ମୁହଁର ସ୍ୱାଦ ବଦଳାଇବା ପାଇଁ ଅନେକ ପ୍ରକାର ବ୍ୟଞ୍ଜନ ଏବଂ ଭୋଜନ ତିଆରି କରାଯାଏ। କିନ୍ତୁ କିଛି ବ୍ୟଞ୍ଜନ ଏମିତି ଅଛି ଯାହାର ସ୍ୱାଦ ମୁହଁରେ ଲାଖିଯାଏ ଏବଂ ଏହାକୁ ଥରେ ଖାଇଲେ ବାରମ୍ବାର ଖାଇବାକୁ ଇଚ୍ଛା ହୋଇଥାଏ। ଆଜି ଆମେ ଆପଣଙ୍କ ପାଇଁ ନେଇ ଆସିଛୁ ‘ରାଜକଚୁଡି’। ତେବେ ଆସନ୍ତୁ ଜାଣିବା ଏହି ରେସିପିକୁ ବନାଇବାର ପ୍ରସ୍ତୁତି।
ଆବଶ୍ୟକ ସାମଗ୍ରୀ
ମଇଦା – ୧ କପ୍
ସୁଜି – ୧/୪ କପ୍
ବେକିଂ ସୋଡା – ୨ ଚିମୁଟାଏ
ତେଲ – ଆବଶ୍ୟକ ଅନୁଯାୟୀ
ଷ୍ଟଫିଂ ପାଇଁ
ସିଝା ଆଳୁ – ୨
ବେସନ ଏବଂ ମୁଗ ଡାଲି ପକୋଡି – ୧୦ ରୁ ୧୨
ଦହି – ୧ କପ୍
ସେଓ ଭୁଜିଆ – ୧/୨ କପ୍
ସିଝା ମଟର କିମ୍ବା ଚଣା – ୧/୨ କପ୍
ଡାଲିମ୍ବ ମଞ୍ଜି – ୧/୨ କପ୍
ମିଠା ଚଟଣୀ
ସବୁଜ ଚଟଣୀ
ଭଜା ଜୀରା – ୨ ଛୋଟ ଚାମଚ
କଳା ଲୁଣ – ୧ ଛୋଟ ଚାମଚ
ଲାଲ ଲଙ୍କା ପାଉଡର – ୧/୨ ଛୋଟ ଚାମଚ
ଲୁଣ – ସ୍ୱାଦାନୁସାରେ
ପ୍ରସ୍ତୁତି ପ୍ରଣାଳୀ
-ସର୍ବପ୍ରଥମେ ମଇଦା, ସୁଜି ଏବଂ ବେକିଂ ସୋଡାକୁ ଏକାସାଥିରେ ମିଶାନ୍ତୁ ଏବଂ ସେଥିରେ ପାଣି ପକାଇ ଭଲଭାବେ ଚକଟନ୍ତୁ।
-ଏବେ କଡାରେ ତେଲ ଗରମ କରି ଗୋଲା କରନ୍ତୁ। ଏହାପରେ ଗୋଲାକୁ ବେଲି ଛାଣି ଦିଅନ୍ତୁ। ଏହା କଚୁଡି ଭଳି ହୋଇଯିବ।
-ଏବେ ଏହି କଚୁଡି ମଝିରେ ହାଲକା ଖାଲ କରନ୍ତୁ।
-ଏବେ ଏତିରେ ଗୋଟିଏ ପକୋଡି, ସିଝା ଆଳୁ ଖଣ୍ଡ, ସିଝା ମଟର, ଭଜା ଜୀରା, ଲାଲ ଲଙ୍କା ପାଉଡର, ଲୁଣ, କଳା ଲୁଣ, ଦହି ଏବଂ ଚଟଣୀ ପକାଇ ସର୍ଭ କରନ୍ତୁ ରାଜକଚୁଡି।