଶ୍ୟକୀୟ ସମାଗ୍ରୀ
- ଅଟା ୨ କପ୍
- ଟମାଟୋ ୪ ଟି
- ପିଆଜ ୨ ଟି
- ଅଦା ଅଳ୍ପ
- କଞ୍ଚାଲଙ୍କା
- ଜୀରା
- ହେଙ୍ଗୁ
- ଲଙ୍କାଗୁଣ୍ଡ
- ତେଲ
- ଘିଅ
- ସ୍ଵାଦ ଅନୁସାରେ ଲୁଣ
ପ୍ରସ୍ତୁତି ପ୍ରଣାଳୀ
ପ୍ରଥମେ ଏକ ପ୍ୟାନ ବସାଇ ସେଥିରେ ଅଳ୍ପ ତେଲ ଗରମ୍ କର । ତାପରେ ସେଥିରେ ଜିରା ଓ ହେଙ୍ଗୁ ପକାଇ ଦିଅନ୍ତୁ । ଜିରା ଫୁଟିଗଲା ପରେ ସେଥିରେ ପିଆଜ, କଞ୍ଚାଲଙ୍କା ଓ ଅଦା କାଟି ପକାଇ ଦିଅନ୍ତୁ । ଏହା ଟିକିଏ ଭାଜି ହୋଇଗଲା ପରେ ସେଥିରେ ଟମାଟୋ ପକାଇ ଭଲଭାବେ ଭାଜନ୍ତୁ । ସେଥିରେ ସ୍ଵାଦ ଅନୁସାରେ ଲୁଣ ପକାଇ ଦିଅନ୍ତୁ । ଆପଣ ଚାହିଁଲେ ସେଥିରେ ଆମଚୁର୍ ପାଉଡର ମଧ୍ଯ ପକାଇ ପାରିବେ । ଟମାଟୋ ଭଲଭାବେ ଭାଜି ହୋଇଗଲା ପରେ ଏହାକୁ ଏକ ପାତ୍ରରେ କାଢି ଥଣ୍ଡା କରିଦିଅନ୍ତୁ । ବର୍ତ୍ତମାନ୍ ଥଣ୍ଡା ହୋଇଯାଇଥିବା ଟମାଟୋରେ ଅଟା ପକାଇ ଚକଟି ଦିଅନ୍ତୁ । ଯଦି ବେଶୀ ଶୁଖିଲା ହୋଇଯାଇଥାଏ ତାହେଲେ ଆପଣ ଏଥିରେ ଅଳ୍ପ ପାଣି ମଧ୍ଯ ଦେଇପାରିବେ । ଅଟାକୁ ଚକଟିଲା ବେଳେ ସେଥିରେ ଅଳ୍ପ ଘିଅ ଦେଇ ଚକଟନ୍ତୁ ଯାହାଦ୍ୱାରା ଆପଣଙ୍କ ପରଟା ନରମ ଏବଂ ସ୍ଵାଦିଷ୍ଟ ହେବ । ତେବେ ଏହାକୁ ଭଲଭାବେ ଚକଟିବା ପରେ ୧୦ ମିନିଟ୍ ପର୍ଯ୍ୟନ୍ତ ଘୋଡାଇ ରଖି ଦିଅନ୍ତୁ । ୧୦ ମିନିଟ୍ ପରେ ଏହାକୁ ଛୋଟ ଛୋଟ ଗୁଳା କରି ଅଟାରେ ବେଲି ଦିଅନ୍ତୁ ଏବଂ ଭଲଭାବେ ଘିଅ ଦେଇ ସେକି ଦିଅନ୍ତୁ । ପ୍ରସ୍ତୁତ ହୋଇଗଲା ଆପଣଙ୍କର ଟମାଟୋ ପରଟା ଏହାକୁ ଆପଣ ଗରମ୍ ଗରମ୍ ତରକାରୀ ସହିତ ସର୍ଭ କରନ୍ତୁ ।