ରବିବାର ସଂଧ୍ୟାର ଭରପୁର ମଜା ନେବା ପାଇଁ ଘରେ ପ୍ରସ୍ତୁତ କରନ୍ତୁ ଟେଷ୍ଟି ‘ଫିସ ପକୋଡା’
ଆମିଷ ଖାଦ୍ୟର ବିଭିନ୍ନ ଆଇଟମ ଭିତରେ ‘ଫିସ ପକୋଡା’ ଅନ୍ୟତମ । ମାତ୍ର କିଛି ସାଗ୍ରୀ ବ୍ୟବହାର କରି ଆପଣ ଅତି ସହଜରେ ଏହାକୁ ଘରେ ପ୍ରସ୍ତୁତ କରିପାରିବେ । ଆପଣଙ୍କୁ ସହଜରେ ଘରେ ମୁସ ମୁସ ଟେଷ୍ଟି ପକୋଡା ଘରେ ପ୍ରସ୍ତୁତ କରି ଖାଇ ପାରିବେ । ତେବେ ଆସନ୍ତୁ ଆଜି ଜାଣି ରଖିବା ଏହାର ପ୍ରସ୍ତୁତି ପ୍ରଣାଳୀ ।
ଆବଶ୍ୟକୀୟ ସାମଗ୍ରୀ:
୧. ୫୦୦ ଗ୍ରାମ ମାଛ
୨. ଲେମ୍ବୁ ରସ- ଅଧା ଚାମଚ
୩. ରସୁଣ- ଛୋଟ ଛୋଟ କଟାଯାଇଥିବା
୪. ଅଦା – କଟାଯାଇଥିବା
୫. ଧନିଆ- ଗୋଟେ ଚାମଚ
୬. ଲାଲ ଲଙ୍କା ଗୁଣ୍ଡ – ୨ ଚାମଚ
୭. କିଛି ହଳଦୀ
୮. ଲୁଣ – ସ୍ୱାଦ ଅନୁଯାୟୀ
୯. ୨୦୦ ଗ୍ରାମ ବେସନ
୧୦. ଜୁଆଣି – ଏକ ଚାମଚ
୧୧. ଗରମ ମସଲା
୧୨. ସୋଢା – ଗୋଟେ ଚୁଟକୀ
୧୩. ବନସ୍ପତି ତେଲ
୧୪. ଧନିଆ ପତ୍ର
ପ୍ରସ୍ତୁତି ପ୍ରଣାଳୀ:
– ପ୍ରଥମେ ମାଛକୁ ଭଲ ଭାବେ ଧୋଇ ଦିଅନ୍ତୁ । ଛୋଟ ଛୋଟ କରି କାଟି ଦିଅନ୍ତୁ । ଏବେ ସେଥିରେ ଲେମ୍ବୁ ରସ ଭଲ ଭାବେ ଗୋଳାଇ ଦିଅନ୍ତୁ ।
– ଏବେ ସେଥିରେ ରସୁଣ, ଅଦା, ଧନିଆ ଗୁଣ୍ଡ, ଜୁଆଣି, ଲଙ୍କା ଗୁଣ୍ଡ, ହଳଦୀ ଓ ଲୁଣ ଆଦି ଦେଇ ଭଲ ଭାବେ ଗୋଳାଇ ଦିଅନ୍ତୁ ।
– ଏବେ ୨ଘଣ୍ଟା ପାଇଁ ଛାଡି ଦିଅନ୍ତୁ
– ଏବେ ଅନ୍ୟ ପାତ୍ରରେ ବେସନ, ଓ ବାକି ଥିବା ସାମଗ୍ରୀ ରଖନ୍ତୁ । ଧୀରେ ଧୀରେ ପାଣି ଦେଇ ଏକ ଘୋଳ ପ୍ରସ୍ତୁତ କରନ୍ତୁ । ପେଷ୍ଟ ଟି ଚିକ୍କଣ ଭାବେ ପ୍ରସ୍ତୁତ ହେବା ଦରକାର ।
– ଏବେ କଡ଼ାଇରେ ତେଲ ଗରମ କରନ୍ତୁ
– ପୂର୍ବରୁ ରଖାଯାଇଥିବା ମାଛକୁ ଘୋଳରେ ବୁଡାଇ ଗରମ ତେଲରେ ଛାଣି ଦିଅନ୍ତୁ ।
– ୩ ରୁ ୫ ମିନିଟ ପାଇଁ ଭଲ ଭାବେ କଡ଼ାଇରେ ରଖି କୁର କୁରା ହେବା ପର୍ଯ୍ୟନ୍ତ କଡ଼ାଇରେ ରଖନ୍ତୁ ।
– ସୁନେଲି ରଙ୍ଗ ହେଇ ଆସିଲେ କଡ଼ାଇରୁ ବାହାର କରି ଧନିଆ ପତ୍ର ଦେଇ ସଜାଇ ଦିଅନ୍ତୁ ।
– ସସ କିମ୍ବା ଘରେ ପ୍ରସ୍ତୁତ ଚଟଣି ସହ ଗରମ ଗରମ ଫିସ ପକୋଡାର ମଜା ନିଅନ୍ତୁ ।
