ଲକଡାଉନ୍ ସମୟରେ ସମସ୍ତଙ୍କ କାର୍ଯ୍ୟସୂଚୀ ବଦଳି ଯାଇଛି ଏବଂ ଆମମାନଙ୍କ ମଧ୍ୟରୁ ଅନେକ ଅଛନ୍ତି ଯେଉଁମାନେ ବର୍ତ୍ତମାନ କାର୍ଯ୍ୟକୁ ଆରାମଦାୟକ ଉପାୟରେ କରିବାକୁ ପସନ୍ଦ କରୁଛନ୍ତି । ସେମାନେ ଅନୁଭବ କରୁଛନ୍ତି ଯେ ବର୍ତ୍ତମାନ କେହି କୁଆଡେ ଯିବାର ନାହିଁ ତ ସମସ୍ତ କାର୍ଯ୍ୟ ସହଜରେ ହୋଇପାରିବ । ତେବେ ଏହା ତ ଗଲା କାମର କଥା କିନ୍ତୁ ଯଦି ଆପଣ ରାତିରେ ଆରାମରେ ଖାଉଛନ୍ତି ଏହାର ଅର୍ଥ ହେଉଛି ଯେ ଆପଣ ବିଳମ୍ବିତ ରାତିରେ ଖାଉଛନ୍ତି ତାହେଲେ ଆପଣ ସାବଧାନ ହୋଇଯାଆନ୍ତୁ । ଏହା ଆପଣଙ୍କ ସ୍ୱାସ୍ଥ୍ୟ ପାଇଁ ଅନେକ କ୍ଷତି ପହଞ୍ଚାଇପାରେ । ଯଦି ଆପଣ ବି ଠିକ ଏହିଭଳି ଦିନଚର୍ଯ୍ୟା ଗ୍ରହଣ କରୁଛନ୍ତି ତେବେ ନିଶ୍ଚିତ ଭାବରେ ଏହା ଦ୍ୱାରା ହୋଇଥିବା କ୍ଷତି ବିଷୟରେ ମଧ୍ୟ ଯାଣିନିଅନ୍ତୁ ।
ଓଜନ ବଢାଏ
ଶରୀରର ମେଟାବୋଲିଜିମ୍ ରାତିରେ ଧୀର ଏବଂ ଦୁର୍ବଳ ରହିଥାଏ । ଯେଉଁ କାରଣରୁ ବିଳମ୍ବିତ ରାତିରେ ଖାଇଥିବା ଖାଦ୍ୟ ହଜମ କରିବାରେ ଅସୁବିଧା ହୋଇଥାଏ । ତାସହିତ ରାତିରେ ଅଧିକ ପରିମାଣର କ୍ୟାଲୋରୀ ବର୍ନ ହୋଇନଥାଏ ଏବଂ ଓଜନ ବୃଦ୍ଧି ହୁଏ ।
ରକ୍ତଚାପ ବୃଦ୍ଧି କରେ
ଅନେକ ବିଶେଷଜ୍ଞଙ୍କ ଅନୁଯାୟୀ ବିଳମ୍ବିତ ରାତିରେ ଖାଦ୍ୟ ଖାଇବା ଦ୍ୱାରା ବ୍ଳଡପ୍ରେସର ସହିତ ରକ୍ତରେ ଶର୍କରାର ପରିମାଣ ମଧ୍ୟ ବୃଦ୍ଧି ପାଇଥାଏ ଯାହା ସ୍ୱାସ୍ଥ୍ୟକୁ କ୍ଷତି ପହଞ୍ଚାଇଥାଏ ।
ଶୋଇବାରେ ଅସୁବିଧା
ଏକ ରିପୋର୍ଟ ଅନୁଯାୟୀ, ବିଳମ୍ବିତ ରାତିରେ ସ୍ନାକ୍ସ କିମ୍ବା ଖାଦ୍ୟ ଖାଇବା ଦ୍ୱାରା ଶୋଇବା ଚକ୍ର ମଧ୍ୟ ଡିଷ୍ଟର୍ବ ହୋଇଥାଏ । ଯାହା ଶୋଇବାରେ ସମସ୍ୟା ସୃଷ୍ଟି କରିପାରେ ଏହାସହିତ ଗ୍ୟାଷ୍ଟ୍ରିକ୍ ସମସ୍ୟା ମଧ୍ୟ ସୃଷ୍ଟି ହୋଇପାରେ ।
କ୍ରୋଧ
ଯଦି ଆପଣ ଯଥେଷ୍ଟ ନିଦ ପାଇବାକୁ ସକ୍ଷମ ନୁହଁନ୍ତି ତାହେଲେ ଏହା ଆପଣଙ୍କ ମାନସିକ ସ୍ୱାସ୍ଥ୍ୟ ଉପରେ ମଧ୍ୟ ପ୍ରଭାବ ପକାଇଥାଏ । ମସ୍ତିଷ୍କ ଯଥେଷ୍ଟ ବିଶ୍ରାମ ପାଏ ନାହିଁ ଫଳସ୍ୱରୂପ ବିରକ୍ତ ହୁଏ ।