ଆଖି ତଳ କଳା ପଡିଛି କି, ତେବେ ଚିନ୍ତା ନାହିଁ ଏପରି ଦୂର କରନ୍ତୁ କଳାପଣ
ଯଦି ଆପଣ ଏଥିପ୍ରତି ଧ୍ୟାନ ଦେଇ ଏହି ଉପାୟକୁ ଫଲୋ କଲେ ତାହେଲେ ଦେଖିବେ ବହୁତ କମ୍ ଦିନରେ ହିଁ ଆପଣଙ୍କ ଆଖି ତଳେ ପଡିଥିବା କଳା ଦାଗ କମିଯିବ।
ଆଖି ତଳ କଳା ପଡିଲେ ଭାରି ଅସୁନ୍ଦର ଦେଖାଯାଏ । କାହିଁକିନା ସବୁ ଝିଅ ଚାହାଁନ୍ତି ସୁନ୍ଦର ଦେଖାଯିବାକୁ । ସେଥିପାଇଁ ଝିଅମାନେ ସାଧାରଣତଃ ରୂପଚର୍ଯ୍ୟା ବହୁତ କରନ୍ତି । ଖାଲି ଝିଅ ନୁହେଁ ପୁଅମାନେ ବି ବହୁତ କିଛି କସମେଟିକ୍ସ ବ୍ୟବହାର କରନ୍ତି । ତେବେ କହିରଖିବାକୁ ଚାହିଁବୁ ଯେ ଆଖି ତଳେ ଅର୍ବିକ୍ୟୁଲାରିସ୍ ଓକୁଲି ନାମକ ଏକ ପ୍ରକାରର ବୃତାକାର ମାଂସପେଶୀ ରହିଥାଏ । ଆଉ ବ୍ଲୁ ଲାଇଟ୍ ଏହାକୁ କ୍ଷତି ପବଞ୍ଚାଇ ଥାଏ । ଗ୍ୟାଜେଟ୍ସରୁ ବାହାରୁଥିବା ଆଲୋକ ଆଖିତଳ ଚର୍ମକୁ ଶୁସ୍କ କରିଦିଏ । ସେଥିପାଇଁ ଆଖି ପୋଡ଼ିବା, ଆଖିରେ ଲାଲ୍ ସିର ପଡ଼ିବା ସହିତ ଆଖି ବଥା ହେବା ଭଳି ସମସ୍ୟା ଦେଖାଯାଏ ।
ଦୃଷ୍ଟି ଶକ୍ତିକୁ କ୍ଷତି ପହଞ୍ଚିବାର ମଧ୍ୟ ଆଶଙ୍କା ରହିଥାଏ । ଏଥିପ୍ରତି ସତର୍କ ରହିଲେ ଏପରି ସମସ୍ୟାକୁ ଦୂରେଇ ଦେଇ ହେବ । ଏଥିରୁ ବର୍ତ୍ତିବା ପାଇଁ ଆଖିର ଯତ୍ନ ନେବା ସହିତ କଳା ଦାଗରୁ ମୁକ୍ତି ପାଇବା ପାଇଁ ହେଲେ ଅଣ୍ଡର ଆଇ ରୁଟିନକୁ ଫଲୋ କରିବାକୁ ପଡ଼ିବ ।
ଏଥିରେ ସବୁଠାରୁ ଗୁରୁତ୍ୱପୂର୍ଣ୍ଣ ବିଷୟ ହେଉଛି ମଶ୍ଚରାଇଜର । ଆଖି ତଳେ ଥିବା ଚର୍ମ ଅତ୍ୟନ୍ତ ସୂକ୍ଷ୍ମ ଏବଂ ଅତି ଶୀଘ୍ର ଶୁଖିଯାଏ । ସେଥିପାଇଁ ମଶ୍ଚରାଇଜର ବ୍ୟବହାର କରିବା ନିହାତି ଜରୁରୀ । ସେହିପରି ଭିଟାମିନ ଇ ପରିମାଣ ଅଧିକ ଥିବା ଅଣ୍ଡର ଆଇ ପ୍ରଡକ୍ଟସ ବ୍ୟବହାର କରନ୍ତୁ ।
ରାତିରେ ଶୋଇବା ପୂର୍ବରୁ ଆଖି ତଳେ ବାଦାମ ତେଲ ମାଲିସ କରିପାରିବେ । ଯେମିତି ଆଖି ତଳେ ଅଧିକ ଚାପ ନ ପଡ଼େ ସେଥିପ୍ରତି ଧ୍ୟାନ ଦେବେ । ତେବେ ଆଖି ଭଳି ସମ୍ବେଦନଶୀଳ ଅଙ୍ଗରେ କୌଣସି ଔଷଧ କିମ୍ବା ପ୍ରାସାଧାନ ସାମଗ୍ରୀ ବ୍ୟବହାର କରିବା ପୂର୍ବରୁ ଡାକ୍ତରଙ୍କ ପରାମର୍ଶ କରିବା ନିହାତି ଆବଶ୍ୟକ ।
ଯଦି ଆପଣ ଏଥିପ୍ରତି ଧ୍ୟାନ ଦେଇ ଏହି ଉପାୟକୁ ଫଲୋ କଲେ ତାହେଲେ ଦେଖିବେ ବହୁତ କମ୍ ଦିନରେ ହିଁ ଆପଣଙ୍କ ଆଖି ତଳେ ପଡିଥିବା କଳା ଦାଗ କମିଯିବ ।
