ଜଳଖିଆ ସମୟରେ କିଛି ନୂଆ ନୂଆ ହଟକେ ଖାଦ୍ୟ ପ୍ରସ୍ତୁତ କରି ଖାଇବାକୁ ଇଚ୍ଛା ହୁଏ । ଆଉ କର୍ମବହୁଳ ଜୀବନରେ କେଉଁଟା କମ ସମୟରେ ସହଜରେ ବନାଯାଇ ପାରିବ ସେନେଇ ସମସ୍ତେ ଚିନ୍ତାରେ ଥାନ୍ତି । ତେବେ ଆପଣ ସୁଜିରେ ତିଆରି ଉପମା ଆଦି ତ ନିୟମିତ ଖାଉଥିବେ । ହାଲୁଆ ଆଦି ବି ଖାଉଥିବେ । କିନ୍ତୁ ଏହି ସୁଜିରେ ତିଆରି ଉତ୍ପମ ଥରେ ଖାଇ ଦେଖନ୍ତୁ ତ । ଏହା ଖୁବ ସହଜରେ ବନଯାଇ ପାରିବା ସହିତ ସ୍ୱାଦିଷ୍ଟ ବି ଲାଗିବ ।
ଲେଖିରଖନ୍ତୁ ଆବଶ୍ୟକ ହେଉଥିବା ସାମଗ୍ରୀ:
ଗୋଟେ କପ ସୁଜି
ଅଧା କପ ଦହି
ଗୋଟେ ପିଆଜ କଟା ଯାଇଥିବା
ଗୋଟେ ଟମାଟୋ
୨ ଟି ଲଙ୍କା
କିଛି ଧନିଆ ପତ୍ର କଟା ଯାଇଥିବା
୨ଚାମଚ ତେଲ
ସ୍ୱାଦ ଅନୁସାରେ ଲୁଣ
ପ୍ରସ୍ତୁତି ପ୍ରଣାଳୀ:
ପ୍ରଥମେ ସୁଜି, ଦହି, ଲୁଣ ସହ ଅଧ କପ ପାଣିକୁ ଭଲ ଭାବରେ ମିଶାଇ ଦିଅନ୍ତୁ । ଏବେ ଏକ ଫ୍ଲାଟ ପ୍ୟାନକୁ ଚୁଲିରେ ବସାନ୍ତୁ । ସେଥିରେ କିଛି ତେଲ ଦିଅନ୍ତୁ ।
ଏବେ ସେଥିରେ ପୂର୍ବରୁ ପ୍ରସ୍ତୁତ ଆଣକୁ ଢ଼ାଳି ଚକୁଳି ଭଳି ଗୋଲ ଆକାର ଦିଅନ୍ତୁ । ଏବେ ତା ଉପରେ କଟା ଯାଇଥିବା ପିଆଜ, ଲଙ୍କା, ଧନିଆ ପତ୍ର ଆଦି ଦେଇଦିଅନ୍ତୁ । ଏବେ ତା ଉପରେ କଟା ଯାଇଥିବା ଟମାଟୋ ଦେଇ ଦିଅନ୍ତୁ । ତାର ଚାରିପାଖରେ କିଛି କିଛି ତେଲ ଦିଅନ୍ତୁ । ଚାରିପାଖ କୁରକୁରା ହୋଇଆସିଲେ ତାୱାରୁ ସହଜରେ ଛାଡ଼ିଯିବ ।
ଖଡ଼ିକା ସାହାଯ୍ୟରେ ପିଠାକୁ ଉଠାଇ ଦିଅନ୍ତୁ । ୩୦ ସେକେଣ୍ଡ ପାଇଁ ରଖି ଏହି ତାରିକରେ ବାକି ଆଣରେ ପିଠା ପ୍ରସ୍ତୁତ କରନ୍ତୁ ।
ପୋଦିନା କିମ୍ବା ଅନ୍ୟ ଚଟଣି ସହିତ ପିଠା ଖାଇବାକୁ ଦିଅନ୍ତୁ ।