ଆବଶ୍ୟକୀୟ ସମାଗ୍ରୀ
- ଅଟା ୨ କପ୍
- ସିଝା ଆଳୁ ୩ ଟି
- ଅଦା ୧ ଇଞ୍ଚ
- ରସୁଣ ୮/୧୦ ପାଖୁଡା
- ଗୋଲମରିଚ ଅଳ୍ପ
- ଜୀରା ଅଳ୍ପ
- ଧନିଆପତ୍ର
- ଚିଲି ଫ୍ଲେକ୍ସ (ଶୁଖିଲା ଲଙ୍କାକୁ ଭାଜି ଦର ଦର ଖଣ୍ଡ କରିଦିଅନ୍ତୁ)
- କଳାଜିରା ଅଳ୍ପ
- ତେଲ
- ସ୍ଵାଦ ଅନୁସାରେ ଲୁଣ
ପ୍ରସ୍ତୁତି ପ୍ରଣାଳୀ
ଆଳୁପୁରି ପ୍ରସ୍ତୁତ କରିବା ପାଇଁ ସର୍ବପ୍ରଥମେ ଗୋଲମରିଚ, ଜିରା, ଅଦା ଓ ରସୁଣକୁ ପେଷ୍ଟ କରିଦିଅନ୍ତୁ । ତାପରେ ସେଥିରେ ସିଝା ଆଳୁକୁ ପକାଇ ଆଉଥରେ ପେଷ୍ଟ କରିଦିଅନ୍ତୁ । ବର୍ତ୍ତମାନ୍ ଏହାକୁ ଏକ ପାତ୍ରକୁ କାଢି ସେଥିରେ କଳାଜିରା । ଧନିଆପତ୍ର, ଚିଲି ଫ୍ଲେକ୍ସ ଏବଂ ଲୁଣ ପକାନ୍ତୁ । ତାପରେ ସେଥିରେ ଅଟା ପକାଇ ଚକଟନ୍ତୁ । ମନେରଖନ୍ତୁ ସେଥିରେ ପାଣି ଦେବେନାହିଁ । ଏହା ଭଲଭାବେ ଚକଟି ହୋଇଗଲା ପରେ ଏଥିରେ ଅଳ୍ପ ତେଲ ପକାଇ ଆଉଟିକେ ଚକଟି ୧୦ ମିନିଟ୍ ପର୍ଯ୍ୟନ୍ତ ଘୋଡାଇ ରଖି ଦିଅନ୍ତୁ । ତାପରେ ଏହାକୁ ଛୋଟ ଛୋଟ ଗୁଳା କରି ବେଲି ତେଲରେ ଛାଣି ଦିଅନ୍ତୁ । ବର୍ତ୍ତମାନ୍ ପ୍ରସ୍ତୁତ ହୋଇଗଲା ଆପଣଙ୍କର ସ୍ଵାଦିଷ୍ଟ ଆଳୁପୁରି । ଏହାକୁ ଆପଣ ଗରମ୍ ଗରମ୍ ଯେକୌଣସି ଚଟଣି ସହିତ ସର୍ଭ କରନ୍ତୁ ।