କିଛି ଚଟପଟା ଖାଇବାକୁ ଇଛା ହେଉଛି କି? ତାହେଲେ ଆଜି ହିଁ ଘରେ ବନାନ୍ତୁ ଚାଉଳ ଏବଂ ଆଳୁରେ ତିଆରି ଏହି ଟେଷ୍ଟି ବରା
ଆବଶ୍ୟକୀୟ ସାମଗ୍ରୀ
- ଚାଉଳ ଏକ କପ୍
- ସିଝା ଆଳୁ ୨ ଟି
- ରସୁଣ କଞ୍ଚାଲଙ୍କା ପେଷ୍ଟ ୧ ଚାମଚ
- ଗ୍ରୀନ୍ ପିଆଜ
- ଜୀରା
- ଧନିଆପତ୍ର
- ବେକିଂ ପାଉଡର
- ତେଲ
- ସ୍ଵାଦ ଅନୁସାରେ ଲୁଣ
ପ୍ରସ୍ତୁତି ପ୍ରଣାଳୀ
ପ୍ରଥମେ ଚାଉଳକୁ କିଛି ସମୟ ପାଇଁ ଭିଜାଇ ଦିଅନ୍ତୁ । ତାପରେ ଏହାକୁ ପେଷ୍ଟ କରିଦିଅନ୍ତୁ । ମନେ ରଖନ୍ତୁ ଏହା ଏକଦମ୍ ମୋଟା ହେବା ଆବଶ୍ୟକ । ତାପରେ ସିଝା ଆଳୁକୁ ମଧ୍ଯ ପେଷ୍ଟ କରିଦିଅନ୍ତୁ । ତାପରେ ଗୋଟିଏ ପାତ୍ର ନେଇ ସେଥିରେ ଚାଉଳ ପେଷ୍ଟ, ଆଳୁ ପେଷ୍ଟ ପକାଇ ଭଲଭାବେ ଗୋଳାଇ ଦିଅନ୍ତୁ । ତାପରେ ସେଥିରେ କଞ୍ଚାଲଙ୍କା ରସୁଣ ପେଷ୍ଟ, ଜିରା, ସ୍ଵାଦ ଅନୁସାରେ ଲୁଣ, ଗ୍ରୀନ୍ ପିଆଜ କଟା, ଧନିଆପତ୍ର, ବେକିଂ ପାଉଡର ପକାଇ ଭଲଭାବେ ଗୋଳାଇ କିଛି ସମୟ ପର୍ଯ୍ୟନ୍ତ ରଖି ଦିଅନ୍ତୁ । ତାପରେ ଏକ ପ୍ୟାନରେ ତେଲ ଗରମ୍ କରନ୍ତୁ । ବର୍ତ୍ତମାନ୍ ହାତରେ ତେଲ ଲଗାଇ ଏହାକୁ ଛୋଟ ଛୋଟ ଗୁଳା କରି ଛାଣି ଦିଅନ୍ତୁ । ପ୍ରସ୍ତୁତ ହୋଇଗଲା ଆପଣଙ୍କର ସ୍ଵାଦିଷ୍ଟ ବରା । ଏହାକୁ ଆପଣ ଧନିଆ ଚଟଣି ନଚେତ୍ ଅନ୍ୟ କୌଣସି ଚଟଣି ସହିତ ଗରମ୍ ଗରମ୍ ମଜା ନିଅନ୍ତୁ ।
