ବଳକା ବ୍ରେଡକୁ ଭୁଲରେ ବି ପକାନ୍ତୁନି, ପ୍ରସ୍ତୁତ କରି ଖାଆନ୍ତୁ ଟେଷ୍ଟି “ବ୍ରେଡ ଉପମା”
ଘରେ ବଳିଥିବା ବ୍ରେଡରେ ବି ଆପଣ ଏକ ସୁସ୍ୱାଦିଷ୍ଟ ଖାଦ୍ୟ ବନେଇ ଖାଇପାରିବେ । ଯଦି ବ୍ରେଡ ଖାଇବାକୁ ଇଛା ହେଉନି ତେବେ ଏଥିରେ କିଛି ପନିପରିବା ଦେଇ ଆପଣ ଟେଷ୍ଟି “ବ୍ରେଡ ଉପମା” ବନେଇ ପାରିବେ । ଯାହା ପାଟିକୁ ସ୍ୱାଦିଷ୍ଟ ଲାଗିବା ସହ ସୁସ୍ଥକର ବି । ଆଉ ସବୁଠୁ ଖାସ କଥା ହେଉଛି ଏହି ରେସିପିଟି ମାତ୍ର କିଛି ମିନିଟରେ ପ୍ରସ୍ତୁତ ହୋଇଯିବ । ତେବେ ଆସନ୍ତୁ ଜାଣିବା ଘରେ କେମିତି ବନେଇବେ “ବ୍ରେଡ ଉପମା” । ପ୍ରଥମେ ଲେଖିରଖନ୍ତୁ ଏଥିପାଇଁ ଆବଶ୍ୟକ ହେଉଥିବା ସାମଗ୍ରୀ:
୧୦ଟି ବ୍ରେଡ ପିସ
ଗୋଟେ ଚାମଚ ରନ୍ଧା ତେଲ
ଗୋଟେ ଚାମଚ ସୋରିଷ
ଗୋଟେ ଚାମଚ ଜିରା
ଗୋଟେ ଚାମଚ ବିରି ଡାଲି
ଗୋଟେ ଚାମଚ ଚଣା ଡାଲି
୪ ରୁ ୫ଟି ଭ୍ରୁଶୃଙ୍ଗ ପତ୍ର
ଗୋଟେ ପିଆଜ
ଗୋଟେ ଗାଜର କଟା ଯାଇଥିବା
ଗୋଟେ ଟମାଟୋ
ଗୋଟେ ଚାମଚ ହଳଦୀ
ଗୋଟେ ଚାମଚ ଲେମ୍ବୁରାସ
ପ୍ରସ୍ତୁତି ପ୍ରଣାଳୀ:
ପ୍ରଥମେ ବ୍ରେଡ ଗୁଡିକୁ ଛିଡାଇ ଦିଅନ୍ତୁ ।
ଏବେ ପକେଇବାକୁ ଥିବା ପନିପରିବା ଗୁଡିକୁ କାଟି ଦିଅନ୍ତୁ । ଏବେ ଏକ ପ୍ୟାନରେ ତେଲ ଦିଅନ୍ତୁ ।
ତେଲ ଗରମ ହେବା ପରେ ସେଥିରେ କିଛି ସୋରିଷ ଓ ଜିରା ଦିଅନ୍ତୁ ।
ଏଗୁଡିକ ଫୁଟି ଆସିଲେ ଏବେ ସେଥିରେ ବିରି ଡାଲି, ଚଣା ଡାଲି ଦିଅନ୍ତୁ । ଏହା ପରେ କଟାଯାଇଥିବା ପିଆଜ ଦିଅନ୍ତୁ ।
ଏବେ ସେଥିରେ ଗାଜର କଟା ଦେଇ ଛାଡି ଦିଅନ୍ତୁ । ଏବେ ଟମାଟୋ କଟା ଦିଅନ୍ତୁ ।
ଲୁଣ ଓ ହଳଦୀ ଦିଅନ୍ତୁ । ଏବେ ସେଥିରେ ବ୍ରେଡ କଟା ପକାନ୍ତୁ । କଟା ଖାଇବା ପସନ୍ଦ ଥିଲେ ଅଳ୍ପ ଟିକେ ଲେମ୍ବୁ ରସ ଦେଇଦିଅନ୍ତୁ ।
